O teatro Principal da Estrada acollerá este domingo ás 19.00 horas a cuarta edición do certame de folk Lume na lareira, presentado onte polo presidente do colectivo organizador, Juan Ruibal, e o edil de Cultura, Juan Constenla.
Actuarán sete grupos: O son da Fervenza, Bico da Balouta, Os Alegres, Juan Ruibal, Brais Maceiras, Tarataña e Lume na lareira.
Pecharase cunha actuación conxunta que reunirá sobre o escenario aos cen músicos participantes. Das 400 entradas dispoñibles en orixe, quedan 100.
O despacho de billetes abrirá ás 18.00 e a entrada custará 5 euros.