OsEstereogramasson imaxes especiais que permiten obter unha ilusión de visión de profundidade, en tres dimensións e non requiren ningún equipamento adicional. Como velos? Ao principio pode resultar un pouco difícil velos, con todo, con algo de práctica e un pouco de paciencia podes conseguilo. Cando o consigas a primeira vez, xa non haberá ningún que se che resista. Trátase de que cada ollo vexa unha parte da imaxe. Primeiro podes tentalo desde unha distancia normal do monitor, tratando de ver máis aló da imaxe, isto é, o plano de atrás (pode soar raro pero é así). Hai un momento en que parece que a imaxe se desdobra e é entón cando aparece a figura tridimensional. Coloca o nariz pegado ao monitor e, fixando a vista á fronte máis aló da imaxe, vai separando a cara do monitor pouco a pouco, ata chegar a unha distancia normal (uns 40 cms.), pero en todo momento debes manter a visión como ao principio (no plano de atrás da imaxe). Non desesperes e sigue tentándoo, marabillarate o que ves cando o consigas.Sorte!
Preme nas imaxes para velas ampliadas:
Conseguíchelo? Se é así escribe nun comentario que figura apreciaches en cada estereograma.
ANÍMATE!!
AVISO: Xa podedes ver os estupendos recitados dos nenos e nenas polo día da poesía AQUÍ
O 28 de marzo de 1809 foi a primeira vez que o exército de Napoleón se retiraba dunha praza conquistada, e por lograr vencer as tropas francesasVigo recibiu o título de CIDADE. Tras esta vitoria veu a organización da ofensiva coa que rematou a ocupación de Galicia polo exército bonapartista.
Este ano conmemorouse o bicentenario da fazaña con moitos actos culturais e lúdicos. A empresa Duplostudio Motion Graphics foi a encargada da produción do Vídeo oficial do Bicentenario da Reconquista de Vigo, unha produción que combina imaxe real mesturada con " motiongraphics". Este curto-documental pretende resumir de forma gráfica e directa o desenvolvemento dos acontecementos desde a chegada das tropas napoleónicas á vila de Vigo, até o desenlace que a levaría a lograr o título de Cidade Fiel, Leal e Valerosa, tras comandar a reconquista de toda Galicia.
O personaxe central éCarolo, interpretado polo actor galego Vicente Montoto.
Fai click sobre a imaxe de abaixo para ver este estupendo documental e seguro que ao rematar saberás moitas máis cousas sobre a historia da túa cidade e de Galicia.
Gracias, profe Charo, por facernos chegar este fantástico documental sobre unha das nosas festas máis celebradas.
Un novo recurso para o Día das Letras Galegas. Trátase dunha liña do tempo coa vida de Ramón Piñeiro López e información adicional nas datas máis significativas.
Está realizada coa ferramenta TimeRime que permite unha elaboración sinxela e completa dunha liña do tempo, coa posibilidade de engadir arquivos multimedia e imaxes.
Preme na imaxe para ir a RAMÓN PIÑEIRO LÓPEZ: UNHA VIDA A PROL DA CULTURA eexplora todos os vínculos, seguro que terás moitas cousas da súa vida un pouco máis claras...
Vivimos nun mundo cheo de extremos e paradoxas pois cando parece que todos nos atopamos mergullados na transición inevitable cara á era dixital, nun recuncho da India un diario escrito a man resiste o paso do tempo e o avance da tecnoloxía. The Musalman é o xornal indio máis antigo en lingua urdu. Cada día é escrito a man por calígrafos e ten 23.000 subscritores, principalmente nas comunidades musulmás do sur da India. Consta de catro páxinas nas que se cobren desde noticias locais até internacionais, editoriais e unha sección de poesía cada venres.
Aínda que existen programas informáticos en urdu, unha lingua derivada do persa, o árabe e dialectos locais, os calígrafos que transcriben os artigos (traducidos ao urdu do inglés, idioma no que escriben os dez redactores do xornal) fano a man utilizando unha antiga caligrafía horizontal.
O xornal ten dificultades financeiras pero o seu propietario Syed Arifullah, quen herdou o negocio do seu pai, afirma que non pechará pois é un ben familiar.
Despois da visita de MIK HOLMES á aula de 1º de EP para recoller os resultados das últimas investigacións, agora déixanos unha proposta para investigar empregando outra fonte de información. MIK quere saber máis sobre un animal que lle gusta moito: o elefante africano. Preme na imaxe do elefante e sigue as instruccións de MIK. Cando remates serás un expert@!. Deixa os resultados das túas pescudas na biblioteca, MIK estará moi contento!!
PREME NO ELEFANTE PARA COMEZAR A TRABALLAR!!
E aquí tendes os resultados das investigacións anteriores, que xa forman parte dos fondos da biblioteca, na sección "PRODUCCIÓN PROPIA":
Intenta rodear o gato. Vai picando nos círculos verdes.
Se está verde oscuro, por aí xa non poderá saír. Deixarás fuxir este gatiño? PON A PROBA AS TÚAS DOTES DE ESTRATEGA!!!
Autor: Benjamin Lacombe
Traducción de Elena Gallo Krahe
Editorial: Edelvives
Los amantes mariposa é un álbum en gran formato que recrea unha lenda anónima chinesa e que relata unha tráxica historia de amor na que os protagonistas viven episodios de tenrura e momentos dramáticos comparables aos de Romeo e Xulieta. Na versión creada por Benjamin Lecombe, Naoko, unha moza de catorce anos decide escapar do destino tradicional dunha rapariga chinesa da época e enganar ao seu pai coa intención de estudar literatura na cidade, para o que deberá vivir disfrazada de home. Alí coñecerá ao amor da súa vida e comezara unha fermosísima historia de amor.
O seu estilo sinxelo e as súas extraordinarias ilustracións fan deste álbum unha auténtica obrade arte. Aínda que a editorial recomenda a súa lectura a partir dos sete anos de idade, a calidade e os atractivos da obra tamén enganchan aos adultos.
O ilustrador do libro, o francés Benjamin Lacombe, demostra nesta obra o seu enorme talento xa recoñecido a nivel internacional e que podes constatar na súa páxina.
Hoxe foi un día raro. Tiñamos moitas "baixas" por mor das gripes, gastroenterite, catarros... Empezaba a mañá un pouco tristeira, pero como "quen canta, os males espanta" non fixo falla insistir moito para que uns pouc@s espontáne@s se lanzaran a cantar. E que mellor que aproveitar para seguir reclamando a igualdade entre nenos e nenas, entre homes e mulleres. Velaí tendes un coro de voces estupendas que cantan como os anxos e que ademais cren no que están a dicir. DISFRUTADE!!
O noso centro é un dos participantes na campaña CONTARTE, do concello de Vigo en colaboración con OQO EDITORA. Trátase dunha iniciativa didáctica de animación á lectura mediante obradoiros deseñados para achegar os cativos á literatura, á interculturalidade e á creación artística.
Estas actividades, están completadas con lotes bibliográficos que teñen como destino as bibliotecas dos centros participantes.
Hoxe estivo con nós Raquel, unha estupenda animadora que nos contou o conto O día en que a mamá se lle puxo cara de teteira. Despois os nenos e nenas de 1º, 2º e 3º convertíronse en pintores surrealistas, ao estilo de Magritte, e transformaron unha teteira nos obxectos máis variopintos: bananas, xeados, pipas, machadas... E por último, emulando o famoso cadro de Magritte amosaron as súas creacións comezando pola frase: "Isto non é unha teteira". Foron uns momentos fantásticos mergullad@s no mundo dos soños. GRAZAS, RAQUEL!!!
Aquí tés algunhas fotos:
Podes ver AQUÍ o obradoiro Retrarte cos nenos e nenas de 4º, 5º e 6º
%5B2%5D.gif)
.jpg)
.JPG)
