|
|
|
|
| O NOSO PIC-NIC: UNHA EXPERIENCIA FANTÁSTICA! |
|
UN PIC-NIC MOI ESPECIAL:
Que nenas e nenos tan fantásticos hai no Mestres Goldar!! Hoxe, o patio do cole quedou invadido por unha morea de cestiños repletos de ricos manxares que compartimos nunha festa de convivencia que nos deixou un espléndido sabor de boca. Cada grupo organizou a súa particular merendola na que non faltou de nada: froitas, doces caseiros, chocolate, froitos secos, bombóns... Tampouco faltaron decorativos manteis, panos de mesa, pratos, bandexas..., unha auténtica marabilla!! Os nenos e nenas do terceiro ciclo coidaron e compartiron mesa co alumnado de Infantil, que estaba encantado con tan magnífica compaña. PARABÉNS a tod@s, fixéstelo xenial!! E, por suposto, moitas grazas ás familias que, como sempre, colaboraron con entusiasmo nesta proposta. MOITAS GRAZAS!!
(Para ver álbum de fotos preme na imaxe)
|
|
|
|
|
| PORTAS ABERTAS PARA VER AS EXPOSICIÓNS DOS TRABALLOS DO PDI |
|
Hoxe, na primeira xornada de portas abertas, as familias tiveron a ocasión de pasear polos corredores do centro para visitar as espléndidas exposicións dos traballos feitos polo alumnado arredor do proxecto sobre a alimentación.
O percorrido comeza nos espazos de infantil, onde nos contan o proceso de elaboración do chocolate, propóñennos xogar cun memory e cun sudoku e aprender moitas cousas sobre este riquísimo alimento nos seus cadernos de investigación:
VER MÁIS FOTOS
A continuación podemos ver os traballos do Primeiro Ciclo de EP, que nos teñen preparados os seus cadernos de pescudas e uns fantásticos libros de riquísimas receitas do outono, Nadal e entroido:
VER MÁIS FOTOS
Se queremos seguir aprendendo teremos que ir á zona do segundo ciclo de EP, onde atoparemos obras de arte como cadros de Arcimboldo e Vangogh, bodegóns, fichas decoradas de investigación sobre alimentos, completos cadernos con moita información, fichas sobre alimentación e deporte e moitas cousas máis...
VER MÁIS FOTOS
E para rematar, o alumnado do terceiro ciclo preparou unas interesantes fichas sobre as plantas cultivadas no horto, deseñaron granxas mariñas, fixeron libros de noticias...
VER MÁIS FOTOS
Se aínda non tivestes ocasión de visitar a exposición aproveitade para facelo o próximo martes. NON volo perdades!! PAGA A PENA!! |
|
|
|
|
| ALIMENTOS AO MICROSCOPIO |
|
 Hoxe, os nenos e nenas de 3º, 4º e 5º de E.P. asistimos a unha fantástica charla sobre microorganismos (fungos, levaduras, bacterias e virus), impartida por Marta López, mamá de dous compañeiros do centro e traballadora do CSIC, no campo da investigación dos alimentos. Cantas cousas aprendemos!! Utilizamos probetas, espátulas e placas de Petri, experimentamos con levaduras, observamos fungos cunhas lupas e mesmo fixemos cultivos coas bacterias das nosas mans!! Estamos desexando ver como van medrando!!
Agora xa sabemos que arredor de nós hai un mundo que non se ve pero que é moi curioso e interesante, que nos beneficia en moitos casos, e que xoga un papel moi importante nas nosas vidas. MOITAS GRAZAS, MARTA. PASÁMOLO XENIAL!!VER ÁLBUM |
|
|
|
|
| ALIMENTACIÓN E DEPORTE |
|
 Hoxe, o alumnado do segundo ciclo de E. Primaria asistiu a unha interesante charla-coloquio sobre alimentación e deporte, impartida polo profesor de E. Física do centro, Carlos Covelo. Despois de escoitar atentamente, abriuse unha quenda de preguntas onde os nenos e nenas puideron expresar as súas dúbidas e facer comentarios sobre a exposición e a súa propia experiencia. A actividade resultou moi instrutiva e tod@s aprendemos unha morea de cousas sobre as nacesidades alimenticias das persoas que fan deporte ou realizan unha actividade física diaria.
Aquí tendes as fotos:VER ÁLBUM |
|
|
|
|
| CHARLAMOS CON... |
|
... Carlos Covelo Gallego, profesor de E. Física do noso centro. O próximo 3 de xuño o alumnado do segundo ciclo ten unha cita na biblioteca para aprender moitas cousas sobre Alimentación e deporte, co que remataremos as actividades de procura de información relativas ao Proxecto Documental.
|
|
|
|
|
| OS ALIMENTOS ESTÁN DE FESTA!! |
|
Aquí está o conto creado e ilustrado polo alumnado do primeiro ciclo do Ceip Mestres Goldar. QUE CHULO!!
|
|
|
|
|
| CASO CENORIA |
|
Recén saídiño do forno!! Xa podemos gozar do "Caso Cenoria", o fantástico conto creado polos nenos e nenas do terceiro ciclo de EP, un misterio que deben resolver os protagonistas coa axuda de Mik. Fixádevos nos detalles das orixinais ilustracións, pasarédelo xenial!!
|
|
|
|
|
| O TRASNIÑO E O CHOCOLATE |
|
Xa está aquí o fermoso conto creado e ilustrado polos nenos e nenas de E. Infantil como remate do seu proxecto documental sobre o chocolate. Lede, lede!! Veredes que chulo!!
|
|
|
|
|
| COCIÑA DE CONTOS EN INFANTIL |
|
  A semana pasada, o alumnado de E. Infantil de 5 anos participou nunha saborosa actividade de animación á lectura: COCIÑA DE CONTOS.?Croco?, ?A sopa queima? e ?Sopa de nada? foron os protagonistas da sesión e leváronnos a cociñar exquisitos pratos. A animadora repartiu distintos alimentos que os nenos e nenas terían que debuxar en anacos de pratos de cartón. Para rematar, debían buscar aqueles anacos que completaran uns deliciosos pratos combinados listos para degustar. Quedounos moi apetitoso e pasámolo xenial!!
 VER ÁLBUM |
|
|
|
|
| EUROPA Á CARTA |
|
Hoxe, o alumnado de terceiro e quinto de Primaria participaron nun obradoiro de animación á lectura promovido polo concello de Vigo en colaboración coa editorial galega OQO. Unha actividade moi acaída ao noso Proxecto Documental xa que fixemos un percorrido pola gastronomía tradicional de cinco países europeos: comezamos en Galicia, como non podía ser doutro xeito, e pasamos por varias comunidades españolas; a continuación visitamos Francia, Italia, Portugal e Polonia. Coñecemos un aspecto moi importante das diferentes culturas, a súa cociña tradicional e os pratos típicos destes pobos: o marmitako, escargots, tiramisú, pierogi, golabki, zurek, pierniki, quiche, crepes, risotto...
Despois, en equipo, tivemos que confeccionar o menú dun restaurante dun dos países visitados. Fixemos un traballo estupendo e promocionamos moi ben os nosos particulares e orixinais restaurantes (aínda que algún resultaba un pouquiño caro).
.jpg) .jpg) .jpg)
Podedes escribir nun comentario os nomes dos vosos restaurantes e de que país eran. |
|
|
|
|
|
|
|
|
|
%5B2%5D.gif)
.jpg)
.JPG)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
