Os de Noriega



Este caderno dos de Noriega, adicado ao poeta Antonio Noriega Varela, pretende ser unha xanela aberta a todo o mundo que queira coñecer a infinda sensibilidade poética do "Bardo da Montaña" e "Cantor do Ermo". Calquera pode facer uso desta bitácora e deixar a súa opinión ou comentario nela.
Sexan benvidos e benvidas!.
Graciñas por visitarnos.
xosedenoriega@gmail.com


O Cantor do Ermo
 Espazos
 Fotoblogue
 Enlaces
 Busca por calquer elemento nesta bitácora
 Atopar blogues galegos
 No faiado
 Artigos morniños
 Artigos destacados

A Pascual Veiga

No Centenario do Himno Galego


Folliñas douradas das carballeiras
revoades teimosas cos airiños
das loas, das verbas e salouquiños
de Pascual Veiga, Noriega e Leiras.

O Campo dos Remedios é a xoieira
da Alameda de chiscos faroliños.
Enfeitan O Campo dos Paxariños
os neboeiros brancos da orballeira.

Hoxe, testemuñas de quen lles deixou
ás rapazas que cantan en galego
a melodía máis enxebre que amou.

Ós Muiños e á Fontevella cantou
e pra honra da terra con apego
por todo o mundo o himno espallou.

Pepe de Noriega
Mondoñedo, 20 Decembro 2007
Comentarios (2) - Categoría: VERSIÑOS MEUS - Publicado o 19-12-2007 11:22
Ligazón permanente a este artigo
Pra Suso do Bahía
Inauguración Exposición Fotográfica
Concurso A Ruta de Pardo de Cela no Camiño Norte
(O Mundo de Galea)

Hoxe non hei de faltarlle
ao 'Suso do Bahía'
por que quero perguntarlle
se hoxe nos deixa ollarlle
letras ou fotografía.

Moro a beira do 'Masma'
e de 'Foz' ledas lembranzas
trae a carta que entusiasma
para que a lira deixe a pasma
que rae a éste armadanzas.

A inxente exposición
xa quedou inaugurada
que para esta ocasión
non faltou viño e xamón
e neste intre máis nada.

Foz, Verán do 2007
Comentarios (7) - Categoría: VERSIÑOS MEUS - Publicado o 12-08-2007 15:25
Ligazón permanente a este artigo
Virxen da Pena
Á Virxen da Pena

(Patroa das canteiras)

Vamos á "Virxen da Pena"
á "Virxen da Pena" vamos,
porque Rosendo a pena
quere que nós lla rompamos.

Vamos á "Virxen da Pena"
á "Virxen da Pena" vamos,
porque a sede non da pena
se bebemos e troulamos.

Vamos á "Virxen da Pena"
e tamén á "Santa Isabel",
se Dios nos deixa ó San Ramón
pra rematar co "San Manoel".

Fumos á "Virxen da Pena"
despois á "Santa Isabel",
a excusarnos dunha mágoa
con xamón, viño e mantel.

Fumos á "Virxen da Pena"
despois á "Santa Isabel",
¡Adeus festa, adeus mágoa,
adeus xamón e adeus mantel!.

A nosa "Virxen da Pena"
en Vilamor á deixamos,
nunha casiña Da Pena
i o trono entre os ramos.


Comentarios (6) - Categoría: VERSIÑOS MEUS - Publicado o 27-05-2007 21:47
Ligazón permanente a este artigo
[1] ... [7] [8] [9] 10 [11] [12] [13] ... [15]
© by Abertal
Edizón e deseño de Pepe de Noriega. Rúa de Josef Febrero, nº 22, C.Postal 27740, Mondoñedo (Lugo). Este blog é un sitio co exclusivo fin de difusión cultural da vida e obra de Antonio Noriega Varela e familia. Permítese a reproducción parcial ou total de todos os contidos. Todos os artigos que integran este espazo foron editados de forma gratuita o mesmo que a inclusión dos iconos da web na parte superior da portada. As imaxes incluidas proceden de diversas fontes e responden á soa finalidade de acompañar o contido cultural deste sitio. Os comentarios, Logos e Marcas son propiedade dos seus respectivos autores. De contado ollarán vostedes algunhos dos dialeutismos mindonienses máis enxebres, dun galeguista non político.
A normativa lingüística destes contidos?: quen fai algo aplica a súa. Porque o que escribe en galego por mal que o faga, pon algún grau de area na moreada. Porque di un dito: Axuntando pingotas formas un cirio.
(Benito Losada)
www.blogoteca.com/noriegamindoniense/

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0