O venres, día 21, puidemos disfrutar da visita do escritor Marcos S. Calveiro, dentro das actividades programadas pola biblioteca para o mes das Letras. Aínda que comezou a publicar non hai moito, Marcos Calveiro xa ten recibido moitos premios e forma parte dun grupo de autores de literatura infantil e xuvenil que escriben en galego cunha cualidade incuestionable e recoñecida pola crítica e os editores. Durante máis dunha hora mantivo unha amena charla co alumnado do 3º ciclo de Primaria na que falaron da excelente novela O carteiro de Bagdad, ( pola que acadou no 2007 o Premio Aladelta de literatura infantil e xuvenil), e que os tivera engaiolados durante moitos días. ¡Había tantas preguntas sobre aquel país, sobre os protagonistas, sobre o proceso creativo...! Marcos respondeu cada unha delas e falounos das súas viaxes, das súas fontes de inspiración, da súa infancia, dos seus gustos e afeccións, do seu amor á lectura e á nosa lingua... Nun relato cheo de anécdotas e de chiscadelas á rapazada confesounos que nun principio quixo ser arqueólogo, debuxante de cómics, músico e arquitecto, pero acabou exercendo de avogado. Despois dunha longa conversa, Marcos asinou pacientemente os nosos exemplares. ¡GRACIAS, MARCOS, POR UNHA EXPERIENCIA INESQUECIBLE! Para os maiores que queiran coñecer a súa obra, podemos recomendarvos a lectura de Festina lente, unha novela histórica publicada por edicións Xerais.
Tamén podes visitar o seu blog persoal Alfaias
Se queres ver todas as fotos preme na imaxe de abaixo:
¡¡Un caso digno de Mik Holmes!! Neste vídeo un grupo de rapaces teñen que poñer as súas neuronas a funcionar para librarse dun castigo que non merecían:
(Da páxina Leer.es)
Dentro das actividades de animación á lectura que organiza a BIBLIOTECA do centro, o día 13 de maio visitounos a escritora e ilustradora Violeta Monreal. Nunha primeira sesión mantivo un encontro co alumnado de Infantil e a continuación foron os nenos e nenas do 2º ciclo de Primaria os que disfrutaron cos seus traballos e comentarios. Mentres contestaba as numerosas preguntas do alumnado sobre os libros que leran e a súa protagonista (Pamela Panamá ya no cree en cuentos de Hadas e Pamela Panamá y el hechizo final) ela ía creando uns preciosos murais coa orixinal técnica do papel rasgado, demostrando unha admirable destreza e unha portentosa imaxinación.
PODEDES VER O ÁLBUM DE FOTOS PREMENDO NA IMAXE DE ABAIXO:
Como ben sabedes, hoxe, no día grande das nosas letras, agasallamos a Uxío Novoneyra, o poeta do Caurel. Despois de semanas de traballo na escola sobre esta figura irrepetible da nosa literatura, despois de ler sobre a súa vida e a súa obra, despois de ter aprendido e recitado moitos dos seus versos, deixamos aquí, como un homenaxe máis, o vídeo realizado polo alumnado do IES Lagoa de Antela. Así explican no seu blog o proceso de creación: "Por fin o noso vídeo sobre Uxío Novoneyra! Tivemos que fragmentalo para non rebaixar en exceso a calidade.
Grazas ás alumnas do club de lectura de 1º de BAC que quedaron o mediodía do luns (Beatriz, Úrsula, Isabel, Mirian e Noelia), ao polifacético Pablo e aos músicos Cristian e Miguel.
Esquecemos especificar que unha peza musical "roubámoslla" a Carlos Núñez e que as imaxes da Guerra Civil están baixadas da rede." O noso agradecemento e os nosos parabéns por tan excelente traballo.
Nesta semana de traballo arredor da figura de Uxío Novoneyra e do Día das Letras Galegas achégovos uns interesantes materiais elaborados en diferentes centros escolares. Dende o ENDL do IES Elviña:
COUREL dos tesos cumes que ollan de lonxe!
Eiquí síntese ben o pouco que é un home...
%5B2%5D.gif)
.jpg)
.JPG)
¡¡Un caso digno de Mik Holmes!! Neste vídeo un grupo de rapaces teñen que poñer as súas neuronas a funcionar para librarse dun castigo que non merecían:
Como ben sabedes, hoxe, no 
