Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

A venda ás entradas para Fuxan Os Ventos
Xa á venda as entradas para o espectáculo Terra de Soños de Fuxan os Ventos

Xa se poden mercar os billetes para o espectáculo Terra de Soños, que suporá o regreso de Fuxan os Ventos, os días 18 e 19 de outubro no Auditorio de Galiza (Santiago de Compostela), dentro do ciclo Sons da Diversidade.

As entradas están dispoñíbeis na web de Caixa Galicia e no teléfone 902 434 443.

Na véspera e nos mesmos días das actuacións tamén estarán á venda nas billeteiras do Auditorio de Galiza. O horario para adquirirlas é de 12:00 a 14:00 h. e de 17:00 a 20:00 h. Nos próprios días de actuación, as billeteiras permanecerán abertas até as 20:30h.

Prezos: de 10€ a 20€

www.fuxanosventos.net

18 outubro :
Fuxan os Ventos
Auditorio de Galiza (Santiago de Compostela)

19 outubro :
Fuxan os Ventos
Auditorio de Galiza (Santiago de Compostela)

Fuxan os Ventos regresa ao escenario co espectáculo Terra de Soños

Terra de Soños, o espectáculo que Fuxan os Ventos levará ao Auditorio de Galiza os próximos 18 e 19 de outubro e que suporá o regreso aos escenarios do senlleiro grupo galego tras case dúas décadas, contará coas colaboracións de Guadi Galego, Mercedes Peón, Xabier Díaz, Uxía, Rodrigo Romaní, Pepe Ferreirós, a compañía Nova Galega de Danza, Miguel Lustres e Sabela.

Xunto con todos eles, o grupo reinterpretará os temas máis emblemáticos do grupo dende unha visión renovada, xa que, amáis das colaboracións mencionadas, Fuxan os Ventos contará co acompañamento de Xosé Lois Romero, artífice tamén dos arranxos instrumentais para este proxecto. Nesa banda atoparanse o cuarteto de corda Saiva Nova, Simón García ao contrabaixo, Roi Adrio ás percusións, Guillermo Fernández á guitarra e Benjamín Otero ao oboe.

O Auditorio de Galiza será o espazo no que terá lugar a agardada reunión, nos días 18 e 19 de outubro, dentro do ciclo Sons da Diversidade que organiza a Concellería de Cultura de Santiago de Compostela. O espectáculo está patrocinado pola entidade Xacobeo, a Concellaría de Cultura de Santiago de Compostela, a Televisión de Galicia, a Radio Galega, a Consellería de Cultura a través de Dirección Xeral de Creación e Difusión Cultural e o Restaurante 0’16. Colabora, asimesmo, Vieiros.

Para saber máis sobre o espectáculo, preme aquí.

www.nonsi.es


Comentarios (0) - Categoría: Novas - Publicado o 30-09-2008 11:46
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
free web counter

contador de malmequeriáns dende o 1 de marzo 2007








Galiza

Malmequer