boas e xenerosas


Unha escolma de artigos, entrevistas, estudos, novas, opinións, reportaxes... boas e xenerosas



GALEGO DE SEU(Web)


Colazo
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

A A-8, unha metáfora do peor do país
Manuel Gago

Descansamos nunha casiña nas proximidades de Oviedo. Chegar aquí desde a Pobra do Caramiñal son case cinco horas de viaxe, máis o que precises parar. Seis horas e pico. Como ir a Madrid. E todo o tempo, como cada vez que vimos por aquí, unha tremenda sensación de déjà-vu: ao noso carón, desmontes e desmontes, barrizal, máquinas paradas. Intermitentemente, entramos e saímos dunha autoestrada, a A-8, que non se dá acabado, que un ten a sensación de que case non evoluciona segundo van pasando os anos. A construción deste vial avanza lentamente, con partidas anuais exiguas por parte dunha Administracións que non presionan, porque sempre hai algo máis prioritario.

A A-8, a autovía que conectará Galicia desde Vilalba ata o centro de Asturias, é unha metáfora do peor do noso país. Se foramos unha sociedade normal, cunha economía robusta, desenvolvida e internacionalizada, a A-8 sería un proxecto estratéxico para moitos axentes económicos e sociais. A ineficiencia administrativa e das construtoras na súa execución sería bandeira dos xornais de ámbito nacional, arma poderosa nas mans da oposición, ferramenta de presión nos plenos dos concellos. E sería así porque a A-8 é a nosa saída natural a Europa. Cando estea rematada aforraremos cando menos unha hora de traxecto ata Irún.

E non só Europa: pensar que temos esta miserábel estrada actual para unirnos ao importante polo económico Avilés-Xixón-Oviedo, e que a ninguén pareza importarlle o máis mínimo é sinxelamente vergonzante. Pensar en clave galega non é facelo só para o noso interior senón, sobre todo, para o noso exterior, ao que sempre miramos a través de prismas intermedios pouco eficientes desde a nosa lóxica xeográfica.

Non estaría de máis pensar que clase de relación temos con Europa, á vista do pouco que nos interesa conectarnos con ela a través dalgo tan simple como unha estrada. ¿Vemos a Europa como unha vaca leiteira que pace en Bruxelas que de cando en vez nos envía billetes que administran os nosos políticos?¿Ou a vemos como un mercado e unha suma de sociedades coas que nós poder prosperar? Moito me gustaría que a segunda pregunta deixara de ser só unha sospeita e unha utopía.

www.ManuelGago.org
A A-8, unha metáfora do peor do país
Comentarios (1) - Categoría: en Galiza tamén se pide - Publicado o 05-01-2009 20:07
# Ligazón permanente a este artigo
O SXG denuncia que moitos profesionais seguen sen ser libres para informar en galego
17.05.2007

SXG
Ourense


O SXG pide á Xunta que as subvencións que dá aos medios sirvan para aumentar o uso da lingua e a a estabilidade laboral e non só para financiar ás empresas

A lingua é unha rareza en moitos medios malia estar moi subvencionado o seu uso

Hoxe, día 17 de maio, as portadas dos principais xornais de Galicia saen de novo á rúa en galego, como sucede sempre nesta data. O Sindicato valora positivamente esta tradición, pero denuncia que é unha práctica hipócrita.

A realidade do día a día é ben diferente, pois son moitos os afiliados do SXG queren escribir máis en galego pero non poden facelo debido as políticas empresariais, que obrigan ao uso do castelán en todas as áreas temáticas que non sexan, sobre todo, cultura ou opinión.

Para que serven as subvencións?
Esta organización lembra ós poderes públicos (concellos, deputacións e Xunta) que fomentar o uso da lingua é unha das súas obrigas legais.

O SXG reclama que o emprego regular do idioma sexa -xunto coa erradicación da precariedade laboral- un criterio chave no reparto das importantes subvencións que, baixo a escusa de promover o galego, financian ás empresas da comunicación da autonomía.

E é que ata hoxe o diñeiro dos contribuíntes serviu para financiar aos empresarios, pero non para darlle ós informadores máis liberdade para usar a súa lingua nin para aumentar a estabilidade laboral no sector.

O Sindicato respecta a total liberdade das compañías para escoller o idioma no que publican. Sen embargo, o SXG pídelles ós medios un compromiso máis alá do puramente estético ou testimonial coa lingua, como o que fan hoxe.
O galego é, ao fin e o cabo, a lingua de moitos dos seus empregados e da maioría da súa audiencia.
O SXG denuncia que moitos profesionais seguen sen ser libres para informar en galego
Comentarios (0) - Categoría: en Galiza tamén se pide - Publicado o 08-11-2007 15:06
# Ligazón permanente a este artigo
O Parlamento esíxelle a Madrid que garanta o voto dos mariñeiros embarcados
Acordo unánime dos tres grupos

Bieito Lobeira solicitou que se recoñezan os dereitos civís do colectivo, como acontece noutros estados europeos.
Redacción - 17:51 25/04/2007



O Parlamento aprobou por unanimidade unha iniciativa do BNG a prol de que os mariñeiros embarcados teñan garantido o seu dereito ao voto. A cámara pediralle ao goberno central que se modifique a normativa electoral nese sentido.

O deputado nacionalista Bieito Lobeira afirmou que, na actualidade, un colectivo de máis de 10.000 traballadores non pode votar ?porque o goberno non lles recoñece os seus dereitos civís?. Noutros países, como Suecia, con menos frota pero ?bases democráticas máis asentadas? si se garante o dereito dos mariñeiros a votaren dende o mar.

Lobeira salientou o feito de que os tres grupos, nomeadamente o PP, se puxeran de acordo nunha proposta deste tipo. Malia isto, acusou os populares de actuaren con ?hipocrisía política?, polo feito de que até agora se opuxeran a este tipo de proposicións.
O Parlamento esíxelle a Madrid que garanta o voto dos mariñeiros embarcados
Comentarios (1) - Categoría: en Galiza tamén se pide - Publicado o 08-11-2007 12:11
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0