| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Entrevista a Roi Casal |
|
 A última xornada do Intercéltico ten como protagonista a Roi Casal, músico, compositor e cantante que leva media vida dedicado ao mundo da música. Tras formar parte do grupo Milladoiro durante case nove anos, en 2008 iniciaba unha meteórica carreira en solitario que hoxe culmina coa presentación do seu segundo traballo discográfico. "Maxicamente Vello" é a consolidación de Casal como solista no mundo musical de Galicia. Cun estilo máis íntimo e maduro, pecha o XXVII Festival Intercéltico do Morrazo con cancións de corte tradicional ás que engade o son do pop e do rock máis actual.
?Xa actuara en edicións anteriores do festival formando parte de Milladoiro, que significa para vostede vir agora en solitario?
?Participar neste festival é entrar no circuíto polo que se moven os grupos galegos, quere dicir que xa es coñecido. O Intercéltico é un dos máis importantes eventos de referencia da música do país e para min é un orgullo pechalo este ano.
?-Con que tipo de música atoparase o público que acuda mañá ao paseo marítimo de Moaña?
?Cun tipo de melodías que demostran que pode haber música tradicional que non é necesariamente folk. Intento que sexa un estilo baseado no tradicional, pero diferente. Por iso somos tan contundentes, porque as nosas actuacións terminan sendo un concerto de pop-rock.
?-Ten algún recordo especial das súas anteriores visitas á comarca morracense?
?Hai unha anécdota que sempre me fai rir. Cando se inaugurou o escenario do Palco dá Música vin actuar con Milladoiro e puxéronnos nuns camerinos moi curiosos: todo estaba rodeado por estadas e bolsas de cemento. E hoxe é un festival que se gañou un nome. É un luxo tocar co mar ás túas costas.
?A xira na que presenta o seu novo disco está a ser un éxito, como pensa que o recibirá o público moañés ?
? Espero que con agarimo. En Moaña hai moita xente afeccionada ao folk, saben ao que van e son moi críticos, pero tamén agradecidos. É un público diferente ao doutros lugares, máis espontáneo e que mostra sempre as súas emocións, xa sexa para ben ou para mal. Espero estar á altura das súas expectativas.
?"Máxicamente Vello" é unha canción do seu novo álbum, pero compuxéraa con anterioridade.
?O tema estaba composto para o primeiro disco, pero non terminaba de convencerme e non o incluín. Despois atopamos un arranxo mellor que o facía máxico e ao que a xente respondía porque transmite moitas cousas. Por iso decidín utilizalo como nomee para o álbum.
?Este tema e moitos outros evidencian unha notable influencia dos máis recoñecidos poetas galegos, por que se serve deles na súa música?
?Hai unha incrible riqueza musical e literaria en Galicia e sería difícil ignorala. É case unha necesidade para o que fai música tradicional basearse nas letras dos nosos poetas, reflectir a tradición poética da terra. Creo que é un valor engadido aos temas.
?O seu estilo como solista, evolucionou desde os seus inicios?
?É unha evolución indubidable porque ao principio aínda estaba no seo de Milladoiro. En "Lendas douradas" repriminme á hora de arriscar. Levoume tempo deixar de tocar baixo a influencia de Milladoiro. O segundo disco xa recolle o meu propio estilo, é máis maduro e máis roquero, pero tamén hai baladas. Limiteime moito menos á hora de incluír novos arranxos porque quería expor a música como eu a vexo.
www.farodevigo.es |
|
|
|
|
| Deixa o teu comentario |
|
|
|
|
|
