| Pandereiteir@s e festeir@s da beira atlántica da Galiza |
|
|
|
|
| Malmequer |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| Entrevista a Davide Salvado |
|
 Davide Salvado chega desde Marín para amenizar a terceira noite do Intercéltico. Acompañou a Xosé Manuel Budiño por medio mundo, forma parte da Banda dás Crechas e de Ecléctica Ensemble, e agora inicia a presentación do seu primeiro disco como solista. "Árnica pura" é o proxecto máis persoal do artista no que recolle unha selección de cancións en galego, portugués e castelán que dalgunha forma marcaron a súa vida.
- Acaba de empezar un camiño en solitario, bota de menos tocar nun grupo?
Sempre é enriquecedor tocar con alguén máis, pero tamén supón ter que tocar o que che mandan e non o que ti queiras. Agora podo facelo á miña maneira, resúltame moito máis cómodo e é o que realmente me gusta. Non me importa gañar menos diñeiro que se tocase nun grupo de renome.
- Non é a primeira vez que participa no Intercéltico, que lembra da súa anterior experiencia en Moaña?
Vin ao Intercéltico cando aínda tocaba con Xosé Manuel Budiño. Para min é un lugar especial por todos os anos que leva celebrándose e todos os artistas que reuniu. Agora é o lugar no que presento o meu disco e, ademais, conto co privilexio de ter a Uxía Senlle como compañeira de cartel.
-Como é "Árnica pura", o seu primeiro traballo discográfico en solitario?
É un disco de música tradicional pero non só galega porque hai elementos españois, portugueses e cubanos. Ten moito do sentimento galego pero tamén un aire español que Eliseo Parra, divulgador e renovador da música tradicional española, axudoume a incorporar. Non quería que parecese un disco de folk común.
- Antes de subirse ao escenario, dedica parte do seu tempo a ensaiar para non deixar nada solto ao azar?
Ensaio moi pouco porque prefiro deixar espazo á improvisación. Deixo ao azar case o 90%, pero o mellor é que os músicos sempre me seguen. Gústame sentirme libre no escenario e a xente responde a ese sentimento.
- Que ten a música tradicional que conseguiu atrapalo durante máis de dez anos?
Tócame de preto pola gran riqueza cultural que temos nesta terra, lévoa no corazón. A cultura galega é algo que está vivo, todos temos unha avoa que canta esa tradición e que a transmite case sen querer.
- Cre que a crise prexudica a difusión cultural?
A cultura é o primeiro afectado cando hai problemas porque un país "burricán" é máis fácil de manexar. Sempre dan prioridade á fabricación de armas ou ás empresas. É un gran erro porque a cultura enriquece o espírito, dá alegría e axúdanos a afrontar mellor os problemas de vida
www.farodevigo.es |
|
|
|
|
| Deixa o teu comentario |
|
|
|
|
|
