|
|
| CUARTO ENTRENA COAS ENCICLOPEDIAS |
|
O alumnado de cuarto de EP traballa na biblioteca a FU, preparándose para enfrontar con eficiencia as investigacións que require o noso proxecto documental sobre a LUZ. Desta vez reforzan o uso correcto das enciclopedias. Aquí os tendes en plena faena:
Máis fotos AQUÍ |
|
|
|
|
| USAR CORRECTAMENTE AS IMAXES DE INTERNET |
|
Seguramente, en moitas ocasións temos empregado imaxes atopadas en internet. Pero debemos ter presente que esas imaxes pertencen a outras persoas polo que debemos usalas eticamente. Para facilitar o labor temos o seguinte titorial facilitado pola biblioteca do Ceip Frián-Teis:
|
|
|
|
|
| FORMACIÓN DE USUARIOS E USUARIAS DA BIBLIOTECA ESCOLAR - CURSO 13/14 |
|
Ao longo deste curso, ao igual que en cursos anteriores, vense desenvolvendo no cole o noso Programa de Formación de usuarios e usuarias da Biblioteca Escolar. Para iso contamos cuns cadernos dirixidos ao profesorado onde se pautan unha selección de actividades que deben levarse a cabo con cada grupo/nivel:
Podedes descargar os cadernos nas seguintes ligazóns:
CADERNO 1º CICLO
CADERNO 2º/3º CICLOS |
|
|
|
|
| APRENDER A BUSCAR NA REDE CON EFICIENCIA |
|
Froito da xenerosidade e da colaboración de dúas profesoras, responsables das bibliotecas escolares dos seus centros, Olga Rodríguez, do CEIP Milladoiro, de Malpica, e Charo Sánchez-Gabriel, do IES Sánchez Cantón, de Pontevedra, podemos contar con este recurso de gran interese, e de gran calidade, para a formación ALFIN do alumnado: "Aprende a buscar na rede con eficiencia".
Constitúe, así mesmo, unha ferramenta para a autoformación do
profesorado como usuario da rede, e unha oportunidade para compartir coñecemento entre os distintos sectores da comunidade educativa.
Agradecemos a estas dúas profesoras a difusión do seu traballo, en beneficio de todas as persoas interesadas na multialfabetización e, en particular, do colectivo das bibliotecas escolares galegas. (Fonte: BEGA)
|
|
|
|
|
| COMO ELABORAR UN TRABALLO ESCRITO |
|
 Desde o Ceip de Frián chéganos esta presentación que axudará ao alumnado de Primaria a elaborar un bo traballo escrito:
|
|
|
|
|
| APRENDE A BUSCAR NA REDE |
|
Unha presentación clara e concisa, froito dun traballo colaborativo de Olga Rodríguez e Charo Sánchez-Gabriel, que axudará ao noso alumnado a non perderse ao navegar por internet. Agradecemos a estas dúas compañeiras a súa dedicación e xenerosidade.
|
|
|
|
|
| FORMACIÓN DE USUARI@S |
|
Para traballar a Formación de Usuarios co alumnado de Primaria, aquí temos un libro Lim con actividades interactivas que poden facilitar o traballo co noso alumnado, ao tempo que lle ofertamos un xeito divertido de aprender.Primeiro lede atentamente toda a información e despois faredes as actividades. Se vos saen todas ben..., haberá sorpresa? ADIANTE!!
Podedes facelo en pantalla completa premendo no cadradiño que ten debuxada unha pantalla (na esquina da dereita do xogo)
|
|
|
|
|
| 3º NA BIBLIOTECA CENTRAL |
|
Hoxe, día 15, foi o alumnado de 3º de EP o que visitou a Biblioteca Central e disfrutou dunha agradable sesión dirixida por Alicia, a bibliotecaria que lle amosou todos os tesouros que encerra esta fermosa biblioteca. Primeiro, un achegamento á historia do edificio para logo ir percorrendo todas as estancias e coñecendo todos os servizos: hemeroteca, sala de estudio, as diferentes zonas dedicadas ás diferentes idades... Tamén puideron ver algúns libros curiosos: o máis longo, o máis pequeno, libros para cegos... Todo resultou moi interesante e o alumnado regresou ao centro moi contento despois desta experiencia tan proveitosa.
Aquí tendes a reportaxe fotográfica:
AQUÍ tes todas as fotos para ver ou descargar
|
|
|
|
|
| APRENDER E XOGAR COA BIBLIOTECA ESCOLAR |
|
Para traballar a Formación de Usuarios co alumnado do 1º e do 2º ciclo, aquí temos un libro Lim con actividades interactivas que poden facilitar o traballo co noso alumnado, ao tempo que lle ofertamos un xeito divertido de aprender.
Primeiro lede atentamente toda a información e despois faredes as actividades. Se vos saen todas ben..., haberá sorpresa?. ADIANTE!!
Podedes facelo en pantalla completa premendo no cadradiño que ten debuxada unha pantalla (na esquina da dereita do xogo)
|
|
|
|
|
| INVESTIGACIÓN OLÍMPICA 2º CICLO |
|
Aquí está, saidiño do forno, o caderno de pescudas para o alumnado de terceiro e cuarto. Xa están preparados para comezar a aventura e chegar á meta sen ningún problema. Pronto serán auténticos expertos e contarannos todo o que descubran sobre unha morea de cidades e países. ADIANTE!!!
|
|
|
|
|
|
|
|
%5B2%5D.gif)
.jpg)
.JPG)
