Os de Noriega



Este caderno dos de Noriega, adicado ao poeta Antonio Noriega Varela, pretende ser unha xanela aberta a todo o mundo que queira coñecer a infinda sensibilidade poética do "Bardo da Montaña" e "Cantor do Ermo". Calquera pode facer uso desta bitácora e deixar a súa opinión ou comentario nela.
Sexan benvidos e benvidas!.
Graciñas por visitarnos.
xosedenoriega@gmail.com


O Cantor do Ermo
 Espazos
 Fotoblogue
 Enlaces
 Busca por calquer elemento nesta bitácora
 Atopar blogues galegos
 No faiado
 Artigos morniños
 Artigos destacados

CAMPEÓN FERIDO

N' aleará o veterano
que desbravou moito a serra,
pero a labor non se atrasa,
naide das filas deserta.

Cantaruxando os rapaces
marchan detrás das ovellas,
e prós bois nas manxadoiras
non faltan mangados de herba.

A amiña -unha miña xoia-,
xonzouse a suca-las terras,
i á noite volve prá casa
tan papadiña e marela,
que, si se tumba no escano,
inda os tronos n'a despertan.

¡Probiño enfermo!, tirado
nunhas pallas balorentas,
lembra un campeón ferido,
xa inútil prá loita fera;
i os toxos demandan fóuces,
pide ligós a restreba
e, si non se doi quen puxa,
o que cae non se queixa.

Fosco o montañés e mudo,
solo agarda a derradeira
hora en que Dios o recolla
pra respiro dos que quedan...

Pretiño del canta o galo,
axiran na criba aveas,
i hai un netiño que chora
i on xato, ceibo, que breca.

Do Ermo
Antonio Noriega Varela


Comentarios (0) - Categoría: A. NORIEGA VARELA(Obra en Galego) - Publicado o 11-12-2020 21:28
Ligazón permanente a este artigo
TERESA FERRO BOÓ

Unha estreliña sin par...
¡Non se me cai da memoria!:
versos me pideu, e groria
quixera ter pra lla dar.

Con un suspiro a agasallo,
e, si asinte, co deseio
de que lle depare o ceio
un mozo com'on carballo,
digno desta viril Tresa,

¡flor da miña devoción!,
que val máis ouro que pesa,
pois, si o Parnaso lle intresa,
é porque ten corazón.

Do Ermo
Antonio Noriega Varela


Comentarios (0) - Categoría: A. NORIEGA VARELA(Obra en Galego) - Publicado o 11-12-2020 21:27
Ligazón permanente a este artigo
FESTIÑA DOS BREÑALES...

Festiña dos breñales, linda abrula,
pois o ermo afrixe, ¡seu rigor quebranta!,
i alegra os soutos, donde arrola a rula,
i as carballeiras, donde o malvís canta.

Mande Dios que inda enfeites miña lira,
i a Virxe mande que contigo sean
a meiguice da fonte que suspira,
i a mágoa das espigas que lourean.

Beira dun carreiriño polvorento,
sen máis amores que os dun triste fento,
debullándose en bágoas, veute a ialba,

e, con todo, feliz, ¡oh, flor!, te eu creio
ao notar que prás festas sobre o seio
te levan carpazonas de Trasalba.

Do Ermo
Antonio Noriega Varela


Comentarios (0) - Categoría: A. NORIEGA VARELA(Obra en Galego) - Publicado o 11-12-2020 21:25
Ligazón permanente a este artigo
[1] ... [4] [5] [6] 7 [8] [9] [10] ... [136]
© by Abertal
Edizón e deseño de Pepe de Noriega. Rúa de Josef Febrero, nº 22, C.Postal 27740, Mondoñedo (Lugo). Este blog é un sitio co exclusivo fin de difusión cultural da vida e obra de Antonio Noriega Varela e familia. Permítese a reproducción parcial ou total de todos os contidos. Todos os artigos que integran este espazo foron editados de forma gratuita o mesmo que a inclusión dos iconos da web na parte superior da portada. As imaxes incluidas proceden de diversas fontes e responden á soa finalidade de acompañar o contido cultural deste sitio. Os comentarios, Logos e Marcas son propiedade dos seus respectivos autores. De contado ollarán vostedes algunhos dos dialeutismos mindonienses máis enxebres, dun galeguista non político.
A normativa lingüística destes contidos?: quen fai algo aplica a súa. Porque o que escribe en galego por mal que o faga, pon algún grau de area na moreada. Porque di un dito: Axuntando pingotas formas un cirio.
(Benito Losada)
www.blogoteca.com/noriegamindoniense/

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0