O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios

enriquecen este blog.
MOITAS GRAZAS!

















https://get.google.com/albumarchive/109183052507519885982?source=pwa

https://get.google.com/albumarchive/109183052507519885982/album/AF1QipNOHzZ_Gt0MWJY4n_M7vQqSY3sOau7PdzstZdXP








































RECURSOS SOBRE CINE NA ESCOLA
https://miaulatic.blogspot.com.es/p/blog-page_3.html
PDI 17/18:
O CINE NO MESTRES GOLDAR
http://blogoteca.com/orecantodemik/index.php?cat=14633
https://photos.app.goo.gl/VIMND5o3Y5cjjIX03

outils webmaster

Locations of visitors to this page

Myspace text generator


Make glow text and comments


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

ELES TAMÉN LEN...
Para que les? é o título dunha iniciativa do Clube de Lectura da ONG Implicadas no Desenvolvemento. Esta proposta foi recollida por un gran número de bibliotecas escolares galegas que contribuiron coas súas achegas á montaxe dunha exposición para o Día mundial do Libro e dos Dereitos de Autor, na que moitas persoas pertencentes a diferentes eidos da cultura, persoas anónimas, mestres/as e alumnos/as explican as razóns para ler e o que a lectura proporciona ás súas vidas. Todo este traballo foi coordinado por Loly Lago do Ies de Fene e Charo Sánchez Gabriel do Ies Sánchez Cantón de Pontevedra. Olga Rodríguez, do Ceip Milladoiro de Malpica, coordinou o traballo de recompilación de textos e fotos de persoas famosas con profesións moi diferentes que nos contan que Eles tamén len. Aquí vos deixo as súas razóns:

Os nosos parabéns a todas as persoas que fixeron realidade unha fermosa idea.

E TI, POR QUE LES??
Gustaríame saber cales son os teus motivos para ler e que libro ou libros recomendarías. Participa ti tamén nesta iniciativa deixando as túas razóns nun comentario.

Comentarios (3) - Sección: Día do Libro - Publicado o 22-04-2010 19:51
# Ligazón permanente a este artigo
MÁIS DE MADRIÑAS E PADRIÑOS

Seguindo coa crónica das actividades do Día do libro, déixovos uns vídeos da actividade de "madriñas e padriños lectores". Tamén podedes ver a crónica no blog de Ubaldo








Comentarios (7) - Sección: Día do Libro - Publicado o 26-04-2009 14:14
# Ligazón permanente a este artigo
MADRIÑAS E PADRIÑOS LECTORES
No día do libro a lectura espallouse por todo o centro, as madriñas e padriños lectores convertiron o patio do recreo nun espazo de conto, de fantasía, de maxia...
A historia comeza no día anterior, cando os padriños e madriñas se presentan nas aulas aos seus "afillados" concertando a cita lectora para o día seguinte. O alumnado de Infantil e 1º ciclo de Primaria agardaba hoxe impaciente a chegada dos seus padriños para disfrutar dunha sesión de contacontos moi particular. A música soaba mentres buscaban un lugar onde acomodarse; cando a música cesou xurdiu a maxia: moreas de historias encheron o aire, atentas miradas, algúns sorrisos, murmurios...
Pero as imaxes falan por si soas:





Podes ver as fotos
AQUÍ

Comentarios (8) - Sección: Día do Libro - Publicado o 24-04-2009 00:21
# Ligazón permanente a este artigo
DÍA DO LIBRO: FAMILIAS EN ACCIÓN!!!
Como xa sabedes, co motivo da celebración do Día mundial do libro a biblioteca convocou un certame de CARTEL E LEMA no que era imprescindible a colaboración das familias. A resposta foi a que se esperaba: unha masiva participación onde a creatividade e a orixinalidade foi a característica principal dos traballos presentados, algúns deles cuns lemas dignos de calquera prestixiosa empresa de publicidade, que poñían de manifesto a importancia da lectura na formación das persoas e que demostraban ser froito da reflexión.
Os nosos PARABÉNS e o noso agradecemento pola vosa constante disposición a colaborar.
MOITAS GRACIAS!!!

CARTEL E LEMA PARA O DÍA DO LIBRO


(Podes velo a pantalla completa se premes nas catro frechas. Para quitar a música preme no altavoz)

(VER FOTOS)



Comentarios (4) - Sección: Día do Libro - Publicado o 23-04-2009 22:34
# Ligazón permanente a este artigo
¡IMPORTANTE AVANCE CIENTÍFICO!
Atopouse un novo medicamento que conseguirá que aumente considerablemente a nosa calidade de vida e que, polas súas características, seguro revolucionará a comunidade médica. Dada a súa ductilidade e a cantidade de males que cura, deberá tomarse coa debida precaución, polo que, tal e como nos advirten as autoridades sanitarias, é fundamental

Ler o prospecto antes de usar este tratamento :

Composición e presentación
Letras, palabras, follas, números, debuxos, símbolos, fotos en celulosa impresa. Presentacións máis frecuentes: novela, posesía, ensaio, cómic, contos, enciclopedias, revistas, periódicos,.., e outras para tratamentos máis específicos.

Indicacións
Síntomas de aburrimento, dúbidas de importancia variable, necesidade de descubrimentos, aclaracións, viaxes reais ou imaxinarias, insomnio, largas esperas, agasallos, convalecencias prolongadas e cadros de estreñimento (crónicos ou esporádicos).

Uso e doses
- Empezar con doses suaves; sobre todo en menores de 5 anos, e nunca con máis de 5 minutos de aplicación continuada.
- Aumentar progresivamente ata chegar á dose correcta (aquela que nos deixa a gusto).

Embarazo e lactancia
Os estudos clínicos realizados con este tratamento non presentan contraindicacións neste grupo, salvo algún descuido puntual que ten retrasado a hora de lactancia.

Conducción e uso de máquinas
É moi probable que este tratamento afecte á súa capacidade para conducir ou utilizar maquinaria, polo que se recomenda non usalo nestas circunstancias e mantelo a unha distancia prudencial.

Posibles efectos adversos
Nun considerable número de pacientes presentouse un alto nivel de dependencia, provocando continuas visitas a bibliotecas e librerías e unha necesidade constante de ter un libro entre as mans. Nestes casos a recuperación a estados anteriores resulta case imposible, e non se constata ningún caso con desexo de abandonar este novo estado.


Salvo casos moi excepcionais este tratamento
non conta coa subvención da Seguridade Social

CONCLUSIÓNS DERIVADAS DOS EXHAUSTIVOS ESTUDOS CIENTÍFICOS: A lectura tamén cura!

(Este inxenioso texto está incluido nun dos carteis presentados ao certame "Cartel e lema" convocado pola Biblioteca do centro para a celebración do Día do libro. O autor é Eloi Covelo (4º de EP), que realizou o traballo coa colaboración da súa familia, tal e como establecían as bases do certame.)



Comentarios (7) - Sección: Día do Libro - Publicado o 21-04-2009 22:20
# Ligazón permanente a este artigo
POR SE NON CHEGAN AS MUSAS...
Sabemos que moitas familias xa están traballando para o certame de carteis e lema que convocou a Biblioteca para a exposición do Día mundial do libro pero, por se a alguén se lle resisten as musas, tráiovos unha colección de carteis para o fomento da lectura, procedentes de distintas institucións, para que vos sirvan de inspiración. Premendo enriba deles poderedes velos un pouco máis grandes:

Comentarios (1) - Sección: Día do Libro - Publicado o 16-04-2009 20:23
# Ligazón permanente a este artigo
PARA LER MÁIS...

De cara ao 23 de abril, Día mundial do libro e do dereito de autor, MIK tráenos unha nova proposta: elaborar un cartel cun lema que promocione o libro e a lectura. O traballo realizarase en colaboración coas familias e poderase empregar calquera técnica (collage, témpera, rotuladores...)

Cos carteis entregados faremos unha gran exposición na semana do 23 de abril. Como sabemos que hai grandes artistas entre o noso alumnado agardamos unha masiva participación e contamos ademais coa impagable e incondicional colaboración das familias. MOITAS GRACIAS!

Comentarios (5) - Sección: Día do Libro - Publicado o 14-04-2009 21:40
# Ligazón permanente a este artigo
DÍA DO LIBRO : Un libro especial
O 23 de abril de 1616 morreron Miguel de Cervantes e William Shakespeare, dous dos persoeiros máis importantes da literatura universal. Por iso nese día celébrase o Día do Libro e dos Dereitos de Autor.
Unha das actividades que se está a facer na nosa Biblioteca para conmemorar esta data é unha exposición dos libros que tiveron un significado especial nun momento das nosas vidas. Pedimos colaboración ás familias para que aportasen o seu "libro especial" coa fin de que o noso alumnado percibise a importancia dos libros nas persoas do seu entorno. Por outra banda, os nen@s tamén "vestiron" unha árbore cos seus libros favoritos enchéndoa de follas que eles mesmos prepararon con títulos dos libros que máis lles gustan. E así vai quedando o vestíbulo do cole:



Cal é o teu libro especial?

Cóntanos nun comentario cal é ese libro que che gustou tanto, que te fixo pensar, no que descubriches algo... Explícanos tamén por que é especial para ti, seguro que animarás a outras persoas a que o lean.



Comentarios (1) - Sección: Día do Libro - Publicado o 18-04-2008 19:35
# Ligazón permanente a este artigo
DÍA DO LIBRO: Eu leo, ti les...

EU LEO, TI LES, EL LE...


Comentarios (4) - Sección: Día do Libro - Publicado o 13-04-2008 13:27
# Ligazón permanente a este artigo
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats



Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0