Gracias a Montse soubemos que no boletín deLeer.esdo 29/12/2010 atoparemos 10 consellos para seleccionar lecturas para regalar, que seguramente virán moi ben nestas datas aos Reis Magos:
Aproveito para suxerirvos que dediquedes algún tempo a navegar pola páxinaLeer.es, onde atoparedes moita información, consellos e artículos de moito interese para todas as familias preocupadas pola educación dos seus fillos e fillas e en especial polo fomento e creación do hábito lector. Para facilitar o acceso tendes unha ligazón permanente no panel lateral da esquerda:
Nesta páxina (Pitiflú.es) podes crear online a túa propia felicitación de Nadal e despois gardala no teu PC en formato Pdf para usala como queiras: podes imprimila ou enviala por mail aos teus amigos ou familiares. Na túa tarxeta podes incluir unha mensaxe e ademais tes moitos personaxes e obxectos cos que podes facer multitude de combinacións. Proba, xa verás que divertido. Esta é a miña:
Para o 2011 o alumnado do noso centro preparou este precioso traballo colectivo que servirá para agasallar ás familias este Nadal. O tema central é "Castrelos, o noso barrio" polo que, para ilustrar os meses do ano, cada grupo de alumno/as aparece nun lugar significativo desta zona. Así xurdiu "AQUÍ VIVIMOS", o calendario do Ceip Mestres Goldar, que queremos compartir con vós e que vos convidamos a empregar. Como podedes comprobar, relaciónanse as datas máis sinaladas do ano ou as que teñen algún interese para a rapazada. Aquí volo deixo. Esperamos que vos guste.
Con este vídeo podemos imaxinar como sería a historia do Nadal nos nosos días, onde nin anxos, nin Reis Magos, nin Virxe María..., poderían resistirse ao uso das novas tecnoloxías (está en portugués pero enténdese moi ben). Queremos aproveitar para, desde este Recanto, desexar ao noso alumnado, ás súas familias e a todos os amigos e amigas que nos visitades e apoiades, un Nadal moi feliz e un espléndido Aninovo.
O día 14 de decembro recibimos unha visita moi especial. O CARTEIRO REAL chegou ao cole coa importante misión de recoller "os pedidos" dos nenos e nenas, para entregárllelos axiña aos Reis Magos de Oriente. Foi unha visita do máis agradable e divertida coa que rimos moito, cantamos e mesmo ¡bailamos! Pasámolo xenial e agora xa só queda que as Súas Maxestades teñan a ben traernos todos os encargos. ¡¡¡GRAZAS, CARTEIRO, E ATA O PRÓXIMO ANO!!!
Como podedes comprobar, non só se divertiron os nenos e as nenas...
Este Nadal será estupendo se, ademais de xogar, pasear e estar coa familia, aproveitades para coñecer novos amigos e amigas e gozar con eles de fantásticas historias e aventuras. Aquí vos deixo algunhas suxestións para que pidades aos Reis Magos ou a Papá Noel, pero tamén podedes visitar as bibliotecas públicas, onde vos aconsellarán sobre libros e lecturas axeitadas ás vosas idades e ás vosas preferencias. Xa sabedes, un bo libro é sempre un bo amigo. (Preme na imaxe da dereita)
¡E van tres! O caso é que cada día temos máis traballos expostos e eu non podo resistir a tentación de enseñárvolos porque son chulísimos. Xa veredes...
¡Que contento estou! Xa pronto vou saber moitas cousas sobre o Apalpador porque todos os nenos e nenas do cole andan a investigar para responder ás miñas preguntas e completar os cadernos de pescudas. Por iso eu xa teño preparados os Mikopuntos para agradecerlles tanto esforzo. ¿Queredes velos en acción? Pois mirade, mirade...
¡É fantástica tanta creatividade! Aquí están os traballos que faltaban e veredes que hai "apalpadores" do máis variado e orixinal: hainos con abrigo, con pantalóns, con bufanda, con paraugas, con traxe, con bolsos de todas as cores e materiais... ¡unha auténtica marabilla!
Novamente queremos darvos as gracias pola vosa colaboración. E agora disfrutade:
E se queres ver tranquilamente todos os traballos preme AQUÍ
%5B2%5D.gif)
.jpg)
.JPG)
