|
|
| MOCHILAS VIAXEIRAS |
|
Un ano máis, as MOCHILAS VIAXEIRAS comezan a súa andaina polos fogares do noso alumnado, unhas mochilas renovadas con novos materiais, e que xa reclamaban os nenos e nenas de todas as aulas. Visitarán as casas de tod@s vós e regresarán en xuño, agardando que cheguen cheas de bonitas experiencias lectoras. Aquí tendes os primeiros afortunad@s do segundo ciclo:
Esperamos que os materiais incluídos sexan do voso agrado e que poidades gozar duns estupendos momentos de lecturas compartidas en familia.
Podedes consultar a continuación o contido das mochilas.
BOA VIAXE E FELICES LECTURAS!!!
|
|
|
|
|
| REVIVINDO EMOCIÓNS |
|
 Como o prometido é débeda, aquí vos deixo a primeira parte da actuación de Beatriz e Begoña Riobó durante a nosa festa da biblioteca. Axiña teremos o espectáculo completo co que actualizaremos esta mesma entrada.
ACTUALIZACIÓN: xa está aquí o resto do espectáculo do 23 de outubro. DISFRUTÁDEO!!!
|
|
|
|
|
| CRÓNICA DUN DÍA MOI ESPECIAL: O NOSO DÍA DA BIBLIOTECA |
|
IM-PRE-SIO-NAN-TE!!! Hoxe, por fin, a biblioteca do centro reabriu as súas portas para toda a comunidade educativa, cun "menú" de propostas que nos gustaron moitísimo. Todos agardabamos con impaciencia este día e abofé que non decepcionou a ninguén. De primeiro plato, cada grupo/clase visitou a biblioteca onde atoparon un "kiosko" moi especial e onde "saborearon" diferentes actividades: lembraron as normas de uso, leron un conto, viron un vídeo, examinaron as dúas exposicións (temática e de novidades) e, por suposto!, recolleron os estupendos agasallos de MIK.
Alí estaban as carpetas da biblioteca para os nenos e nenas de primeiro, xunto cos seus carnés de usuari@s, as mochilas viaxeiras, repletas de fantásticas lecturas, e unha "amorosa" lambetada preparada polo noso "Arguiñano" particular.
De plato forte tivemos unha espléndida actuación musical a cargo de dúas profesionais con moitísimo talento: Bea e Begoña Riobó, nai e tías de alumnos do centro, que nos entusiasmaron co seu bo facer, achegándonos ao mundo do "bel canto", mostrándonos o seu virtuosismo e encantándonos coas súas explicacións sobre os distintos instrumentos que utilizaron: violín, zanfona, flauta, arpa e gaita. Foi durante a súa interpretación de música galega cando subiu ao escenario unha "espontánea" de cinco anos que nos encandilou co seu baile. O público, sorprendido ao principio por un tipo de canción pouco afeito a escoitar, non paraba de aplaudir.
E xa de sobremesa, paseamos polos corredores para disfrutar dos magníficos traballos elaborados en familia para este día.
Rematou a mañá coa ledicia de ter vivido uns momentos moi emocionantes e marchamos para as nosas casas cun saboroso regusto e moi satisfeitos polo exquisito "banquete" que compartimos un ano máis.
Queremos agradecer moi especialmente a xenerosidade de Bea e Begoña por ternos ofrecido unha velada tan fantástica. MOITÍSIMAS GRAZAS!!!
Podedes ver o álbum con todas as fotos deste día AQUÍ.
Permanecede atent@s porque proximamente traeremos os vídeos da actuación musical para que toda a comunidade poida gozar duns momentos tan especiais. |
|
|
|
|
| UNHA CITA MOI IMPORTANTE |
|
 Mañá é o gran día da nosa biblioteca xa que se reanudan os servizos para toda a comunidade educativa. Xa estamos impacientes por ver as sorpresas que Mik nos ten preparadas!! Seguriño que o pasaremos requetebén vendo as actuacións e visitando a biblioteca por primeira vez este curso. A partir de agora xa poderemos levar en préstamo libros, películas, revistas..., e tamén as MOCHILAS VIAXEIRAS!!
Por certo, MIK deixounos ver por un buraquiño un KIOSKO moi xeitosiño cheo de LECTURAS CON SABOR. Que non o credes??! Pois aquí vos deixo un petisco:
EXPOSICIÓN TEMÁTICA "LECTURAS CON SABOR":
A que vos gustou? Pois mañá haberá máis sorpresas! Aquí está o PROGRAMA.
Queremos agradecer a colaboración dos Supermercados FAMILIA que nos cedeu os carriños da compra para complementar a decoración dos espazos. MOITAS GRAZAS!!! |
|
|
|
|
| XA ESTÁN TODOS!! |
|
Xa podemos disfrutar a pracer do talento do noso alumnado e das súas familias!! Aquí tendes o resultado da convocatoria para ilustrar o lema da biblioteca: "PON A LECTURA NA TÚA DIETA"
(os rezagados poden entregar o seu traballo mañá durante o recreo)
Se queres ver o álbum completo preme AQUÍ |
|
|
|
|
| CINE PARA O SAMAÍN: A BRUXA REGAÑADENTES |
|
Podes velo en pantalla completa se premes no cadradiño de abaixo, á dereita. |
|
|
|
|
| FANTÁSTICO!! |
|
 Un curso máis, a creatividade enche os corredores do centro!! O noso alumnado, en colaboración coas súas familias, volveron sorprendernos cuns extraordinarios traballos que ilustran o lema deste ano da biblioteca: "PON A LECTURA NA TÚA DIETA". Mañá remata o prazo de entrega polo que aínda agardamos máis fantásticos cartaces. Moitas grazas a tod@s pola vosa complicidade e dedicación!! (Preme na imaxe de abaixo para acceder ao álbum que iremos completando coas novas achegas):
|
|
|
|
|
| DÍA MUNDIAL DA ALIMENTACIÓN |
|
Hoxe, 16 de outubro, celébrase o DÍA MUNDIAL DA ALIMENTACIÓN (proclamado en 1979 polos Estados membros da Organización das Nacións Unidas para a Agricultura e a Alimentación (FAO). Este ano o lema é "Sistemas alimentarios sostibles para a seguridade alimentaria e a nutrición".
 | | Imaxe do artista austriaco Friedensreich Hundertwasser (1928-2000) |
A finalidade desta celebración é concienciar á población sobre o problema alimentario mundial e fortalecer a solidariedade na loita contra a fame, a desnutrición e a pobreza. (Recollido en Biblioteca escolar Víctor Sáenz).
Desde o CEIP DE PONZOS en Ferrol achégannos esta presentación moi relacionada co tema do día e co proxecto documental que nos ocupa este ano:
|
|
|
|
|
| OUTONO 2013: RECURSOS |
|
Desde a Secretaría Xeral de Política Lingüística achégannos esta completa recompilación de materiais e recursos para traballar o outono e o magosto.
Podes atopar moitos máis no panel lateral:
E tamén podes ver o MAGOSTO NO CEIP MESTRES GOLDAR |
|
|
|
|
| PON A LECTURA NA TÚA DIETA |
|
Xa empezaron a chegar os estupendos traballos realizados polo noso alumnado en colaboración coas súas familias. Novamente, a orixinalidade e a creatividade invaden os corredores do centro. Velaí vai un "petisco". Axiña poderemos disfrutar tod@s coa exposición "PON A LECTURA NA TÚA DIETA". Estade atent@s!!! (Preme na imaxe para ver o álbum)
|
|
|
|
|
|
|
|
%5B2%5D.gif)
.jpg)
.JPG)
