Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Xornadas de Música e Danza do Carballiño

Obradoiros, debate, foliada e aloxamento, neste 1 CONVÍVIO que pretende ser un encontro de músicos e bailadores que queiran seguir aprendendo con grandes mestres e desfrutar de dous días intensos en torno a música e a danza.

Estas Xornadas, que se realizarán os días 25 e 26 de Abril, farán do Carballiño un lugar onde compartir visións sobre o noso patrimonio musical e a súa evolución, e onde mostrar as diferentes interpretacións na actualidade.

Presentamos os cinco obradoiros que ofertamos:

- Recursos Ornamentais para a Interpretación coa Gaita Galega. XAQUÍN XESTEIRA (12 horas).

- Canto e Percusións Tradicionais. FELISA SEGADE (12 horas).

- Técnica Vocal e Interpretación no Canto Tradicional. DAVIDE SALVADO (12 horas).

- Multipercusión Tradicional Galega. XOSÉ LOIS ROMERO (12 horas).

- Técnica para a Colocación Corporal do Baile Tradicional de Galiza. QUIQUE PEÓN (9 horas).


Os obradoiros realizaranse de 10:00 a 14:00 e de 16:00 a 20:00 horas, o sábado 25; e de 10:00 a 14:00, o domingo 26.
Na tarde do domingo, que teremos libre, falaremos sobre ''a música tradicional na provincia de Ourense e a súa evolución'' nunha mesa redonda na que participarán algúns dos nosos mestres e outros expertos. A asistencia á mesa redonda será libre, e por suposto, os asistentes poderán participar no debate se así o desexan.

As persoas que queiran inscribirse nalgún dos obradoiros, deberán descargar o formulario que se atopa no seguinte enlace https://www.dropbox.com/sh/kdizlczuz88d49j/AABSiZEayzEfaQE2gz9OODGMa?dl=0, e cubrilo debidamente logo de ler o arquivo adxunto no que aparecen os requisitos pra ser admitidos, os datos do aloxamento, datos dos obradoiros...

Apuntade! Os días 25 e 26 de Abril no Carballiño!!
Comentarios (0) - Categoría: Concursos e Xornadas - Publicado o 21-04-2015 14:45
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
free web counter

contador de malmequeriáns dende o 1 de marzo 2007








Galiza

Malmequer