Esta fantástica representación do ciclo da auga foi realizada polo alumnado de Infantil para o proxecto documental de centro. Os nosos PARABÉNS aos nenos, nenas e profesorado polo magnífico traballo que realizaron e que nos axuda a todos a comprender este fenómeno natural tan importante na vida do noso planeta:
Os nenos e nenas do segundo ciclo están metidos en plena voráxine investigadora. Cada equipo busca as fontes de información, selecciona, le, resume, escribe, comproba, cotexa... Son auténticos detectives da información e están facendo un espléndido traballo!! PARABÉNS!!
SEGUNDO CICLO INVESTIGA on PhotoPeach Premendo na imaxe de abaixo podes ver algunhas das súas fontes (materiais achegados polas familias e a biblioteca do centro para a busca e exposición no seu ciclo):
Dentro das actividades propostas pola biblioteca arredor do PDI sobre a AUGA, levamos a cabo un xogo/reto que nos serviría para ampliar o noso vocabulario sobre a auga. Participou todo o alumnado do centro coa nosa Pinguiña de mestra de ceremonias. O xogo consistía en que cada curso/nivel tería que preparar un grupo de palabras aprendendo o seu significado ou significados e atopar a definición entre as posibilidades que se lles presentaban. Por suposto, o nivel de dificultade variaba segundo a idade do alumnado. Cada vez que se relacionaba A PALABRA CORRECTAMENTE CO SEU SIGNIFICADO os nenos e nenas que as portaban terían que abrazarse. Foi moi divertido ao tempo que moi proveitoso. PARABÉNS!!
Primeiro chegou una carta de Pinguiña, dando as instrucións: cada curso coas súas palabras e definicións escritas en cartolinas de cores..., despois os días de traballo entre todos e todas agardando a visita de Pinguiña e, por fin!, a chegada da nosa amiga ás aulas, acompañada dunha misteriosa maleta...
PASÁMOLO REQUETEBÉN! GRAZAS PINGUIÑA!! Se queredes ver o ben que o pasaron premede nos pés de foto.
Gracias a Charo, do IES Sánchez Cantón, tivemos coñecemento desta completa CHOIVA DE PALABRAS, REFRÁNS, DITOS,...do profesor Anxo González Guerra, moi acaída para o noso proxecto documental sobre a auga, coa que poderemos ampliar o noso vocabulario:
Actividades interactivas sobre OS RÍOS dirixidas ao 2º e 3º ciclos de Primaria. Trátase de materiais complementarios elaborados arredor da AUGA, Proxecto Documental que se está levando a cabo no noso centro:
Actividades interactivas sobre a auga, dirixidas ao 1º ciclo de Primaria e elaboradas por Antonio Aires G. Un excelente xeito de aprender xogando!! (se queres facelo a pantalla completa preme no cadradiño da dereita):
O Día Internacional da auga celébrase anualmente o 22 de Marzo como un medio para chamar a atención sobre a importancia da auga doce e a necesidade de reivindicar unha Xestión Sustentable deste recurso. No noso centro estase levando a cabo unProxecto Documental Integrado arredor da auga coa intención de crear no noso alumnado unha visión ampla e concienciada sobre este recurso fundamental. Atoparedes toda a información do proxecto na site creada para tal fin.
De novo chegou o carteiro ás aulas do noso cole!! Xa tiñamos ganas de recibir noticias de Mik e Pinguiña, que, como era de supoñer, facíannos unha proposta moi divertida para realizar en colaboración coas nosas familias: unha CHOIVA DE DESEXOS!! Que guai!!
Queredes ver en que consiste? Pois abride os sobres e lede as cartas:
A que vos gustou a idea?? Pois veña, que xa estamos desexando ver os vosos estupendos traballos!!
Dentro das actividades de motivación do PDI sobre a AUGA, os nenos e nenas de Infantil están aprendendo esta canción tan chuli:
Aquí temos a letra da canción "Y lloverá" do grupo "Siempre así". Atopeina no blog En la escuela caben todos, xunto cos pictogramas, para traballar a canción co alumnado que aínda non le.
%5B2%5D.gif)
.jpg)
.JPG)
