Como colofón a unha morea de actividades arredor do Día da Paz que se viñeron realizando no noso cole durante estes últimos días, hoxe, 30 de xaneiro, todo o alumnado do centro baixou ao patio para poñer a nota festiva cun sinxelo acto simbólico para reivindicar o dereito de TOD@S a vivir en PAZ, unha reivindicación que concorda cos ideais que comportan os Xogos Olímpicos: solidariedade, compañeirismo, colaboración, sacrificio, esforzo, traballo en equipo... É por iso que quixemos aproveitar esta data para ?inaugurar? os nosos propios xogos olímpicos que, como sabedes, é o tema do proxecto documental de centro. A continuación, unha pequena mostra en imaxes do que aconteceu: O alumnado prepárase nas aulas cos seus medallóns "Aos xogos en Paz":
Emulando aos atletas que percorren o traxecto desde Grecia ata a sede olímpica, os representantes de cada ciclo, portando o facho olímpico, fixeron unha carreira con relevos que rematou no podio onde se leron os compromisos de traballo de investigación en equipo que se levarán a cabo en cada ciclo.
Todo o alumnado do centro acepta o compromiso e o facho pasa de man en man. Ao finalizar o percorrido, o facho olímpico deposítase no podio para logo permanecer na biblioteca ata que se dea por finalizado o proxecto:
Para rematar, música e baile con moitas apertas e agarimos:
Que vos parece? Non está mal como aperitivo, pero podedes ver máis fotos premendo AQUÍ. Estade atent@s porque saídes moi guap@s!!
Tal e como nos contan os nenos e nenas do Curruncho do 2º ciclo, durante a celebración dos Xogos Olímpicos da antigüidade as guerras suspendíanse temporalmente para que os deportistas se desprazasen a Olimpia e participasen nas diferentes competicións en paz. Isto recibía o nome de Paz Olímpica ou Tregua Olímpica. A cidade de Olimpia tiña estatus de territorio neutral. Os representantes dos diversos pobos podían participar e incluso había reunións para negociar a Paz. PAZ e XOGOS OLÍMPICOS van xunguidos, polo tanto, desde a antigüidade, e este espírito aínda se conserva na actualidade. No noso cole faremos a "inauguración" dos nosos xogos olímpicos ao abeiro da celebración do Día da Paz, para o que contamos cun obxecto moi especial, o facho olímpico que portaron os atletas nos xogos de 1992 (grazas a Patricia do Ceip A. D. R. Castelao de Vigo) e tamén luciremos o noso particular medallón "Aos XXOO pola PAZ", que podedes ver na imaxe. Por suposto, poderedes ler a crónica dun día tan especial nos vindeiros días.
ATA PRONTO!!
Premendo nas imaxes de abaixo podes imprimilas e decoralas. Se as traes ao cole pegarémolas nun mural colectivo.
O Seminario Galego de Educación para a Paz, por medio da súa web, ofrece a todo o profesorado, moi diversos materiais e recursos didácticos que poden baixarse gratuítamente da rede. Destacamos a campaña "Paraugas pola Paz", coa que o alumnado pinta e decora paraugas con lemas pacifistas, varias Unidades Didácticas sobre distintos contidos da educación para a paz e os diferentes recursos e materiais sobre "Conflictividade e Convivencia Escolar". Ademais dos recursos citados, na web do Seminario, pódese acceder, tamén, a varios audiovisuais como "En son de Paz", "Cultura de Paz" ou á curta de ficción "Por nada".(Información recollida en Mergúllate na lectura)
Como cada ano desde 1964, o día 30 de xaneiro celebrarase o Día Escolar pola Paz e a Non Violencia, en conmemoración da morte de MAHATMA GANDHI. Na seguinte ligazón atoparedes unha recompilación de páxinas con información, actividades e recursos para traballar nas aulas.
Atoparemos moitas máis ideas nos blogues das bibliotecas escolares galegas:
A continuación, unha interesante páxina con recursos imprimibles para traballar temas transversais, de Rosana Larraz.
En EscuelaTic tamén teñen unha selección de enlaces e recursos:
E non deixedes de pasar polo blog de Ana, AulaTic, onde atoparedes estupendas actividades de elaboración propia: unha presentación sobre o Día da paz, un caderno de fichas, o LIM "Entre todos construimos a Paz" (en galego e en castelán).
Ao noso cole xa empezaron a chegar fermosas pombiñas da paz, como estas que fixeron os nenos e nenas de E. Infantil:
O día 9 de xaneiro comezaron a colaborar durante os recreos os equipos de AXUDANTES DA BIBLIOTECA, facendo un estupendo traballo na xestión e dinamización, favorecendo e facilitando o uso deste espazo ao resto do alumnado. Foron moitas as solicitudes que se presentaron en resposta á convocatoria que se levou a cabo durante o primeiro trimestre, no que tamén se distribuíron os equipos e as quendas, confeccionáronse os identificadores e elaboráronse as Guías de axudantes, que se entregaron a cada un dos compoñentes dos equipos. A continuación podedes ver algunhas fotos:
Se premes nas imaxes seguintes poderás acceder aos documentos:
Por cuatro esquinitas de nada, escrito e ilustrado por Jerome Ruillier, é un album cunha proposta gráfica moi orixinal que trata sobre a amizade, a diferenza, a exclusión e a importancia de ter en conta as barreiras arquitectónicas: Cuadradito quere xogar en casa dos seus amigos Redonditos, pero non pasa pola porta porque... a porta é redonda como os seus amigos! «Teremos que recortarche as esquinas!», dinlle os redonditos. «Oh, non! -di Cuadradito- Doeríame moito!» Que podemos facer? Cuadradito é diferente. Nunca será redondo. PÍDEO NA BIBLIOTECA!
%5B2%5D.gif)
.jpg)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
