Durante todos estes días, as bibliotecas escolares traballaron arreo para que os nosos centros, e calquera persoa interesada, tiveran á súa disposición unha boa selección de recursos e materiais sobre o Día escolar da Paz e da Non Violencia. No blog Mesturas atoparedes unha ligazón á recompilación destes recursos que Gracia Santorum reuniu exhaustivamente en Trafegando Ronseis.
¡¡MOITAS GRAZAS, COMPAÑEIRAS, POLO VOSO ESFORZO E A VOSA XENEROSIDADE!!
Onte celebramos no cole o Día escolar pola Paz e a Non Violencia. Cun sinxelo acto quixemos transmitir a nosa esperanza nun futuro onde a PAZ estea presente en todos os recunchos do planeta. Nas paredes das aulas e corredores lucían os traballos que estes días realizou colectivamente o alumnado. Solidariedade, respecto, tolerancia e diálogo foron as palabras máis empregadas, segur@s de que nelas está a chave que abre a PAZ ao mundo.
Como remate asistimos todos xuntos, alumnado, profesorado e familias, á lectura dramatizada do conto "A pedra de sopa" que nos fixo ver que "todos somos necesarios". E con esta bonita mensaxe no corazón, acudimos ao patio onde soltamos dúas pombas para que espallaran no ceo os nosos desexos de PAZ.
Ola, nen@s!!
Estou moi contento porque xa hai moitos equipos dispostos a investigar e a recoller moita información para deixarme na biblioteca. Estes arroutados investigador@s xa teñen o seu "caderno de pescudas" para empezar canto antes. ¿E ti? ¿Aínda non fuches pola biblio? Se queres podes descargar o caderno AQUÍ.
Déixovos a carta que vos mandei para que poidades ler de novo as instrucións (preme no sobre):
Estas son as páxinas nas que podedes atopar a solución ás cuestións do caderno:
Estou abraiado coa cantidade de cousas que estades facendo no cole para o día 30 de xaneiro! ¡Que bonitas! Eu ando un pouco despistado, por iso preciso da vosa axuda. Eu quero saber moitas cousas e necesito investigadores e investigadoras aventureiras que me solucionen as miñas dúbidas. ¿Queres axudarme? ¡Corre á Biblioteca e alí infórmate de todo. Non tardes, estou impaciente por resolver as miñas preguntas. ¡Ven axiña!
Pilar, dende o fantástico blog Los enanitos de mi cole, agasállanos con este precioso selo. Sempre resulta agradable recibir estes recoñecementos que nos aportan unha dose de enerxía para continuar nisto con ilusión. Moitas grazas, Pilar!!! Aínda que as normas esixen enviarllo a 5 blogs, tomareime a liberdade de compartilo cun colectivo ao que me sinto moi orgullosa de pertencer: Blogs das Bibliotecas escolares
En Edualter.org atopamos uns completísimos materiais para traballar a Paz a través do cine. Os documentos de traballo inclúen a ficha técnica, sinopse da película, presentación dos obxectivos xerais, dos procedementos e das actitudes que se queren potenciar. Tamén se achega unha proposta de actividades xerais dirixida ao profesorado, e un cuestionario como ficha de traballo para o alumnado.
Esta proposta responde á necesidade de analizar adecuadamente a película para valorar o tipo de información que da e poder determinar o punto de vista que adopta ante os problemas que trata. Para a ESO e Bacharelato.
E unha unha colección de carteis para a Paz, que nos envían dende a biblioteca do CEIP de Esteiro.(Preme no enlace para velo no seu blog, xa que non me foi posible embebelo aquí)
Moitas grazas a Cuchi, Sabela e Encarna, que tan xenerosamente comparten o seu traballo
%5B2%5D.gif)
.jpg)
.JPG)
