O 25 de novembro é a data escollida pola ONU como Día Internacional da Non Violencia Contra a Muller. Con esta celebración preténdese concienciar a toda a sociedade, denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. Esta convocatoria comezou o 25 de novembrode 1981 en lembranza da data en que foron asesinadas, en 1960, as tres irmás Mirabal, activistas dominicanas que loitaron polos dereitos das mulleres en contra do dictador Trujillo. Foron alcumadas co precioso nome de AS BOLBORETAS.
Co gallo desta celebración, o noso alumnado traballará coa canción de ROZALÉN, La puerta violeta, para aprendela e cantala tod@s xunt@s nese día.
Abaixo tendes varios vídeos nos que podedes ver varias postas en escea da mesma canción: canción en directo con linguaxe de signos, videoclip, e vídeo coa letra da canción. Escolle a que máis che guste e comeza a cantar!!!
Aquí están os nenos e nenas de E. INFANTIL cos seus preciosos cartaces coas mulleres que iluminan as súas vidas. E, por suposto, berraron ben alto que dan a cara por elas. Aquí os tendes. A gozar!!
Como remate ás actividades arredor do 25 de novembro, na biblioteca do centro levouse a cabo o obradoiro "CAMIÑA CON NÓS POLA IGUALDADE", un programa educativo elaborado e implementado dende a Concellería de Igualdade do Concello de Vigo, dirixido a nenos e nenas de 2º, 4º e 6º de EP. A finalidade do programa é fomentar a educación na cultura de igualdade de oportunidades entre nenas e nenos desde a comunidade educativa para promover a coeducación e previr a violencia de xénero. A charla resultou moi amena e proveitosa. O alumnado mostrou moito interese e involucrouse activamente en todas as propostas. Podedes ver a crónica da actividade do grupo de 2º de EP no seu blog de aula: O curruncho do primeiro ciclo
Xa temos o making-of do noso spot publicitario. Bueno, serán varios porque neste cole hai moitos actores e actrices que quixeron participar. Traballaron arreo pero están contentísim@s. E o que é mellor, moi sensibilizad@s e comprometid@s. Resultará unha campaña moi bonita a favor da IGUALDADE DE XÉNERO. PARABÉNS A TOD@S por este fantástico traballo!!!
Este non é un martes calquera, hoxe é 25 de novembro, Día Internacional da eliminación da Violencia de Xénero, polo que comezamos o día colocando na nosa roupa un lazo de cor malva para chegar ás aulas ben adobiad@s para o diálogo e o debate arredor deste problema que avergoña á sociedade. Tod@s se manifestaron dispostos a dar a cara pola igualdade. Parabéns, rapaces!! Vós sodes os adultos do futuro e os que faredes que desapareza esta lacra social. Por suposto, MIK tamén puxo o seu lazo, ao igual que todo o persoal do centro, docente e non docente:
E aquí están tamén os cartaces de quinto e de segundo de EP. CHULÍSIMOS!!!
Hoxe comeza a campaña de sensibilización pola igualdade de xénero que se desenvolverá no noso cole baixo o lema "Polas mulleres-luz da miña vida, EU DOU A CARA!", baseada no anuncio que a empresa Atresmedia difunde pola televisión. O alumnado do centro completou uns cartaces cos nomes das mulleres polas que dan a cara e as razóns polas que elas iluminan as súas vidas. Mamás, avoas, tías, irmás, profes..., moitos nomes de muller rotulados con cores brillantes aparecen nos seus traballos. Pero non acaba aí a cousa! Mañá tod@s luciremos na roupa lazos malva e o mércores comezarán as gravacións dos spots publicitarios. Porque no noso cole... DAMOS A CARA POLA IGUALDADE!!!
%5B2%5D.gif)
.jpg)
.JPG)
