boas e xenerosas


Unha escolma de artigos, entrevistas, estudos, novas, opinións, reportaxes... boas e xenerosas



GALEGO DE SEU(Web)


Colazo
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

SSGG: Jornada pola oficialidade das selecçons desportivas nacionais



?A do Sábado foi umha jornada muito importante na reivindicaçom das selecçons nacionais para o desporto galego, sobre tudo em termos qualitativos pois a comunidade nacional galega demostrou a madureza suficiente para autorrepresetar-se. Por outra banda mais dum milheiro de seareiros enchiam as escassas imediaçons do terreo de jogo de Santa Isabel, cifra de sobra significativa para quem sente a paixom polo proprío e acode ao partido da selecçom galega com a dignidade afastada dos ultimos quatro anos de futebol-entrudo patrocinado pola élites galegas e a religiom do espanholismo assente na Galiza?. Tirado de galizalivre.org.
SSGG: Jornada pola oficialidade das selecçons desportivas nacionais
Comentarios (1) - Categoría: deporte galego - Publicado o 29-12-2009 01:48
# Ligazón permanente a este artigo
O Xacobeo Galicia participará no Giro de Italia do centenario
UN "PREMIO E DÍA GRANDE PARA O CICLISMO GALEGO"

[ 28/01/2009 ] O Xacobeo Galicia estará no Giro de Italia 2009, segundo anunciou a empresa RCS Sport, organizadora da carreira. O equipo galego atópase nunha primeira relación de vinte convidados, ampliable ata os vinte e dous que definitivamente tomarán a saída o 9 de maio en Venecia, nunha competición que se prolongará ata o último día do mes. A invitación foi recibida con extraordinaria satisfacción no seo do equipo galego.

Desde a Fundación Ciclismo Galego, entidade xurídica á que está adscrito o equipo ciclista profesional, cualifícase a invitación, no ano do centenario da carreira italiana, de "magnífico premio" ao traballo realizado por esta formación ciclista na súa curta traxectoria e de "día grande para o ciclismo galego, polo que debe de supor de estímulo para todo o ciclismo de base dos pobos e cidades de Galicia ver proxectadas as súas aspiracións de futuro nun equipo de ámbito marcadamente internacional".

O manager, Álvaro Pino, pola súa banda, deixara claras en reiteradas ocasións, a última con motivo da presentación do equipo en Santiago o pasado 22 de xaneiro, as intencións do Xacobeo Galicia no caso de que finalmente fose convidado a participar no Giro: "Iriamos co noso mellor equipo e coas máximas ambicións, porque entre esta carreira e a Volta a España, o noso outro gran obxectivo, hai tempo suficiente para disputar as dúas nas mellores condicións", comentou.

Os ciclistas tamén se foron mentalizando neste tempo. Durante o percorrido do pasado mes de decembro polo Camiño de Santiago, con choiva e neve, era frecuente oír dicir: "Se imos ao Giro, o tempo nalgunhas etapas non o imos atopar mellor".

A relación definitiva de vinte e dous equipos será dada a coñecer logo da Tirreno - Adriático, carreira organizada tamén polo equipo que dirixe Angel Zomegnan. A lista dos vinte primeiros convidados compóñena:
1) Acqua&Sapone - Caffe` Mokambo (I)
2) Ag2r La Mondiale (F)
3) Astana (Kaz)
4) Bbox Bouygues Telecom (F)
5) Caisse D`Epargne (E)
6) Cerevelo Test Team (S)
7) Garmin - Slipstream (EU)
8) ISD (I)
9) Lampre - NGC
10) Liquigas
11) LPR Brakes - Farnese Vini (Irl)
12) Quick Step (B)
13) Rabobank (H)
14) Silence - Lotto (B)
15) Serramenti PVC Diquigiovanni - Androni Giocattoli (Ven)
16) Team Columbia - High Road (EU)
17) Team Katusha (R)
18) Team Milram (A)
19) Team Saxo Bank (D)
20) Xacobeo Galicia (E)
O Xacobeo Galicia participará no Giro de Italia do centenario
Comentarios (1) - Categoría: deporte galego - Publicado o 29-01-2009 16:26
# Ligazón permanente a este artigo
A afección puxo nota á actuación do equipo cun ¡¡aupa Xacobeo!!
VOLTA A ESPAÑA: FELIZ REGRESO DO XACOBEO GALICIA

[ 22/09/2008 ] Madrid celebrou o triunfo de Alberto Contador (Astana) na sesenta e tres edición da Volta a España. Neste fin de festa deportivo en que se converteu a última etapa da Volta nos últimos anos, o ciclismo galego tamén tivo moito que celebrar porque o equipo Xacobeo Galicia lograba na súa segunda participación mellorar, con fartura, a xa magnífica actuación da pasada tempada: cuarto na xeral individual (Ezequiel Mosquera), quinto por equipos e un triunfo de etapa (David García). Son datos que resumen unha destacada actuación que o público, alá por onde a carreira discorría, sintetizou na expresión: ¡¡Aupa Xacobeo!!

Escenario habitual de fin de volta desde 1987, o madrileño Paseo de la Castellana volveu abarrotarse de público para render homenaxe aos cento trinta e un sobreviventes e, en especial, para celebrar o triunfo dun corredor local, Alberto Contador. Un triunfo que chegaba envolvido nun certo halo de lenda porque o ciclista de Pinto sumou en dous anos ao seu palmarés as tres grandes probas do calendario internacional, algo que só outros catro corredores conseguiran ata agora e ningún español.

O Xacobeo Galicia tiña tamén moito que celebrar, como llo recordou o público ao longo das últimas etapas con mostras constantes de simpatía, ánimo e admiración. Debía celebrar, en primeiro lugar, unha formulación valente encamiñada desde o principio a superar os logros da edición anterior, que xa foran moitos para un equipo que se move nos limiares da súa andaina deportiva

Eran motivos de celebración tamén o feito de ser con Caisse d'Epargne, Ag2r e Astana un dos catro equipos que concluíu a Volta con todos os corredores e a mentalidade grande mostrada na loita polas vitorias de etapa. O equipo máis que a escapada pola escapada, que é tamén moi loable, atreveuse a perseguir a fuga selectiva, coa mente posta na vitoria final, e así chegou a David García, en Ponferrada, e puido chegar tamén a de David Herrero en Las Rozas.

Pero, se cadra, o público recoñeceu dun modo especial a determinación mostrada por Ezequiel Mosquera, non tanto por estar un día tras outro en primeira liña, senón por desafiar aos máis grandes, e en particular ao poderoso equipo Astana, con ataques na alta montaña. Foi o único ciclista que retou a Contador, facéndoo por partida dobre, no porto da Rabassa e no de Fontes de Inverno.

A unión de todos estes feitos xerou unha corrente de simpatía cara ao equipo Xacobeo Galicia, traducida en constantes berros de ¡¡aupa Xacobeo!!, alí por onde se pasaba.

A última etapa pechouse co triunfo ao sprint do danés Matti Breschel. A tres quilómetros de meta produciuse unha caída na que se viu involucrado David Herrero, aínda que o contratempo non lle causou lesións de consideración. Os ciclistas cambiábanse e duchábanse no autocar do equipo. Fóra agardábaos un bo número de afeccionados, que querían un autógrafo ou facerse unha foto con eles. Aos poucos cada un foise marchando cara aos seus puntos de orixe, porque levaban practicamente un mes fóra de casa e as competicións para algúns continúan esta mesma semana en Francia e a primeiros de outubro en México, antes de pechar a tempada.

Declaracións de ciclistas do Xacobeo Galicia ao remate da Volta


Ezequiel Mosquera
"Remato a Volta cunha impresión moi positiva. Ao final da cronoescalada de Navacerrada tiña un sabor un pouco agridoce porque estaba con opcións de podio e non o conseguín. Sastre soubo aguantar e non fallou. Pero cando vin a clasificación e a xente que había por diante e a que había por detrás pensei que era como para estar contento", comentou.

"O quinto posto do ano pasado, o disputar unha xa unha carreira de tres semanas, permitiume chegar este ano á Volta con máis confianza nas miñas posibilidades e permitiume concentrarme máis na preparación da mesma. Das accións de carreira que recordo con máis satisfacción son os días na montaña en que decidín ir ao ataque, precisamente por ese maior coñecemento que tiña da carreira e de min mesmo neste tipo de probas. Non está nada decidido pero espero poder chegar a un acordo para quedarme no Xacobeo Galicia, porque ese é o meu desexo", engadiu Ezequiel Mosquera.

David García
"Obxectivo cumprido no persoal e a nivel de equipo. cumprimos con fartura e o propio Álvaro Pino díxonos que asinase este resultado antes de empezar a Volta. A vitoria na etapa de Ponferrada deume unha gran satisfacción, pero sobre todo permitiume soltar a tensión acumulada, foi como unha liberación. Viña coa dúbida de como ía responder a esta carreira tan longa e marcho co convencemento de que me van este tipo de carreiras, que son un fondista. Dicíaa aos compañeiros que me faltaba unha semana de carreira. Pero esta semana correrei en Francia e espero ter opcións de disputar", sinalou o gañador da décimo quinta etapa.

Serafín Martínez
"Acabo cansado. Viña con dúbidas sobre como ía aguantar as tres semanas de carreira, pero puiden superalo. Houbo días que houbo que regular, levantar un pouco o pé e noutros buscar as escapadas, cousa que unhas veces consegues e outras non. O equipo estivo sobresaliente. Ao final non puidemos conseguir o podio, pero viñamos coa idea de repetir a actuación do ano pasado e superámola con nota".

Carlos Castaño
"O equipo chegou nun momento de forma inmellorable á Volta e con moi boa mentalización. Por iso puidéronse conseguir os obxectivos que nos marcamos de inicio. Eu tiven algúns problemiñas físicos, pero están superados. Sobre a continuidade no equipo, hai que ver un pouco como se constrúe para o ano que vén, pero eu estou contento con Álvaro Pino, que é un grandísimo director".

David Herrero
"Voume co recordo de que estiven a piques de gañar unha etapa e de que o equipo fixo unha gran Volta, polo que acabo cun bo sabor de boca. Teño algunha outra oferta pero a miña primeira opción é o Xacobeo Galicia, porque estou moi a gusto no equipo, cos directores deportivos e con todos os técnicos e auxiliares".

Gustavo C. Veloso
"Acabo cunha moi boa impresión. Viña con certas dúbidas por tratarse dunha carreira de tres semanas e saio convencido de que vallo para isto. Podes ter un día malo, pero te recuperas e non pasa nada. Se seica, faltoume coller unha fuga, pero estou contento. Acabo a Volta moito máis enteiro que o ano pasado".

Gustavo Domínguez
"Subimos un banzo de calidade. Tratamos en plano de igualdade cos mellores equipos do mundo. A experiencia do ano pasado permitiume enfocar mellor a Volta e superala con menos dificultade, a pesar dalgúns problemiñas de saúde que tiven a metade de carreira. O ano pasado saín co aliciente de que a Volta empezaba en Galicia, pero na montaña paseino mal. Este ano non pasei apuros para superala, fóra da etapa de Suances, coa choiva e o frío. Esta Volta, para o meu gusto, tamén foi máis bonita que a pasada, que tivo o colorido das etapas de Galicia, pero logo ofreceu uns percorridos menos atractivos. Que conten comigo para ser un dos nove que vai disputar a Volta, xa é importante, e que ao final che digan que queren seguir contando contigo, é moi gratificante, sobre todo cando é este o equipo no que queres estar".
A afección puxo nota á actuación do equipo cun ¡¡aupa Xacobeo!!
Comentarios (1) - Categoría: deporte galego - Publicado o 09-10-2008 13:43
# Ligazón permanente a este artigo
Terceira Copa do Mundo de Gómez Noia
Xa é o campión oficial

Redacción . Cando aínda faltan dúas carreiras por disputar, Xavier Gómez Noia volveu gañar a Copa do Mundo de triatlón no que se converte no terceiro título consecutivo nesta proba.

Xavier Gómez Noia proclamouse hoxe vencedor da BG Copa do Mundo 2008 a falta de dúas probas para o final, que lle converten no terceiro triatleta que gaña a competición por terceiro ano consecutivo, primeiro non australiano. Deste xeito, o galego, actual campión do mundo e diploma olímpico en Beixing 2008, é o segundo con máis vitorias na historia da Copa do Mundo con once triunfos, encadeando sete vitorias consecutivas e dezasete podios seguidos.

E é que o deportista ferrolán, de 25 anos, non necesitou competir este sábado en Lorient (Francia) para amarrar o seu terceiro éxito na competición. En principio, tras a proba celebrada en xullo en Kitzbühel (Austria), tan só había un triatleta con opcións de gañarlle na clasificación xeral, o neozelandés Bevan Docherty, bronce en Pequín, pero non se inscribiu na proba gala, polo que automaticamente Gómez Noia conquista a vitoria final.

O triatleta galego será o primeiro europeo e o primeiro non australiano en lograr o triplete, posto que quen lograran esa marca ata a data eran os aussies Brad Beven e Emma Carney. Gómez Noya subiu este ano catro veces ao banzo máis alto do podio en Copa do Mundo con triunfos en Mooloolaba (Australia), New Plymouth (Nova Zelandia), Madrid e Tiszaujvaros (Hungría).Ademais, colgouse a medalla de ouro no campionato do mundo de Vancouver (Canadá), proba que puntúa dobre para a clasificación xeral da Copa do Mundo.

Afectado dunha lesión no tendón de Aquiles, que lle minguou o pasado 19 de agosto na proba de tríatlon dos Xogos Olímpicos, na que finalizou en cuarta posición, o español atópase nestes momentos en pleno proceso de recuperación. Unha doenza que lle impediu participar fai dúas semanas no campionato de España que se celebrou na súa casa, en Ferrol.
Terceira Copa do Mundo de Gómez Noia
Comentarios (1) - Categoría: deporte galego - Publicado o 25-09-2008 22:19
# Ligazón permanente a este artigo
O Navegante Solitario fai unha singradura ao Polo Norte nun veleiro
agalega.info - Videos das noticias dos informativos da TVG
O Navegante Solitario fai unha singradura ao Polo Norte nun veleiro
Comentarios (1) - Categoría: deporte galego - Publicado o 11-07-2008 21:13
# Ligazón permanente a este artigo
Gómez Noya, campión do Mundo
09/06/2008
Un ouro en Beixín consagraríao definitivamente como unha lenda do deporte nacional e internacional

O ferrolán Xavier Gómez Noya conseguiu este domingo en Vancouver (Canadá) o seu primeiro Campionato do Mundo, converténdose no segundo galego en facelo tras o ordense Iván Raña. O gañador de 2004, Bevan Docherty, foi finalmente segundo e o suízo Reto Hug, terceiro.

O ferrolán comezou ben a carreira deste domingo. Saíu segundo da auga só superado polo canadense Simon Whitfield. Xa na bicicleta, Gómez Noya mantívose no pelotón de cabeza, formado por 50 corredores, co resto de favoritos, entre estes o campión europeo, o francés Frederic Belaubre. O resto de participantes foron perdendo tempo a medida que avanzaba o percorrido.

Unha vez chegaron ás rúas de Vancouver, o xa campión do mundo aínda non contaba cunha vantaxe clara, mais logo de tres voltas algúns dos candidatos a gañar a proba (Gómez Noya, Whitfield e Docherty) destacáronse.

Beixín, o último reto
A partir de aí, o ferrolán impuxo a súa superioridade, e a carreira converteuse nun paseo para gozar do seu primeiro campionato mundial. Gómez Noya é o primeiro atleta da historia en gañar a Copa do Mundo en categoría absoluta e en sub23.

Deste xeito, conquista un título que se lle escapou o ano pasado no sprint, e logo de que xa vencera anteriormente na BG Copa do Mundo e no Europeo, un ouro en Beixín elevaríao definitivamente ao Olimpo do deporte galego e internacional.
Gómez Noya, campión do Mundo
Comentarios (1) - Categoría: deporte galego - Publicado o 15-06-2008 00:42
# Ligazón permanente a este artigo
Medalla de prata no Campionato do Mundo de Triatlón
[02/09/2007]
"Javier Gómez Noya (Suíza, 1983) é líder neste momento do ránquin da Copa do Mundo, logo de 11 de 16 carreiras desputadas. Foi campión do mundo sub-23 en 2003, seis veces campión dunha proba puntuable para a Copa do Mundo, campión da Copa do Mundo en 2006 e campión europeo en 2007. En 2006 foi décimo no Campionato do Mundo de Lausana."
Ánxela Bugallo felicitou a Gómez Noya pola súa medalla de prata no Campionato do Mundo de Triatlón
Comentarios (1) - Categoría: deporte galego - Publicado o 08-11-2007 16:05
# Ligazón permanente a este artigo
Historia Basket Galicia
Reportaxe da TVG sobre a historia do baloncesto ACB en Galicia

Comentarios (1) - Categoría: deporte galego - Publicado o 07-11-2007 18:53
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0