| Lecturas sobre o Trastorno por Déficit de Atención con Hiperactividade |
|
|
|
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Traducción de posts al castellano |
|
 Aunque este Blog nació en Galicia y está escrito en gallego, a través del servicio de estadísticas veo que muchos visitantes (seguramente) no son gallegos. Saludos en especial a los visitantes venezolanos y mejicanos, que son un montón.
Para facilitar la lectura, aquí puedes acceder a un traductor gallego-castellano de la Universidad de Vigo. Puedes copiar y pegar el texto en gallego y te devuelve la traducción, o incluso pudes introducir la URL del blog? y aparece en tu navegador traducido!
En todo caso, aunque el resultado es bastante bueno, es una traducción de máquina por lo que puede haber errores.
Saludos
|
|
|
|
|
| Unha boa noticia sobre a atomoxetina |
|
 Sengundo informa a fundación ADANA no seu boletín on-line deste mes, o Ministerio de Sanidade está considerando incluír a atomoxetina como fármaco de financiación pública.
Noutro post temos falado xa sobre este fármaco alternativo ao metilfenidato no tratamento do TDAH.
Pode que esta decisión teña que ver coa Proposición non de Lei presentada no mes de xuño pasado no Congreso dos Deputados polo grupo de Izquierda Unida na que reclamaba precisamente tal consideración sobre a atomoxetina. Podes ver o texto da proposición aquí.
Unha boa nova, en todo caso. |
|
|
|
|
| TDAH en nenas |
|
 Habitualmente considérase que, ao igual que outros problemas do desenvolvemento, o TDAH afecta máis aos nenos que ás nenas. Ás veces tense establecido unha relación de tres nenos por cada nena, ou ata cinco nenos por cada nena afectada por TDAH.
A razón disto pode atoparse no nivel neurobiolóxico, mais tamén é posible que -nalgunha medida- poda deberse a un artefacto ou sesgo nos labores de diagnóstico:
Algúns autores defenden que as nenas con TDAH presentan unha sintomatoloxía menos chamativa que a dos nenos, polo que en moitas ocasións pasan desapercibidas e non son diagnosticadas.
Quizais o maior estudio levado a cabo sobre TDAH en nenas sexa o desenvolvido na Universdade de Berkeley (California) por Stephen P. Hinshaw e o seu equipo.
Para o mesmo, seleccionaron un grupo de 140 nenas con TDAH (de idades entre 6 e 12 anos) que participaron en campamentos de verán nos que se levaban a cabo actividades específicas. Así mesmo tamén participaron no estudio 88 nenas sen TDAH que serviron como grupo-control.
Estes campamentos tiveron lugar nos veráns de 1997, 1998 e 1999.
Principais resultados
-As nenas con TDAH presentaban maiores índices de problemas escolares (repetición de curso, necesidade de educación especial,?) así como historiais con problemas na adquisición da linguaxe. Así mesmo, o seu nivel de competencia lectora e nas matemáticas era inferior ás nenas do grupo control.
-Tamén se deu en maior medida nas nenas con TDAH a existencia de outro tipo de trastornos comórbidos (Trastorno Negativista Desafiante, Trastornos de Conducta,?).
-As nenas con TDAH de tipo combinado soen ter máis problemas conductuais que as que teñen TDAH de tipo inatento. Non obstante estas soen presentar maiores problemas de illamento social.
-Tamén se apreciou que o seu desempeño en dez tarefas neuropsicolóxicas que valoraban as funcións executivas, a velocidade motriz e o procesamento lingüístico.
Seguimento
Posteriormente, a este grupo de nenas realizóuselle un seguimento ao cabo de cinco anos, o que permitiu valorar a súa evolución ao longo da adolescencia. Os investigadores atoparon que, malia a que os síntomas de exceso de mobilidade poden diminuír, en conxunto as dificultades asociadas ao trastorno persisten e, ademais, novos problemas poden emerxer: ?As condutas delictivas ou depresivas, o risco de abuso de substancias, os síntomas de trastornos alimentarios e as dificultades coas súas compañeiras afectan ao longo da adolescencia ás rapazas con TDAH en maior medida que o normal?
Así mesmo, as dificultades académicas tamén se soen acentuar neste período.
En resumo, semella que o TDAH nas nenas non ten menor impacto negativo do que ten nos nenos e que este ?ao igual que cos afectados masculinos- pode persistir ao longo da adolescencia e mesmo na idade adulta. De feito, aínda que as taxas de nenas diagnosticadas sexa inferior á de nenos, como xa comentamos, na idade adulta as taxas de afectados están parellas.
Máis información sobre TDAH en nenas podes atopala neste artigo de Ellen Littman na revista ADANANEWS (pdf) |
|
|
|
|
| Felipe con síntomas de déficit de atención |
|
 |
|
|
|
|
| TDAH e o risco de uso e abuso de substancias |
|
 A maior probabilidade que as persoas con TDAH teñen de iniciarse no consumo de substancias (tabaco, alcohol, outras drogas) é coñecido na literatura de investigación. Recentemente vense de publicar un novo estudio dentro do marco do Minnesota Twin Family Study (Estudio de Familias con Xemelos de MInnesota) que engade novas evidencias a este aspecto do TDAH.
O Estudio de Familias con Xemelos de Minnesota é un gran estudio lonxitudinal levado a cabo desde hai anos por investigadores da universidade dese estado dos EE.UU.
En 1989 convidouse a todos os xemelos nados no estado a inscribírense no estudio. Aos participantes pedíuselles que visitasen a universidade para unha avaliación sobre catro áreas principais:
- Competencia académica, personalidade e intereses.
- Relacións familiares e sociais.
- Saúde física e mental.
- Medidas de tipo fisiolóxico.
Despois diso contáctese con eles cada ano e repítese a avaliación cada tres anos.
Os datos obtidos, veñen xenerando numerosos estudios sobre aspectos do desenvolvemento de tendencias psicolóxicas e a etioloxía de procesos psicopatolóxicos, entre eles, o abuso de substancias.
Para este estudio empregáronse os datos de 760 xemelas e 752 xemelos aos que se entrevistou xunto coas súas nais e que foron procesados mediante unha técnica de regresión loxística. Coa mesma consegue establecerse o ?peso? ou contribución que teñen unha serie de variables (neste caso, a sintomatoloxía do TDAH) na aparición das conductas obxecto de estudio: Neste caso, a iniciación no uso do tabaco, alcohol e outras drogas ilícitas aos 14 anos, e a existencia de trastornos por abuso de substancias aos 18.
Os resultados obtidos indican que, tanto para rapaces como para rapazas, a presenza de hiperactividade e impulsividade predín a maior posibilidade de iniciación no uso de todo tipo de substancias, o grao de dependencia da nicotina e o uso/abuso de cannabis. Polo contrario, os síntomas de inatención, cando se dan sós non teñen relación co uso de substancias (agás a dependencia da nicotina).
Non obstante, é ben coñecido que outros factores (como o Trastorno de Conducta) tamén teñen unha grande relación co uso e abuso de substancias e, debido á comorbilidade que o mesmo presenta co TDAH era necesario establecer o papel de cada un dos trastornos na aparición do consumo de substancias.
Mediante a análise estatística levada a cabo, os investigadores estableceron que o valor predictivo dos síntomas de hiperactividade/impulsividade é alto, aínda que non exista Trastorno de Conducta. Así mesmo, os síntomas de inatención, unidos á presenza de Trastorno de Conducta incrementan a probabilidade do consumo/abuso.
En resumo, a hiperactividade/impulsividade predí a aparición de posteriores problemas co uso de substancias, mentres que a inatención por si soa parece presentar menos risco.
O estudio orixinal é:
Irene J. Elkins; Matt McGue; William G. Iacono (2007) Prospective effects of attention-deficit/hyperactivity disorder, conduct disorder, and sex on adolescent substance use and abuse. Archives of General Psychiatry, 64(10):1145-1152.
|
|
|
|
|
|
|
|
|
|
