O RECANTO DE MIK


LER, COMPARTIR, DISFRUTAR E APRENDER COA BIBLIOTECA
Este blog quere ser un lugar de encontro e comunicación onde compartir experiencias en torno á lectura, a biblioteca escolar e a educación en xeral.
http://www.edu.xunta.es/biblioteca/blog/


Counter
benvidosempty


Os teus comentarios

enriquecen este blog.
MOITAS GRAZAS!

















https://get.google.com/albumarchive/109183052507519885982?source=pwa

https://get.google.com/albumarchive/109183052507519885982/album/AF1QipNOHzZ_Gt0MWJY4n_M7vQqSY3sOau7PdzstZdXP








































RECURSOS SOBRE CINE NA ESCOLA
https://miaulatic.blogspot.com.es/p/blog-page_3.html
PDI 17/18:
O CINE NO MESTRES GOLDAR
http://blogoteca.com/orecantodemik/index.php?cat=14633
https://photos.app.goo.gl/VIMND5o3Y5cjjIX03

outils webmaster

Locations of visitors to this page

Myspace text generator


Make glow text and comments


O MEU PERFIL
bibliocole@gmail.com
 ETIQUETAS - SECCIÓNS
 LIGAZÓNS
 FOTOGALERIA
 BUSCADOR
 ARQUIVO

NOVOS AGASALLOS PARA MIK
Máis fantásticas versións sobre "A VOLTA AO MUNDO EN 80 HISTORIAS":
Comentarios (0) - Sección: Biblioteca - Publicado o 28-11-2016 18:40
# Ligazón permanente a este artigo
EXPOSICIÓN DE LIBROS E MATERIAIS PARA O PDI E ÚLTIMAS ENTREGAS DE TRABALLOS SOBRE O LEMA DA BIBLIOTECA
Comentarios (0) - Sección: Biblioteca - Publicado o 27-11-2016 23:07
# Ligazón permanente a este artigo
NOVAS ENTREGAS DE TRABALLOS PARA A BIBLIOTECA
Novas entregas de traballos do alumnado e as súas familias:

A VOLTA AO MUNDO EN 80 HISTORIAS - BIBLIOTECA
Comentarios (0) - Sección: Biblioteca - Publicado o 25-11-2016 19:30
# Ligazón permanente a este artigo
SEGUIMOS DANDO A VOLTA AO MUNDO
PARABÉNS a Sergio e a Birhanu polos preciosos traballos que realizaron en colaboración coas súas familias. Con Birhanu fixemos unha longa viaxe desde Etiopía ata Vigo; con Sergio viaxamos ao futuro. FANTÁSTICO!!


A VOLTA AO MUNDO EN 80 HISTORIAS
Comentarios (0) - Sección: Biblioteca - Publicado o 23-11-2016 18:55
# Ligazón permanente a este artigo
NOVOS TRABALLOS, NOVAS HISTORIAS
O alumnado e as súas familias sorpréndennos cada día cos seus magníficos traballos arredor do lema deste ano da nosa biblioteca. Aquí tendes algún deles. Parabéns, artistas!!!
Comentarios (0) - Sección: Biblioteca - Publicado o 21-11-2016 16:07
# Ligazón permanente a este artigo
PALABRAS DE ÁFRICA, CONTOS DUN CONTINENTE EN CAMIÑO
Palabras de África é un precioso libro que recolle unha serie de contos que visibilizan o continente africano fuxindo dos estereotipos e visións negativas ás que parece que nos afixemos. Unha pequena aproximación a unha cultura que é berce da civilización e veciña de Europa.

Buscando Amigos (Mali), A Galiña e o Elefante (Etiopía), As dúas Caras do Mundo (Sudán do Sur), Os Ríos Tristes (inspirado en Chad), A Ra e a Serpe (Congo), A Ratiña Valente (inspirado en Mozambique) e Como a sabedoría se espallou polo Mundo ( Camerún) son sete contos marabillosos que nos farán viaxar de forma máxica a unha África rica en diversidade e memoria e na que valores como a superación, a amizade, a igualdade ou o respecto polo medio ambiente están moi presentes.
PALABRAS DE ÁFRICA é unha iniciativa da ONGD SEDE e o Grupo Edelvives, que pretende achegar África a todos os lectores, en colaboración coa ONGD Fundación PROCLADE e a Asociación PROYDE.
Comentarios (0) - Sección: Biblioteca - Publicado o 19-11-2016 19:00
# Ligazón permanente a este artigo
CUARTO VISITA Á BIBLIOTECA
Hoxe o alumnado de cuarto de EP baixou á biblioteca coa encomenda de Mik de atopar unha nova mensaxe que lles ía facilitar o traballo de investigación que deberán realizar sobre África. Jorge e Alejandro M., os encargados do día, foron os que fixeron as pescudas entre os libros da exposición temática instalada na biblio. Despois de varios minutos lograron cumplir a misión:

A continuación, fixeron as súas eleccións de lecturas para levalas en préstamo para as súas casas. Por suposto, tamén aproveitaron para facer un pequeno traballiño sobre o tema do proxecto. Encántanos ir á biblioteca!!!
Comentarios (2) - Sección: Biblioteca - Publicado o 19-11-2016 02:18
# Ligazón permanente a este artigo
QUERES SER AXUDANTE DA BIBLIOTECA??
Xa temos a convocatoria para AXUDANTES DA BIBLIOTECA 2016 / 2017. Moitos nenos e nenas de 4º, 5º e 6º xa presentaron a súa solicitude e firmaron o seu compromiso, pero aínda tes de prazo ata o próximo venres. ANÍMATE!!
E lembra: para ser un bo AXUDANTE sempre terás a man a túa GUÍA DE AXUDANTES PERFECT@S!
Comentarios (0) - Sección: Biblioteca - Publicado o 17-11-2016 12:36
# Ligazón permanente a este artigo
LIBROS PARA TRABALLAR A ATENCIÓN Á DIVERSIDADE
No blogue de Manu Velasco atopei a seguinte recompilación de libros infantís que tratan, dunha maneira ou outra, a atención á diversidade.
1. OTRA COSA - Libro para promover o respecto e a aceptación dos demais. Outra Cousa quere ser como os outros nenos. Pero, a pesar dos seus esforzos, Outra Cousa é outra cousa. Por iso vive so, sen amigos. Ata que un día aparece unha criatura estraña chamada Algo que busca a súa amizade.
Autora: Cave, Kathryn.

Ilustrador: Riddel, Chris.
Gañador do prestixioso premio Unesco.
2. EL CAZO DE LORENZO - Conto metafórico para falar das diferenzas aos nosos alumnos. Cóntanos a superación dun neno chamado Lorenzo para soportar o seu día a día. Podedes gozar do libro na seguinte web editorial Juventud - El cazo de Lorenzo
Autora e ilustradora: Carrier, Isabelle.
Libro recomendado por FEAPS (Confederación Española de Organizacións en favor das Persoas con Discapacidade Intelectual).
3. EL PUNTO - Libro que nos impulsa a atopar nosa propia marca e a ser capaces de crear a partir dela. Na seguinte ligazón temos unha guía con ideas, materiais e actividades para traballar co libro Guía PDF de actividades. Para gozar do conto en vídeo visitade Vídeo El Punto.>
Autor e ilustrador: Reynolds, Peter H.
4. ELMER - Este libro colorista, alegre e atractivo fálanos da diversidade e do respecto. Con simpatía e agarimo ensina aos nenos e adultos que todos somos diferentes, que cada un é especial, e que precisamente por esa razón, quérennos os demais. Elmer é diferente, é un elefante de cores. Elmer non é da cor dos elefantes.
Autor e ilustrador: David Mckee.
Libro gañador de varios premios, entre eles o Hans Christian Andersen.
5. ÉRASE OTRA VEZ UN BOSQUE - Este conto fálanos da diversidade e dos conflitos propios da convivencia. É un libro ideal para que os nosos alumnos comprendan que na variedade, na mestura, está a riqueza que nos pode conducir a unha convivencia pacífica.
Autora e ilustradora: Géhin, Elisa.
Libro publicado pola editorial Fundación Intermóm Oxfam.
6. POR CUATRO ESQUINITAS DE NADA - Este álbum ilustrado reflicte de forma sorprendente e suxestiva os valores da amizade e multiculturalidade fronte aos prexuízos e a xenofobia. Podedes gozar do libro en vídeo na seguinte ligazón Ayuda para maestros - Por cuatro esquinitas de nada. Tamén podemos atopar diferentes Apps en Apps Por cuatro esquinitas de nada. E nesta ligazón podedes ver o libro en PDF Por cuarto esquinitas de nada en PDF. Proposta gráfica moi orixinal.
Autor e ilustrador: Ruillier, Jérôme.

7. Dos creadores de El Grúfalo, EL DRAGÓN ZOG é unha historia chea de humor, solidariedade e afán de superación. Móstranos o valor do esforzo e a importancia de axudar aos demais.
Autora: Donaldson, Julia.
Ilustrador: Sheffler, Axel.
Búscaos na nosa biblioteca!!
Comentarios (0) - Sección: Biblioteca - Publicado o 13-11-2016 16:34
# Ligazón permanente a este artigo
RESOLUCIÓN PLAMBE 16/17
O DOG de hoxe, 26 de outubro, publica a Orde de 13 de outubro pola que se resolve a convocatoria do Plan de mellora de bibliotecas escolares en centros non universitarios sostidos con fondos públicos para o curso 2016/2017. A resolución detalla as contías asignadas a cada centro para este curso que para os centros con máis de dous anos de permanencia no programa será só para fondos, e para os incluídos nesta convocatoria e na correspondente ao curso anterior, será para fondos, mobiliario e outros equipamentos imprescindibles, así como para gastos de funcionamento. 
As bibliotecas escolares, deben ter, ademais, no orzamento "ordinario", derivado dos gastos de funcionamento do centro, de entre un 5% e un 10%, segundo as instrucións de comezos de curso da D.X. de Centros e Recursos Humanos. 
Intégranse 38 centros públicos e 10 centros concertados, polo que o total de centros integrados neste "rede de bibliotecas escolares" que constitúe o PLAMBE chega este ano a 615 centros, coa seguinte distribución:  
O Plan de mellora de bibliotecas escolares beneficia directamente a uns 181.600 alumnos e alumnas e ás súas familias e nel están integrados, tomados no seu conxunto, o 54% dos centros públicos galegos. 
Comentarios (0) - Sección: Biblioteca - Publicado o 26-10-2016 16:50
# Ligazón permanente a este artigo
© by Abertal




Se algunha das fotografías, debuxos... que aparecen neste blog están suxeitas a dereitos de autor, póñanse en contacto con nós e serán retirados.


Free counter and web stats