|
|
|
|
| MAIOS 2019 |
|
O venres, 10 de maio, celebramos no cole a tradicional festa dos MAIOS coa que se dá a benvida ao renacemento da natureza despois dun longo sono invernal. Todos os nenos e nenas do centro contribúen á construción do maio vestindo con fiuncho, flores, cocas e outros elementos naturais unha armazón de madeira con forma de pirámide:
Como novidade, este ano tamén elaboraron un mandala que serviría para acoller no seu centro ao MAIO xa vestido e engalanado:
Como era de supoñer, unha alusión ao noso proxecto anual sobre PINTURA coroaba o noso maio pintureiro. QUEDOU XENIAL!!
Despois de dous días de traballo, reunímonos no ximnasio (a choiva non deu tregua!) para gozar cantando unhas coplas moi simpáticas e batendo cos nosos paus ao ritmo dos recitados. Os nenos e nenas de quinto e sexto de EP fixeron a presentación do que ía acontecer e dramatizaron magnificamente a loita entre o inverno e a primavera:
A continuación viñeron as coplas:
Para finalizar, todos bailamos ao ritmo da música da "saia da Carolina". Pasámolo xenial!!!
Queremos dar as GRAZAS ás familias que quixeron acompañarnos neste día e a toda a comunidade educativa pola súa colaboración na achega dos materiais. E, por suposto, un agradecemento moi especial ao noso conserxe Alfonso e á nosa querida PROFE MARILUZ pola súa xenerosidade e pola súa impagable axuda.
Para ver máis fotos, clic nas seguintes ligazóns:
- ELABORACIÓN DO MAIO
- FESTA DOS MAIOS 2019 |
|
|
|
|
| FESTIVAL FIN DE CURSO 17/18 |
|
O festival de hoxe foi o broche de ouro para o curso 17/18, un curso de aluCINE, que comezou cos agasallos de MIK aos axudantes da biblioteca, aos que lles estamos moi agradecidos polo seu espléndido traballo e pola súa xenerosidade.
A partir das doce da mañá, o alumnado de 6º de E. Infantil e o de 6º de Primaria foron os protagonistas da xornada cos seus bailes, os seus vídeos, as súas fermosas palabras e as súas chiscadelas de humor, que lograron os entusiastas aplausos das familias que os quixeron acompañar neste día tan importante para eles. Non faltaron as emocións e as bágoas dos compañeir@s que exteriorizaban os seus sentimentos pola marcha dos maiores. Foron momentos inesquecibles que para sempre estarán nos nosos corazóns.
Desde este recuncho queremos enviarlles aos nenos e nenas de INFANTIL os nosos máis agarimosos parabéns pola súa fermosa chegada a PRIMARIA. E aos nosos queridos nenos e nenas de 6º desexámoslles unha feliz e exitosa andaina na súa nova etapa escolar e moita sorte en todos os seus proxectos, tanto persoais como académicos. MOITOS BICOS A TOD@S E ATA SEMPRE!!!!
    |
|
|
|
|
| MAIOS 2018 |
|
Este venres celebramos no cole a festa dos MAIOS, despois de varios días de traballo creando coplas, atando ramallos de fiuncho... Despois do recreo xuntámonos no patio para dar a nosa benvida á primavera. Facendo varias rodas, todos os nenos e nenas foron colocándose para recibir ao noso fantástico MAIO e acompañar os ritmos das coplas co son acompasado dos seus paus. Que ben o fixeron! Daba gusto velos tan engalanados e cheos de flores!
Como todos os anos, as familias achegaron os elementos naturais cos que o alumnado do cole foi recubrindo a armazón dun maio tradicional, preparada de antemán. Todos os cursos, baixo a supervisión dun mestre, foron "vestindo" pouco a pouco o "maio" que loceu no centro do patio, cun "detalle" cinematográfico no seu cume, ao fío do PDI. PASÁMOLO XENIAL!!! Moitísimas grazas ás familias pola súa colaboración achegando os materiais necesarios para a construción do "maio" e o noso agradecemento moi especial á nosa querida profe MARILUZ pola súa enorme xenerosidade e a súa impagable axuda.
Aquí tendes algunhas imaxes:
|
|
|
|
|
| MAIOS 2017 |
|
Como cada ano no mes de maio, hoxe celebramos a chegada da primavera coa tradicional "Festa do Maio". Todos os nenos e nenas do centro contribúen á construción do maio vestindo con fiuncho, flores, cocas e outros elementos naturais unha armazón de madeira con forma de pirámide:
Como era de supoñer, unha alusión ao noso proxecto anual sobre Países e culturas coroaba o noso maio viaxeiro. QUEDOU XENIAL!!
Despois de dous días de traballo, reunímonos no ximnasio (a choiva non deu tregua!) para gozar cantando unhas coplas moi simpáticas e batendo cos nosos paus ao ritmo dos recitados. Unhas flores moi bonitas fixeron a presentación do que ía acontecer:
A continuación viñeron as coplas:
E cando xa pensabamos que o problema dos pokemon quedara solucionado no entroido, atopamos un Pikachu rebuldeiro agochado debaixo do maio!!! Estamos apañados!!! Teremos que seguir buscando polo mundo estes trasnos amarelos!!
Queremos dar as GRAZAS ás familias que quixeron acompañarnos neste día e a toda a comunidade educativa pola súa colaboración na achega dos materiais. E, por suposto, un agradecemento moi especial ao noso conserxe Alfonso e á nosa querida PROFE MARILUZ pola súa xenerosidade e pola súa impagable axuda.
Para ver máis fotos, clic nas seguintes ligazóns:
- ELABORACIÓN DO MAIO
- FESTA DOS MAIOS 2017 |
|
|
|
|
| FESTIVAL FIN DE CURSO 15/16 |
|
O 22 de xuño tivo lugar no ximnasio do centro o acto de fin de curso co que rematamos un ano cheo de vivencias e moitas emocións, aprendemos, xogamos e tamén nos divertimos. As familias acompañáronnos neste acto sinxelo no que afloraron unha morea sentimentos: alegría compartida, agradecementos, sentidas despedidas...
O alumnado de sexto de EP foi o protagonista da xornada ofrecéndonos unha actuación inesquecible coa que dicía adeus aos compañeir@s, profesorado e ao centro do que formaron parte durante unha etapa fundamental das súas vidas e no que deixan a súa pegada para sempre.
 
E, por suposto, dámoslle unha agarimosa benvida aos nenos e nenas de sexto de E. Infantil xa que o vindeiro curso comezarán unha nova etapa na E. Primaria. Desde este recuncho desexámoslles a tod@s unha nova andaina feliz e chea de éxitos académicos e persoais.
Máis fotos AQUÍ
O claustro de profesores/as xunto co resto da comunidade educativa queremos enviarvos unha aperta moi forte e desexarvos que pasedes unhas vacacións fantásticas en compañía das vosas familias. FELIZ VERÁN!!!
|
|
|
|
|
| O GRUPO DE TEATRO DO CEIP BELESAR VISITA O NOSO CENTRO |
|
O martes, 31 de maio, o grupo de teatro do Ceip Belesar acudiu ao noso centro para representar a obra "Lucía busca o seu sitio".
Os actores e actrices fixeron un estupendo traballo e foron capaces de transportarnos a través da música por diferentes países do mundo. ENCANTOUNOS!!! MOITAS GRAZAS!!!
Poderás ver moitas máis fotos facendo clic AQUÍ |
|
|
|
|
| EL MONSTRUO DE COLORES E OS SALADINOS |
|
O xoves, 19 de maio, recibimos unha visita moi especial: o grupo de teatro "Os saladinos" (Cee Saladino Cortizo) acudiron ao noso centro para representar a obra "El monstruo de colores", que trata dun xeito moi divertido o mundo dos sentimentos e das emocións. Foi FANTÁSTICO!! A obra gustounos moito e os actores e actrices fixérono xenial. Pasámolo requetebén cando nos convidaron a xogar cuns balóns enormes que simbolizaban a nosa alegría, tristura, rabia... Moitas GRAZAS e moitos PARABÉNS polo magnífico traballo de alumn@s e mestres que quixeron compartir con nós uns momentos inesquecibles.
OS SALADINOS - Kizoa Editar Videos - Movie Maker |
|
|
|
|
| TEATRO ESCOLAR NO AUDITORIO MUNICIPAL |
|
O mércores, día 18, os nenos e nenas de E. Primaria do noso centro foron convidados a asistir ás VII Xornadas Municipais de Teatro Escolar no Auditorio do Concello de Vigo. Tivemos unha mañá moi "teatreira" xa que, ademáis de ver aos nosos compañeir@s representando "O Principiño", puidemos gozar da obra O mozo Quixote (Escola Municipal de Teatro) e Cun pouco de axuda (Ceip Sobreira). PARABÉNS aos actores e actrices polo seu bo facer e a súa profesionalidade. E MOITAS GRAZAS ao público polo seu saber estar, atento e respectuoso, e polos seus aplausos
TEATRO 2016 - Kizoa Editar Videos - Movie Maker
Se queres ver MÁIS FOTOS clic AQUÍ |
|
|
|
|
| TEATRO INTERESCOLAR 2015/2016 |
|
|
|
|
|
|
| MAIOS 2016 NO MESTRES GOLDAR |
|
 Este mércores celebramos no cole a festa dos MAIOS, despois de varios días de traballo nos que todos os niveis colaboraron na construción dun fermoso maio tradicional. Como é habitual, as familias achegaron os elementos naturais cos que o alumnado foi "vestindo" pouco a pouco o "maio", que loceu florido e fermoso no centro do patio para dar a nosa particular benvida á primavera. Arredor do "maio", os nenos e nenas, adobiados con coroas, colares e pulseiras de flores, explicaron marabillosamente a historia e o significado desta celebración. A continuación, o grupo de sexto de EP, encargouse de cantar unhas simpáticas coplas que tiñan preparadas. Para rematar, familias, profes e alumnado puideron facer un percorrido pola historia dos "maios" no noso centro, recollida nus paneis coas fotos dos cursos anteriores. Pasámolo xenial!!!
Para ver máis fotos, preme nas ligazóns:
PRIMEIRO EP SEGUNDO EP TERCEIRO EP CUARTO EP SEXTO EP A FESTA |
|
|
|
|
|
|
|
|
|
%5B2%5D.gif)
.jpg)
.JPG)
