Ola, nenos, nenas e familias! Xa estamos aquí un novo curso!! A semana pasada voltamos ao noso cole con moita ilusión e algo nervios@s por atoparmos cos nosos compañeiros e compañeiras e cos profes e "profas", para percorrer xunt@s unha andaina na que seguro teremos novas e fantásticas experiencias, coas que aprenderemos moito e gozaremos aínda máis.
Desde este recanto, o Claustro de profesores do noso centro quere darvos a benvida e desexarvos un estupendo 2019/2020. Eu agárdovos na biblioteca pois xa estou argallando cousas moi divertidas para vós. Teño algunhas ideas moi curiosas que vos encantarán, xa veredes! Estade atent@s, axiña teredes noticias miñas!! Moitos bicos ratunos e FELIZ CURSO 2019/2020!!
Antes das actuacións dos "artistas" da SEMANA DA MÚSICA, procedeuse á entrega de diplomas e agasallos para o alumnado AXUDANTE DA BIBLIOTECA, que durante todo o curso estivo colaborando xenerosamente, renunciando ao seu tempo de lecer, para apoiar no traballo da biblioteca, un traballo moi valioso para o bo funcionamento deste servizo. Desde aquí enviámoslles o noso profundo agradecemento polo seu bo facer ao longo de todos os recreos deste curso. MOITAS GRAZAS A TOD@s!! SODES ESTUPEND@S!!
Pois si, hoxe recibimos unha cartiña do noso rato preferido onde nos comunicaba que na biblioteca había un agasallo dos Reis para cada aula. Por suposto, mandamos axiña aos encargados para que o recolleran e nolo trouxeran pois estabamos impacientes por saber o que había. A verdade é que algo sospeitamos ao ver o paquete e... ATINAMOS!!! O CD do noso profe Gonzalo!!! Encantounos!!! MOITAS GRAZAS, MIK!!!
O alumnado do centro está embarcado nunha nova actividade proposta pola biblioteca do centro. Trátase de ir descubrindo cada día, ata a chegada do Nadal, das sorpresas e curiosidades que se agochan nos sobres do calendario de adviento que está colocado nos paneis. Este ratiño ten unhas ideas moi divertidas!!! GRAZAS, MIK!!!
O alumnado de E. tamén gozou a tope da festa da reapertura da biblioteca, tal e como contan eles mesmos no seu blog de aula: Chegou o día esperado, a inauguración da Biblioteca. A partir de agora comezan as aventuras, os contos e historias e a maxia da pintura.
Esta vez, tivemos a sorte de que Uxía e Roscón, parte de Uxía Lambona e a Banda Molona, para nós a mais importante, nos agasallase cunha estupenda actuación.
Moitísimas grazas por facernos desfrutar. Aquí nos tedes na tradicional visita á Biblioteca. Momento para ver a selección de libros relacionados co proxecto feita por Mik, as novidades, recoller as mochilas e unha piruleta. Todo despois de sacar unhas fotiños no photocall tan bonito que preparou unha das familias do noso centro.
Esta semana os grupos de alumnado xa puideron baixar á biblioteca para empezar a usar o servizo de préstamo e gozar un curso máis dos libros e vídeos que a nosa biblio pon a disposición de toda a comunidade escolar. Tamén comezaron coas actividades de formación de usuari@s e educación documental. BENVID@S a TOD@S a esta andaina de novas e emocionantes lecturas!!!!
QUE DÍA TAN DIVERTIDO E EMOCIONANTE!!! Hoxe foi o gran DÍA DA BIBLIOTECA no que, por fin, a biblio comeza a súa andaina no curso 18/19. Xa estaba desexando que chegara o momento porque vos tiña preparadas unha morea de sorpresas requeteguais e, por suposto, botaba moito de menos as vosas visitas. A partir do luns xa podedes facer uso dos servizos de préstamo semanal e de lectura nos recreos.
Antes de facer a crónica deste día tan especial queremos agradecer a colaboración e xenerosidade de Roscón e Uxía, compoñentes da banda de música infantil UXÍA LAMBONA E A BANDA MOLONA, que nos dedicaron desinteresadamente o seu bo facer e o seu tempo. MOITÍSIMAS GRAZAS!!! UN DÍA PARA LEMBRAR: Cando chegou a hora todos os grupos de alumnado baixaron á biblioteca, decorada dun xeito moi artístico e colorido, onde se atoparon coa exposición de novidades e a exposición temática sobre PINTURA, o tema do PDI deste curso. Despois de repasar as normas e os servizos que se ofrecen na biblioteca, puideron botarlle unha ollada aos libros novos, recolleron as mochilas viaxeiras, que xa emprenderon hoxe a súa viaxe, saborearon o doce agasallo de benvida e fixeron un pousado no photocall que achegou a familia dun alumno.
Ao rematar a visita á biblioteca, percorreron a exposición de traballos en familia arredor do lema "LER vaiche que nin PINTADO"
Ademáis, aos nenos e nenas de primeiro de EP e aos de nova incorporación ao centro entregáronlles as súas carpetas e os seus flamantes carnés de usuari@s.
Para ver as fotos clica na ligazón correspondente: SEXTO EP - QUINTO EP - CUARTO EP - TERCEIRO EP - SEGUNDO EP - PRIMEIRO EP
Como guinda do pastel, o magnífico espectáculo de música e baile que nos ofreceron Uxía Lambona e Roscón, coa colaboración especial dunha estupenda actriz revelación, que fixeron as delicias do noso animadísimo alumnado.
ÁLBUM DE FOTOS Como mostra do ben que o pasamos aquí vos deixo o vídeo do comezo da festa!!! Se queres ver máis vídeos do fantástico espectáculo fai clic AQUÍ QUE DÍA TAN XENIAL!!!! Moitos bicos ratunos para tod@s e moitas grazas, novamente, a Roscón e a UxíaLambona por esta xornada inesquecible. E xa sabedes, AGÁRDOVOS NA BIBLIO!!!
Aínda non hai servizo de biblioteca pero xa están pasando cousas. Agora andamos na "conta atrás" para que as portas da biblio se abran de novo. Mentres se ultiman os preparativos, MIK xa foi enviando ás titorías unha carta cunha divertida proposta.
As familias non se fixeron de rogar e xa estamos recibindo os primeiros traballos. Son magníficos!!!
%5B2%5D.gif)
.jpg)
.JPG)
