Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Novas da Escola de Artes e Oficios de Vigo
Tras un mes impartindo clase sen case a metade dos profesores, a Escola de Artes e Oficios podería volver á normalidade. Na reunión da Xunta Rectora -celebrada o martes pasado- acordouse contratar aos nove docentes que se atopan en situación ilegal debido á súa eventualidade.

Unha decisión que non garante que os máis de 300 alumnos afectados polo atraso no inicio das clases -neste momento hai 1.400 matriculados-poidan comezar a súa preparación de forma inmediata. "No caso dos profesores de artes plásticas, a solución continúa sendo temporal e o proceso levará bastante tempo", explica Elvira Larriba, integrante da Xunta Rectora.

Os nove profesores -5 da sección de música e 4 de artes plásticas- solicitaron unha inspección de traballo o pasado mes de xuño trala que se constatou a ilegalidad na que incurrira o Concello mantendo os contratos eventuais destes 9 docentes. Un feito que levou á presentación dunha demanda xudicial contra o Concello que aínda está pendente de resolución e que podería agravar o problema e atrasar, aínda máis, o inicio das clases.

A solución acordada pola Xunta Rectora da Universidade Popular será a de contratar como interinos -dous por un ano e outros dous de forma indefinida- aos catro profesores de artes plásticas. Proceso para o que aínda hai que convocar e resolver o concurso.

Os cinco profesores da sección de música tradicional tamén serán contratados, pero mediante un convenio entre o Concello e a Fundación SondeSeu. A solución neste caso pasará pola segregación da rama de música da Escola de Artes e Oficios e a creación dunha Escola Municipal de Música Tradicional que pasará a depender da concellaría de Educación. Así e todo, as clases continuarán impartindose no actual edificio mentres non se atope unha ubicación.

www.farodevigo.es

Sempre se quixo manipular a escola´

Á indignación dos máis de 300 alumnos que aínda non puideron iniciar as súas clases, engadese o malestar de parte dos docentes da Escola de Artes e Oficios. "O problema é que sempre os políticos quixeron manipular a escola, e esta queda a disposición do capricho do que vén", critica un dos profesores que prefire manterse no anonimato.

Na actualidade exercen 22 docentes na Universidade Popular, dos cales só seis teñen a praza en propiedade. "Se queren unha solución de verdade, non entendo por que non convocan oposicións para cubrir as prazas", propón este profesor. "Hai interinos que cobran máis que os titulados", engade.

Malia a solución acordada na Xunta Rectora -que aínda non se reuniu logo dun mes funcionando sen case a metade de profesores- non todos están convencidos de que se arranxou o problema, e ata critican a separación da rama musical.
"Estamos aínda sen director -non entendo por que se cesou ao anterior- e aínda non está aprobado o plan de actividades", expón.

A posibilidade de que se incentive a rama de artes e oficios co traslado da escola de música a outro edificio, tamén se descarta por parte dalgúns docentes. "Será a longo prazo, porque agora non hai orzamentos", sentenza.

www.farodevigo.es

Traslado de música popular a outro edificio

O edificio da Escola de Artes e Oficios quedará liberado da rama musical en canto o Concello atope unha ubicación para a Escola Municipal de Música Tradicional que se creará mediante un convenio coa Fundación SondeSeu. "A miña intención era conservar ao profesorado actual debido á gran calidade que demostraron. Por iso, o grupo de música folk da Universidade Popular converterase nunha Escola Municipal", explica a concelleira de Educación, Laura López Atrio.

A Escola estará dirixida por Rodrigo Romaní e a súa ubicación podería ser un edificio de propiedade municipal sito nas proximidades do colexio Fleming, segundo anuncia a concelleira de Educación.

Director
Outra das decisións tomadas na Xunta Rectora foi a de convocar un concurso para a elección do director da Escola de Artes e Oficios. Institución que continuará durante varios meses sen órgano executivo, pois aínda non se fixou unha data para a convocatoria.

www.farodevigo.es
Comentarios (0) - Categoría: Novas - Publicado o 02-11-2007 09:20
# Ligazón permanente a este artigo
Asturies vs Galiza: Copa Cantábrica de Billarda
4 de novembro en Castrillón (Asturies) ás 12:00

A LNB apresenta en exclusiva mundial o espectacular cartaz da Copa Cantábrica e por medio da recén creada PxA (Plataforma de xestión da Auténtica) pilotada por Fram Folgueira e Xermán Viluba faise pública a lista de convocados para defender á Galiza niste seu primeiro compromiso oficial. O PxA quere informar que será o grande Zidane da Billarda quen dirixirá á Auténtica a pé de pista exercendo de máximo responsábel técnico nas concentracións e no propio desenrolo do partido. Os elexidos son:

Bíteres: Carmiña, Bixi
Billardeiros: Daniel, Difranco Mangiavacchi
Remourelle-Bulls: Suso , Ginés
Sporting: Fram, Ivan, Calvete
Tronos: Rafa
Cornería-Team: Ginés , Juán
Conf.NorOeste: DavidEkipA: Edelmiro , Xermán
Fanecas Bravas: Ángeles, Asunción

Nota: o selecionador asturiano Xosé Pravia xa aniciou que os palanadores e palanadoras asturianos da Superliga de Billarda : Urbano , David , Chema, María e Mónica e o xogador con doble nacionalidade Hugo van formar parte da potentísima selección Astur, polo que se prevé un durísimo combate entre a sidra e o ribeiro por chegar a encher a tan desexada Copa Cantábrica.

A LNB informa que todos aqueles que queiran apoiar á auténtica nista 1º edición da Copa Cantábrica aínda están a tempo dirixíndose a (ovaral@hotmail.com) para reservar praza na Guagua e para un espectacular xantar colectivo no Restaurante Casa Adolfo de San Miguel en Pedras Blancas, a saída do teleclube de Barreiros ás 9 da mañá e o prezo son 12 euros.

www.ovaral.blogspot.com
Comentarios (0) - Categoría: Novas - Publicado o 01-11-2007 12:48
# Ligazón permanente a este artigo
Magosto Celta de Balboa (O Bierzo)
Comentarios (0) - Categoría: Novas - Publicado o 01-11-2007 12:46
# Ligazón permanente a este artigo
A Festa do Pop Galego
O vindeiro venres, 2 de Novembro, o pop galego ten a súa particular festa co concerto de presentación dos novos discos de The Homens e Fanny + Alexander.

As once xoias power-pop que fan parte de "Tres" sairon á rúa o pasado día 15 mentres que as once alfaias de pop electrónico de "Finais dos 70s, comezos dos 80s" chegaron o día 29 deste mesmo mes, ambolosdous discos editados baixo licenza Copyleft tanto dixital coma físicamente.

A cita será ás 22,00 h. na sala NASA de Compostela.
Comentarios (0) - Categoría: Novas - Publicado o 01-11-2007 12:45
# Ligazón permanente a este artigo
Novas da Escola de artes e Oficios de Vigo
O malestar e as críticas cara ao Concello aumentan na Universidade Popular, á falta de case a metade do profesorado veñen a sumar dúas baixas, o que obriga a cancelar as clases.

O malestar na Universidade Popular é cada vez máis evidente tanto entre o profesorado como entre os alumnos debido a unha situación, que é é cualificada de abandono por parte do Concello.
A falta de director, de xefe de estudos e dun plan de actividades, que habitualmente se aproba antes de iniciar as clases, sumiu ao centro na máis completa desidia, segundo o colectivo.

Cando aínda non se cumpren quince días desde a apertura do curso, xa hai profesores que se encontran en situación de baixa laboral, o que acrecentou o malestar pola falta de substitutos e provocou a suspensión de clases.
Información

Unha das críticas que apuntan desde o profesorado é que non está a ser informado das intencións municipais, o que fai que nos últimos tempos decátese do que pasa a través da prensa.
Tampouco existe unanimidade co recente peche da biblioteca.

Mentres que para uns é unha boa medida cautelar para evitar posibles extravíos en tanto se catalogan os fondos, para outros este traballo poderíase realizar sen necesidade de recorrer ao peche, máxime cando existe tanta demanda deste tipo de servizos na cidade.

Outra circunstancia que ocasionou problemas é a matriculación sen fixar previamente os horarios, o que provocou máis dunha sorpresa entre o alumnado unha vez iniciado o curso.
O grupo municipal do PP critica a través dun comunicado a mala xestión do centro, que cando xa debía levar funcionando un mes, aínda falta case a metade do persoal.

Tampouco está de acordo co peche da biblioteca, xa que, segundo a concelleira Elvira Larriba, deberían de garantirse os postos de lectura, aínda que non se poida acceder aos fondos.
Director

O PP advirte que a crise do centro vese agravada polo inicio do curso sen un director con dedicación plena.
Neste sentido, o alcalde anunciou recentemente que se está estudando unha fórmula que permita nomear a unha persoa con certa estabilidade no cargo.

A concelleira Elvira Larriba sospeita que o goberno local non ten claro a estas alturas o programa docente da Escola de Artes e Oficios para o actual curso académico, o que explica os atrasos nalgunhas materias, á marxe das que non empezaron a impartirse por problemas coas contratacións.

Larriba non entende que se para o goberno local estes estudos teñen gran interese e preténdense ampliar con dúas especialidades máis, por outra banda non se contrate a tempo e de forma regular ao profesorado que as impartía.

Onte a xunta reitora celebrou unha sesión que se prolongou ata entrada a noite.

www.lavozdegalicia.es
Comentarios (2) - Categoría: Novas - Publicado o 31-10-2007 09:41
# Ligazón permanente a este artigo
Festa do Samaín na Praza do Berbés de Vigo

Obradoiros de cabazas, contacontos de medo, magosto e foliada para rematar a festa.

Ata hai trinta anos por moitas aldeas de Galicia tallábanse cabazas por estas datas, e a día de hoxe cada vez hai mais lugares nos que se está a recuperar esta tradición na forma da festa do Samaín.

Se se busca en libros de etnoloxía polas celebracións que se fan no noso país con ocasión do día de Defuntos atoparemos unha serie de costumes ancestrais propias do País. Desde o deixar un oco na mesa ou racións de comida para os defuntos ata facer colares coas castañas novas. A pouco que se pregunte a persoas de máis de corenta anos de diferentes puntos da nosa xeografía (Noia, Catoira, Cedeira, Muxía, Sanxenxo, Quiroga, Vilaboa, Portonovo e a zona sur de Pontevedra onde era coñecida como a Noite dos Calacús) lembran que tamén era habitual por Defuntos coller cabazas, tallarlles unhas caras feroces, poñerlles un pauciños coma dentes e deixalas nos camiños para asustar ós viandantes. Todo isto con ocasión da festividade dos Defuntos, o dous de novembro. Este costume coincide co americano de Halloween (All Hallow's Eve, que significa "Véspera de Todos os Santos") festa que chegou ao continente americano a través dos emigrantes irlandeses no século XIX e aínda máis atrás coa antiga celebración celta do Samaín, no que eran os cranios dos inimigos os que brillaban na escuridade con candeas no seu interior.

A recuperación desta anterga tradición por todo o País e os seus vencellos co Samaín por colexios e asociacións de todo tipo, está a provocar que cada vez haxa máis lugares nos que se celebra esta festa sen pasar pola peneira do Halloween americano.

Este mércores 31 de outubro, véspera de todos os Santos, a Asociación Veciñal e Cultural Casco vello voltará celebrar a recuperada Festa do Samaín e por segundo ano consecutivo organiza na Praza do Berbés un obradoiro de cabazas para que os rapaces poidan traballar as súas cabazas e divertirse coa actuación dun grupo teatral que ambientará a festa con contos de medo como é tradición nesta época.

Para rematar teremos un magosto infantil acompañado dun ambiente de festa e foliada con grupos de música tradicional que animarán a Praza do Berbés.

Teremos cabazas a disposición dos rapaces, pero para evitar que poidan escasear dependendo do seu número invitamos a que poidan traer á súa propia para traballala na Praza do Berbés.

Programa da Festa do Samaín no Casco Vello: Mércores 31 de outubro de 2007

18:00. Obradoiro de Cabazas
19:30 Contacontos de medo polo grupo de teatro Codia e Miolo
20:30 Magosto infantil coa animación musical dos grupos:

- As Tarambainas de Lavadores
- Malmequer
- Amalghama
- Aula de canto popular da Asociación Veciñal e Cultural Casco Vello de Vigo

Comentarios (0) - Categoría: Novas - Publicado o 31-10-2007 01:30
# Ligazón permanente a este artigo
Mostra de Patrimonio Cultural Inmaterial Galego-Portugués
Programa da Mostra de Patrimonio Cultural
Inmaterial Galego-Portugués


Na Praza da Ferrería, en Pontevedra, do 7 ao 11 de Novembro de 2007

MÉRCORES 7, DÍA DA ORALIDADE (de 10:00 a 20:00)

Mañá, obradoiros de 10:00 a 14:00:

Olaría (Tomás López, de Corbelle, Proendos, Sober, Lugo)
Regueifas (O Caruncho e o Pinto d’Herbón)
Forxa (Oliverio Alvarez, Queixoiro, A Fonsagrada, Lugo)
Luthería (Germán Arias, Sarria, Lugo)
Ourivaría (Arlindo, Oficina do Ouro, Sobradelo da Goma)
Redeiría (Beatriz Molanes de Cangas e Josefa Abal de Cambados)
Cantos de cego (Carlos do Viso)
Torneiro (Oli Xiraldez, Cascandelo, Balcaide, Teo)
Obradoiro de xogos tradicionais organizado pola Asociación Brinquedia

Tarde:
Continuación dos obradoiros da mañá, de 16:00 a 19:00, e conferencias:

17:30 Descuberta e partilha dum patrimônio comun. Alvaro Campelo (Universidade de Porto) e Xerardo Pereiro (UTAD).
18:10 Vida e Fala do afiador ambulante. Antonio Fidalgo Santamariña (Universidade de Vigo).
19:00 Acto de inauguración oficial da mostra.
19:30 Proxección do documental Ainda há pastores? de Jorge Pelicano.

XOVES 8, DÍA DA COSMOVISIÓN (de 10:00 a 20:00)

Mañá, obradoiros de 10:00 a 14:00:

Olaría (Tomás López, de Corbelle, Proendos, Sober, Lugo)
Forxa (Oliverio Alvarez, Queixoiro, A Fonsagrada, Lugo)
Luthería (Germán Arias, Sarria, Lugo)
Ourivaría (Arlindo, Oficina do Ouro, Sobradelo da Goma)
Poteiro (Manolo da Sara, O Figo e O Kike, Arbo. Pontevedra)
Torneiro (Oli Xiraldez, Cascandelo, Balcaide, Teo)
Construción de instrumentos musicais vexetais (Emilio Lois, A Baña, A Coruña)
Obradoiro de xogos tradicionais organizado pola Asociación Brinquedia

Tarde, continuación dos obradoiros da mañá, de 16:00 a 19:00, e conferencias:

17:30 O que ti fas importa. Xavier Simón (Universidade de Vigo).
18:00 A actualidade das embarcacións Tradicionais. Lino Prieto (Presidente da Asociación Amigos da Dorna Meca).
18:30 Recursos Turísticos a partir do Mar. GUIMATUR
19:00 As Plantas Medicinais na Tradição Galego-portuguesa, Padre Fontes (Vilar de Perdizas).

VENRES 9, DÍA DOS RITUAIS E ACTOS FESTIVOS (de 10:00 a 22:30)

Mañá, obradoiros de 10:00 a 14:00:

Olaría (Tomás López, de Corbelle, Proendos, Sober, Lugo)
Forxa (Oliverio Alvarez, Queixoiro, A Fonsagrada, Lugo)
Luthería (Germán Arias, Sarria, Lugo)
Ourivaría (Arlindo, Oficina do Ouro, Sobradelo da Goma)
Poteiro (Manolo da Sara, O Figo e O Kike, Arbo, Pontevedra)
Obradoiro de fabricación de máscaras de antroido de Laza (Manuel Quintas)
Torneiro (Oli Xiraldez, Cascandelo, Balcaide, Teo)
Obradoiro de xogos tradicionais organizado pola Asociación Brinquedia
Durante todo o día actuarán representantes dos antroidos do Antroido Ribeirao de Chantada (Lugo), Laza e Xinzo de Limia (Ourense), así como Os Caretos de Podence (Portugal).

Tarde, continuación dos obradoiros da mañá de 16:00 a 19:00 e conferencias:

17:30 Festas Etnográficas de Allariz. Teresa Devesa (Concelleria de Cultura), Pilar Gallego (Pariticipación cidadá), e Elena Rodríguez Bouzas (Técnica de Cultura).
18:30 Ritos de apropiación dos lugares, Anxo Fernández Ocampo (Universidade de Vigo).
19:00 Proxección dos vídeos O Besadoiro, A seitura e A sega da herba comentados por Olimpio Liste Regueiro do Museo Etnográfico de Liste e Fundanción Liste en Vigo.

Noite, de 20:30 a 22:30
Festival de música tradicional coa colaboración da AGG
Cuarteto Tradicional Picuíña de Marín.
Os Terribles de Donas.
A Gaita de Sarandón.
Durante estas actuacións poderase asistir a un obradoiro de baile tradicional impartido por Gustavo Couto e á queimada e degustación dos augardentes destilados neses días polo noso poteiro.

SÁBADO 10, DÍA DAS ARTES DO ESPECTÁCULO (de 10:00 a 24:00)

Mañá, obradoiros de 10:00 a 14:00:

Feitura de Corozas (Alejandro Regal, Castro de Carballedo, Lugo)
Olaría (Tomás López, de Corbelle, Proendos, Sober, Lugo)
Forxa (Oliverio Alvarez, Queixoiro, A Fonsagrada, Lugo)
Luthería (Germán Arias, Sarria, Lugo)
Ourivaría (Arlindo, Oficina do Ouro, Sobradelo da Goma)
Poteiro (Manolo da Sara, O Figo e O Kike, Arbo. Pontevedra)
Obradoiro de instrumentos musicais (Emilio Lois, A Baña, A Coruña)
Obradoiro de Regueifas cos regueifeiros Suso e Antonio de Xornes (Ponteceso).
Torneiro (Oli Xiraldez, Cascandelo, Balcaide, Teo)
Durante todo o día actuarán na mostra catro dos mellores gaiteiros tradicionais galegos e portugueses:
José Marentes (Santa Xuía, A Fonsagrada)
Manuel Viqueira (Ordes, A Coruña)
Joaquim Pereira “O Carriço” (Quinta do Valongo, Mealhada, Portugal)
Antonio Ribeiro “O Toni das Gaitas” (Porto, Portugal)

Tarde, continuación dos obradoiros da mañá de 16:00 a 19:00 e conferencias:

17:30 O vello rasto e o acordeón. Eduardo Parada e Manuel Parada.
18:10 Os instrumentos tradicionais galegos. Concerto didáctico por Pablo Carpintero.
18:50-20:30 Actuación comentada dos catro gaiteiros tradicionais no escenario.

Noite, de 20:30 a 24:00:
VI Mostra da Oralidade Galego-Portuguesa coa colaboración da asociación “Ponte ... nas Ondas!” e da Asociación de Gaiteiros Galegos.
-Pauliteiros de Sendim (Terra de Miranda, Tras-os-Montes, Portugal)
-Caretos de Podence (Portugal)
-Zés Pereiras de Vilaverde-Braga
-Suso e Antonio de Xornes (Ponteceso)
-Charanga de Ultreia
-Pandereteiras e gaiteiros de Pontecaldelas, Toutón, A Ermida e Gargamala.
-Durante estas dúas últimas actuacións Luis Prego impartirá un obradoiro de baile tradicional galego para que todas e todos poidamos bailar os nosos ritmos agarrados e soltos.
Durante este festival poderase asistir á queimada e degustación dos augardentes destilados neses días polo noso poteiro.

DOMINGO 11, DÍA DOS OFICIOS (de 10:00 a 21:30)

Mañá, obradoiros de 10:00 a 14:00:

Olaría (Tomás López, de Corbelle, Proendos, Sober, Lugo)
Forxa (Oliverio Alvarez, Queixoiro, A Fonsagrada, Lugo)
Luthería (Germán Arias, Sarria, Lugo)
Ourivaría (Arlindo, Oficina do Ouro, Sobradelo da Goma)
Poteiro (Manolo da Sara, O Figo e O Kike, Arbo. Pontevedra)
Redeiría (Beatriz Molanes de Cangas e Josefa Abal de Cambados)
Torneiro (Oli Xiraldez, Cascandelo, Balcaide, Teo)

Tarde, continuación dos obradoiros da mañá, de 16:00 a 19:00, e conferencias:

17:30 Homes de Oficio. Concepto e proposta de inventario. Antonio Fidalgo Santamariña (Universidade de Vigo).
18:10 O ghancho, unha técnica de extracción selectiva de nécora e A Innovación no mar co PCI: a experiencia de Mar de Lira. Patrón Maior da Confraría de Lira, Carnota. Xerente da Confraría de Lira, Carnota.
Ás 19:00 comezará a queimada e degustación dos augardentes destilados polo noso poteiro.

Noite de 20:30 a 21:30.
Clausura da Mostra de Patrimonio Inmaterial Galego-Portugués 20:30
Actuación do grupo Ruote.


www.gaiteirosgalegos.com

Máis información e programa da Mostra
Comentarios (0) - Categoría: Novas - Publicado o 31-10-2007 01:28
# Ligazón permanente a este artigo
Prazas para a Deputación de Ourense

A Deputación de Ourense acaba de publicar no Boletín oficial da Provincia do día 26 de outubro a apertura de prazo para a presentación de solicitudes a:

- 2 prazas de profesor axudante de Gaita
- 1 praza de profesor de percusión

Concurso-Oposición libre

Bases da convocatoria e máis información en:

www.depourense.es
Comentarios (0) - Categoría: Novas - Publicado o 30-10-2007 10:10
# Ligazón permanente a este artigo
Novas da Escola de artes e Oficios de Vigo
A Universidade Popular aborda hoxe a contratación do profesorado

A xunta reitora da Universidade Popular abordará hoxe a contratación dos dez profesores que permanecen á espera para iniciar as clases.

A proposta da concelleira de Educación Laura López Atrio pasa por contratar aos que imparten música, a metade, a través da Fundación Sondeseu e ao resto mediante unha convocatoria municipal. A idea é solucionar o problema a longo prazo e que as clases da escola poidan comezar na súa totalidade o próximo mes.

www.lavozdegalicia.es

Ao mesmo tempo informar que xa están expostas no taboeiro de Secretaría a listaxe de alumnos que pasaron a proba de acceso de primeiro curso das materias do Conservatorio Folc.
Comentarios (0) - Categoría: Novas - Publicado o 30-10-2007 09:03
# Ligazón permanente a este artigo
Premio IAR do Folclore Galego

PREMIO "IAR" DO FOLCLORE GALEGO

O vindeiro 15 de Decembro do 2007 terá lugar no Teatro Rosalía Castro o Festival Folclórico no que será entregado o PREMIO “ IAR” DE FOLCLORE GALEGO correspondente a súa XVI edición, que este ano coincide co 25 Aniversario do Grupo de Bailes Populares “IAR”

Os interesados en presenciar esta nova Edición do premio “IAR” poden reservar as localidades (dúas invitacións) no telefono 981-13-36-46, en horario de 20:00 a 22:00 hrs. o día 10 de Decembro.

Podedes consultar nesta nova as bases que rexerán a XVI EDICIÓN DO PREMIO “IAR” DE FOLCLORE GALEGO no caso de estar interesados en participar no mesmo, ou ben propor candidaturas, o prazo atópase aberto ata o día 30 de Novembro do 2007.

Deberedes remitilas a :

XURADO PREMIO “IAR” DE FOLCLORE GALEGO
R /CERCA, 30 BAIXO 15.009 A CORUÑA
iargrupo@hotmail.com
FAX:981133646

O fallo do xurado emitirase o vindeiro 10 de Decembro e a entrega do Premio terá lugar durante o FESTIVAL. Para rematar queremos animarvos a todos a que propoñades candidaturas e a que acudades o 15 de Decembro a participar neste evento.

O Premio “IAR” de Folclore Galego nace no ano 1992, coa vontade de dar un recoñecemento público non crematístico, e coa finalidade de premiar cada ano a persoa física ou xurídica, grupo, asociación, entidade ou institución, á que se lle teña recoñecido o seu labor neste campo, durante a súa traxectoria, ou a que máis destacara durante o ano anterior no seu traballo polo folclore deste país.

Con posterioridade, acordouse valorar o desenvolvemento dunha traxectoria prolongada de traballo no folclore galego e no somentes ó labor no último ano.

As bases polas que se rexeu, dende o inicio ata o día de hoxe, a concesión anual do Premio “IAR” son as seguintes:


1. Poderá concorrer á obtención do Premio “IAR” toda persoa física ou xurídica, agrupación, asociación, entidade ou institución radicada en calquera parte do mundo, adicada á potenciación e fomento do folclore galego, nos eidos da investigación, música, baile, canto e vestiario; pódese outorgar incluso a título póstumo, segundo a valoración do xurado.

2.As candidaturas poderán presentarse directamente ou através de terceiras persoas que poidan propoñelas.

3.O prazo de presentación de candidaturas para o Premio “ IAR” estará aberto dende o 1 de outubro ata o 30 de Novembro do 2007, e nesta decimosexta edición valorarase o labor realizado ata o ano 2006 , en calquera das facetas relacionadas co folclore galego.

4.As candidaturas deberán ir acompañadas dun “currículo” do/a candidato/a e unha memoria dos traballos realizados ata o ano 2006.

5.As candidaturas deberán remitirse por correo ao Grupo de Bailes Populares “IAR”, sito en Rúa da Cerca 30-baixo, 15009 A Coruña, no correo electronico iargrupo@hotmail.com , ou no FAX 981-13-36-46 ao coidado do Xurado Premio “IAR”.

6.O Premio “IAR” será outorgado por un xurado composto por tres persoas destacados do folclore galego, nomeadas pola Directiva do Grupo de Bailes Populares “IAR”, e o/a Presidente/a do Grupo de Bailes Populares “IAR”, que actuará como Secretario/a, con voz e sen voto. Ningún membro do xurado poderá ter relación directa con ningunha das candidaturas presentadas.

7.Non poderá presentarse o gañador dun Premio “IAR” anterior.

8.O xurado poderá declarar deserto o Premio, se non atopa méritos suficientes nas candidaturas presentadas.

9.O Premio “IAR” 2007 fallarase antes da celebración da XVI edición do Festival do Premio “IAR” de Folclore Galego, que terá lugar no Teatro Rosalía Castro, o día 15 de Decembro de 2007.

Asdo.: O Presidente da Sección de Folclore
Da A.V.V. Castrillón –urbanización Soto “IAR”

Servando López González
Comentarios (0) - Categoría: Novas - Publicado o 30-10-2007 08:19
# Ligazón permanente a este artigo
X Certame Internacional de Regueifas en Vigo

X CERTAME DE REGUEIFAS

O vindeiro sábado 27 de outubro celébrase a décima edición do Certame Internacional de Regueifas a partires das 19:00 horas no Novo Centro Sociocultural do Pedregal en Valadares-Vigo baixo a seguinte programa:

PROGRAMA:

- De 16:30 a 18:30 horas obradoiro de improvisación en verso para interesados e novos practicantes de regueifa ese mesmo día para todos os que se presente no actual Centro Vecinal. A inscripción é de balde.

- 19:00 horas.
Apertura do acto a cargo dos novos Regueifeiros que participaron no obradoiro previo.

- 19:30 horas.
Espectáculo de Regueifas no que intervirán:
o Pinto D´Herbón (Padrón)
o Luis “O Caruncho” (Vigo)
o Bieito Lobariñas (Gondomar)
o Josiño do Viso (Redondela)
o Felipe de Dodro (Dodro)

- 21:00 horas.
Desafío de hip-hop en estilo libre a cargo de catro rapeiros vigueses apoiados por un picadiscos no que representarán un pique de galos e outras actividades.

- 21:45 horas.
Despedida conxunta


Presentan o acto Paco Barreiro e Aida

Mais información no teléfono 986.467.053 ou na web www.ctv.es/USERS/cvallada

Comentarios (1) - Categoría: Novas - Publicado o 26-10-2007 09:27
# Ligazón permanente a este artigo
Proxección de documental no Casco Vello de Vigo
A Asociación Veciñal e Cultural Casco Vello organiza a proxección do documental “A Cidade Perdida” do director Miguel A. Romero, interesante traballo sobre a historia arquitectónica industrial de Vigo, unha mirada que non nos queda tan lonxe e que índa trae complicados intereses creados, como no caso do solar da Panificadora, en pleno centro de Vigo.

Documental “A Cidade Perdida”
Día: Venres, 26 de outubro
Lugar: Salón de actos do Centro Cívico Casco Vello, rúa Oliva 12
Hora: 20:00


Sinopse do documental:

O auxe económico que experimentou a cidade de Vigo a principios do século vinte atopou reflexo na construcción de multitude de factorías industriais que conformaron, co paso do tempo, a paisaxe da urbe. Edificios como a Panificadora, a Metalúrxica ou a Fábrica de almacenaxe de Santa Clara, respondían na súa concepción primixenia a unha nova vontade do arquitectónico, na que o vangardismo tivo un especial protagonismo.
Milleiros de persoas, de traballadores, desenvolveron a súa vida laboral nestes complexos contribuíndo co seu traballo ao crecemento e benestar dos cidadáns de Vigo. A historia da nosa cidade, dos nosos pais ou dos nosos avós é a historia destes edificios.
O esquecemento, a especulación urbanística e a indiferencia pola historia fai que as poucas factorías de principios de século que aínda quedan en pé estean a piques de desaparecer....

O vangardismo arquitectónico practicado a principios do século vinte na cidade de Vigo dá testemuño do dinamismo e receptividade dunha urbe que empezaba naquel momento a realizar o seu despegue industrial. Daquela, moitas empresas optaron polo cambio nos conceptos arquitectónicos ata entón tradicionais das súas fábricas. O emprego de novos materiais na construción e a pureza nas formas, fóronse impoñendo grazas a influenza do vangardismo arquitectónico europeo.


Así, a tradición da arquitectura industrial en Vigo seguiu a evolución –ás máis das veces con detalles propios-, do que ían sendo as discusións desenvolvidas en Europa arredor do que se concibía como unha nova rama da arquitectura: a industrial. Discusión fundamentalmente artellada polo movemento moderno, Vigo recolleu a pegada visible das teses de Walter Gropius e da Bauhaus, tanto en edificios de vivendas como en arquitectura industrial.

A tradicional estética da "fealdade" da cidade, coas súas grandes superficies fabrís sen ornamentación e o emprego constante do formigón armado, non só gardan a personalidade propia que ten acadado Vigo, senón tamén parte da memoria arquitectónica industrial colectiva.

O racionalismo –incluido dentro da arquitectura moderna-, que durante máis de corenta anos foi a dominante europea e que creou escola tamén nos Estados Unidos, tivo o seu pequeno reflexo na cidade máis nova e a que acollía a un maior número de xente de Galicia. Vigo, que precisou tanto do funcional, apenas vela hoxe pola historia desta arquitectura e é doado atoparse con impresionantes edificios en ruinas que teñen por destino a demolición. En concreto, o obxecto deste documental é poñer en valor dous destes edificios. Unha cidade como a olívica, para a que a arquitectura industrial é un dos máis claros compoñentes da súa fisonomía, debería ser consciente deste patrimonio e desentrañar o valor histórico e artístico dos seus edificios:

A Panificadora ou Fábrica de Fariñas é un exemplo de arquitectura industrial único en Galicia. Ergueito o seu impresionante perfil no centro da cidade, o seu aspecto mudará en breve porque só se respectarán –a isto sí obriga a lei- a cheminea e os silos. A fábrica de almacenaxe de Santa Clara, cronololóxicamente posterior, é o exemplo das teses racionalistas que artellaron nos anos vinte a arquitectura industrial. O futuro inmediato desta fábrica é, asímesmo, a demolición.

As opcións que se suxiren no documental son pois a recuperación destes edificios como parte do patrimonio histórico de Vigo, e a rehabilitación e restauración como reflexo da madurez da súa propia sociedade.
Comentarios (0) - Categoría: Novas - Publicado o 25-10-2007 16:37
# Ligazón permanente a este artigo
Novas do Conservatorio Folc de Vigo
A biblioteca da Escola de Artes e Oficios reabrirase ao público en canto contrátese a persoal cualificado para traballar na catalogación dos seus valiosos fondos documentais. Así o asegurou a concelleira de Educación, Laura López, quen recalcou que "son razóns de seguridade as que nos levan a pechala de xeito provisional ata solucionar este problema porque non queremos que nos pase mesmo que á Biblioteca Nacional", en alusión ao recente roubo de importantes documentos.
A edil lamenta que "é algo herdado porque se abriu sen condicións nin persoal adecuado e nós queremos darlle estabilidade e facer as cousas ben". Neste sentido, anuncia que tratarán de chegar a un convenio coa Xunta "para dotala de persoal estable e cualificado".

Doutra banda, sinala que a dotación é "unha biblioteca de consulta para investigadores, non para estudar, e para que os alumnos da escola teñan opcións de acceder a libros das materias que alí se imparten".

En canto á demora no inicio das clases de varios cursos, Laura López subliña que "é máis do mesmo" e detalla que "o profesorado traballaba con contratos de servizo e obra ano tras ano e agora chegou o requirimento de Inspección de Traballo para solucionar esta situación".

Así, levará o vindeiro martes á xunta de Educación a contratación "con todo legal e indefinida" do profesorado da Escola de Artes e Oficios "que está integrado por buenísimos e moi válidos profesionais". Por este motivo, confía en que as clases poidan comezar "a primeira ou a segunda semana de novembro e que este problema non volva xurdir nunca máis".

Recalca tamén que non só se impartirán os mesmos talleres do pasado ano senón que a oferta "amplíase este curso con dúas especialidades máis de música xa que queremos fomentar a institución como unha escola de música tradicional e folc".

Insistiu tamén en que "o proxecto é fabuloso e só falta a autorización da xunta reitora para polo en marcha, algo que se fará efectivo o martes"

www.farodevigo.es
Comentarios (0) - Categoría: Novas - Publicado o 25-10-2007 09:35
# Ligazón permanente a este artigo
Retranca: revista de humor en galego
Preséntase Retranca unha revista que aposta por recuperar o humor galego co lema “lerasnos de morto se non nos les de vivo”.

A partir deste mes de novembro os galegos teremos unha cita mensual co sorriso nos nosos quioscos. O Café Moderno de Caixa Galicia, en Pontevedra, acolle o vindeiro día 31 de outubro ás oito da tarde (noite se Samaín) a presentación de Retranca.

Esta nova revista chega ao mercado disposta a recuperar a longa tradición humorística galega e conta coa Santa Compaña coma Mascota, baixo o lema “Lerasnos de morto se non nos les de vivo”. O feísmo é o tema principal do primeiro número desta publicación, que agasalla os lectores cunha foto do rei “que espertará as paixóns máis ardentes”, advirte o envoltorio. A proposta chegará a primeira semana de novembro ao público a través dos quioscos de todo o país, cunha distribución de 8.000 exemplares que se venderán a un prezo de 2,20 euros cada un.

A Kiko da Silva, director e promotor do proxecto, súmanse nestas páxinas auténticas estrelas como son as firmas de Manuel Rivas e Miguelanxo Prado. Canda eles, autores xa coñecidos dos xornais galegos coma Xaquín Marín, Pinto e Chinto, Kohell, Leandro, Luís Davila ou Andrés Meixide. Alberto Guitián, Jacobo Fernández ou os colectivos Pestinho+1 e Reizentolo, entre outros son algúns dos colaboradores galaicos do proxecto. Desde fóra do país achegan a súa ollada os coñecidos Idígoras & Pachi ou Mel, coñecidos polas súas colaboracións en El Mundo ou El Jueves. Boa parte destes autores participarán no evento de presentación.

A iniciativa parte do humorista gráfico e ilustrador Kiko da Silva, e quere ocupar un espazo ata agora descoidado nas bancadas. “Hoxe en día non hai ningunha publicación dedicada a nos facer rir de nós mesmos en Galicia”, explica, “e coa tradición de humor que temos, con nomes coma Castelao, Fernández Flórez, Julio Camba, Siro ou Pepe Carreiro non é de crer que non haxa público”. Da Silva xa leva anos a traballar no campo da edición co proxecto BD Banda, revista de cómic que verá en breve o seu segundo número e que xa foi galardoada en diferentes eventos dedicados á novena arte.



Comentarios (1) - Categoría: Novas - Publicado o 25-10-2007 08:42
# Ligazón permanente a este artigo
Entre Trastes

Un contrabaixo, unha guitarra e un bouzouki son os instrumentos que forman a base de traballo de Entre Trastes, unha formación atípica dentro do panorama musical galego que conta xa cun traballo discográfico no mercado

Os responsables desta proposta son tres músicos que contan cunhas intensas e dilatadas traxectorias artísticas: Daniel Vilar, Álvaro Iglesias e Xosé Liz. O último deles foi o encargado de presentarnos este novidoso e interesante trío.

A idea de reunirvos e formar Entre Trastes ¿cando e de que xeito naceu?
Xurdiu despois das presentacións do primeiro traballo do grupo Beladona Bicos de Sol. Dani tiña unhas ideas, traballadas en guitarra acústica, sobre música tradicional para un grupo reducido que funcionara comodamente en pequenos aforos. A idea semellaba interesante e, tras escoitar os primeiros arranxos, apunteime de inmediato ao proxecto.

A incorporación de Álvaro, co seu contrabaixo, redondeaba a idea musical que tiñamos na cabeza; faltaba soamente escoller as datas para ir ao estudio de gravación.

O nome do grupo é moi apropiado para o voso trío pero, ¿a quen se lle ocorreu?
A Dani; el é tamén o único de nós que é capaz de dicir Entre Trastes tres veces seguidas sen liarse (risas).

Ese nome fai referencia soamente aos intrumentos ¿ou tamén a vós mesmos?
A resposta pode incriminarnos e dar lugar a perigosos efectos colaterais nos nosos respectivos fogares. Acóllome ao dereito a non declarar na miña contra (risas de novo).

Examinando polo miúdo o repertorio escollido para esta estrea discográfica, o primeiro que destaca é a moita composición propia, ¿non?
Si, é a protagonista de máis da metade do repertorio do disco, porque estabamos convencidos de que serían esas pezas as que lle darían, rapidamente, un carácter diferenciado e unha personalidade propia ao grupo.

Ademais, incluídes pezas tradicionais de Galiza; dentro do repertorio tradicional do noso país, ¿hai moitas pezas que se adapten ben á vosa proposta instrumental?
Moitísimas. O repertorio tradicional galego para instrumentos de corda é un terreo en barbeito que agarda nova semente. O que si hai que ter en conta é o que se ten entre mans. Traballar arranxos sobre música tradicional galega implica, en todo momento, poñer os cinco sentidos en non perder a natureza, a esencia da música coa que se traballa. Se non, corres o risco de pasarte de voltas, de mexar por fóra, de que xa "non soe a…" e que o resultado final difumine a orixe, de tal xeito, que sexa difícil atoparlle adxectivo ao que acabas de parir. É como xogar a un xogo que (como todos os xogos) ten determinadas regras para cumprir. Pero non por iso deixa de ser un xogo moi divertido.

Tamén aparecen pezas tradicionais de Bretaña e Irlanda. ¿Por que deses dous lugares en concreto?
Son países con moita tradición e con moitos grupos e discográficas que están a traballar neste tipo de proxectos desde hai moitos anos. Ou sexa, o contrario do que, por desgraza, acontece no noso país.

A inclusión de pezas deses lugares débese ao contacto que temos establecido con músicos e que temos participado en diversos festivais internacionais (Lórient, Quimper, Cork, Piping Festival etc.). É toda unha experiencia compartir a túa música con intérpretes doutras culturas musicais.

Conseguir apoio económico para un proxecto destas características, ¿foi complicado?
Aquí tamen tivemos sorte ao contar co apoio incondicional, desde o primeiro momento, do coñecido músico, produtor, manager, editor etc., Xoán Carlos Fernández Fasero. É un namorado das cordas e demostrouno ó amosar a súa confianza en nós.

A nivel estético, este disco conta cunha portada moi atractiva, ¿quen a deseñou?
Deixámonos levar neste caso pola aposta do selo discográfico, por Gerardo de "Gerhard Designs". Buscabamos darlles importancia ós instrumentos sen recorrer á típica estética céltico-preciosista; pero que ó mesmo tempo, si deixara claro o contido estilístico do traballo. O resultado foi máis que convincente.

Entre a variedade de ofertas musicais coas que conta na actualidade a música do noso país, ¿confiades en que a vosa proposta teña o seu propio espazo?
Non. Lamento ser escéptico, pero penso que o negocio e o mercado deste país é unha pantasma. Calquera proposta musical, de artes escénicas ou de calquera tipo relativa ao eido cultural, en Galiza subsiste unicamente grazas á subvención pública. A xente non ten o costume de pagar por ver ou escoitar cultura propia, porque, de sempre, déronllo gratis. Que os cartos públicos soporten case a totalidade deste tipo de manifestacións, convértese pouco a pouco nun cancro que nos afasta da Europa, onde a xente paga 20 euros por entrar a ver un festival folk. Con este panorama, semella máis doado facer un espazo en Kuala Lumpur.

O público que xa tivo a oportunidade de escoitarvos en directo, ¿que tal reaccionou diante da vosa proposta?
Moito mellor do que esperabamos, sobre todo cando recoñecen un tema tradicional galego aínda que esté interpretado cun contrabaixo, unha guitarra e un bouzouki. Dábanos un pouco de respecto facer un concerto de música folk de hora e pico sen as tímbricas habituais, gaita, violín ou acordeón. Pero a verdade é que a positiva resposta do público, desde o primeiro momento, sorprendeunos.

Á hora dos concertos, ¿preferides os grandes escenarios ou os locais máis íntimos?
Boa pregunta. Persoalmente, fánseme cada vez máis atractivos os recintos pechados e pequenos; aínda que seguen a existir tamén grandes exteriores nos que paga a pena tocar. Pode que a elección veña condicionada pola actitude da xente. Postos a escoller, prefiro o local pequeno, no que 100 persoas se interesan polo que fago, antes que o macro-festival no que a maioría dos milleiros de persoas que asisten non acoden, realmente, coa idea de escoitar música.

Entre Trastes, ¿é un proxecto a curto prazo ou pensades afondar na proposta e seguir editando máis discos?
Afondaremos na proposta. De feito, xa estamos traballando en novos temas para un segundo traballo.

Nese futuro segundo disco, a estética sonora do grupo, ¿será a mesma?
Nada está prohibido sempre que sexa anecdótico e deixe un espazo musical claro para o trazo diferenciador do grupo: a nosa sonoridade; que é, indiscutiblemente, novidosa nun grupo de folk galego.

Máis información en: www.entretrastes.com

www.elcorreogallego.es
Comentarios (0) - Categoría: Novas - Publicado o 24-10-2007 09:15
# Ligazón permanente a este artigo
Entradas para Mercedes Peón en Compostela
Sábado 17 de novembro no Auditorio de Galicia de Santiago de Compostela.

Chega ao Auditorio de Galicia con Sons da Diversidade unha das figuras máis relevantes da música de raíz no noso país: Mercedes Peón. Con ela poderemos coñecer os temas que compoñen o seu disco Sihá e facer un percorrido antolóxico polos mellores temas que integran a súa carreira profesional.

Consigue unha das 5 entradas de balde para o concerto!
Participa no concurso!

www.sons.santiagodecompostela.org

Venda de entradas
O prezo das entradas para asistir aos concertos de Sons da Diversidade 2007 é de 15 euros, con descontos do 50% para estudantes e persoas xubiladas (7,50 euros). Como vén sendo habitual as entradas poden mercarse no posto de venda do Auditorio de Galicia, na véspera e media hora antes do concerto.

Caixa Galicia, ofrece tamén a posibilidade de mercar as entradas sen ter que achegarse ata o Auditorio, empregando tanto o teléfono 902 43 44 43 coma a través da súa web (www.caixagalicia.es).

Horario do posto de venda: 12:00 a 14:00 e 17:00 a 20:00 horas.

O día do espectáculo a posto de venda pecha ás 21:00 horas.

Teléfonos do posto de venda: 981 571 026 e 981 573 979.
Comentarios (0) - Categoría: Novas - Publicado o 24-10-2007 09:12
# Ligazón permanente a este artigo
O Concello de Ames quere o Conservatorio Folque de Lalín
O Concello de Ames negocia un conservatorio de folclore similar ao que xa funciona en Lalín

O Concello de Ames admitiu onte a existencia de negociacións coa dirección do conservatorio Folque, ata a data con sede no Auditorio de Lalín, de face a asentar o proxecto musical no municipio. Desde o goberno municipal confirmaron a existencia de contactos con este obxectivo, á vez que subliñan o interese cultural dunha iniciativa deste tipo para o municipio.

Neste sentido, manifestaron fontes municipais que «para Ames sería importante contar cun proxecto destas características». E é que, ata a data, en toda Galicia existen só dous conservatorios de folc: o de Vigo e o de Lalín, cuxa continuidade no municipio está no aire.

Desde o Concello de Ames indican, no entanto, que o proceso negociador continúa aberto, e tamén apuntan a que existen contactos por parte doutros municipios para contar co proxecto.
Mentres se desenvolven as negociacións para trasladar o conservatorio Folque fóra da comarca, o goberno municipal de Lalín continúa á espera de manter unha reunión coa directora do centro, Ugía Pedreira. O concelleiro de Educación de Lalín, Manuel Gómez Estévez, indicaba onte que pretenden fixar un encontro coa directora do conservatorio Folque a próxima semana, coa presenza do alcalde Xosé Crespo.

www.lavozdegalicia.es
Comentarios (0) - Categoría: Novas - Publicado o 23-10-2007 10:05
# Ligazón permanente a este artigo
Remate do Prazo de inscrición na Aula de Zanfona de Lugo

Remate do prazo de inscrición: 25 de outubro
Comentarios (0) - Categoría: Novas - Publicado o 23-10-2007 09:17
# Ligazón permanente a este artigo
Concentración de alumnos da Escola de Artes e Oficios de Vigo
Alumnos e alumnas da Escola de Artes e Oficios de Vigo maniféstanse pola falta de profesorado no centro.

Os alumnos e alumnas, ademais de tocar pezas de música tradicional galega, berraron consignas como “as clases xa, queremos empezar”, “non ten pase que non teñamos clase”, ou “concelleira mentireira”.

Diante do Marco, na rúa Príncipe de Vigo, un numeroso grupo de alumnos e alumnas da Escola de Artes e Oficios concentrábanse cos seus instrumentos e moita música para denunciar a situación na que se atopa este centro, que con máis de 300 alumnos aínda non conta con profesorado para este curso.

Os alumnos e alumnas da Escola de Artes e Oficios de Vigo aínda non contan con profesorado para atender a demanda de cursos e o numeroso alumnado. Este motivo, así como a demanda dunhas condicións de traballo dignas e que se teña en conta ao alumnado, foron as razóns que levaron a un bo numero destas alumnas e alumnos a concentrarse este mércores 17 de outubro diante do Marco de Vigo ás oito da tarde.

Na rúa Príncipe, con unha amena e combativa concentración musical, explicaron a súa situación e reclamaron “que empecen as clases xa, e que estas aulas sexan impartidas por un profesorado que teña unhas condicións de traballo dignas, e reclamamos que se teña en conta o alumnado desta Escola de Artes e Oficios”.

Situación laboral do profesorado

Así mesmo os alumnos e alumnas “facemos partícipe e responsábeis a este goberno municipal que non creou a situación laboral necesaria para o noso profesorado, o que provoca que a día de hoxe aínda non coñezamos a data de inicio das nosas clases”.

Os alumnos e alumnas, ademais de tocar pezas de música tradicional galega, berraron consignas como “as clases xa, queremos empezar”, “non ten pase que non teñamos clase”, ou “concelleira mentireira”.

Ver video:


www.galizacig.com
Comentarios (0) - Categoría: Novas - Publicado o 22-10-2007 14:56
# Ligazón permanente a este artigo
Entrevista a Bieito Romero (Luar na Lubre)
Luar na Lubre levounos da man por "O son do Ar" no 1988 para despois asomarnos á "Beira Atlántica". Con eles, vivimos o "Plenilunio" e voltamos ao "Cabo do Mundo". Agora, no 2007, Bieito Romero e os seus retornan abrindo hourizontes e mentes cun álbum intenso e extenso (14 composicións gravadas en cinco meses). Desta vez, a súa proposta é pasearnos polos "Camiños da fin da terra". A vindeira semana, presentarán esta nova obra a piques de chegar ás tendas de discos.

- "Camiños da fin da terra", dá que pensar.
- Leva ese nome porque estamos nun lugar xeograficamente falando onde acaba o mundo coñecido ata hai pouco tempo. Queremos traballar esa Galicia máxica coñecida superficialmente pero que é moito máis coas súas profundas tradicións, personaxes misteriosos a través dos tempos e a través dos camiños que levan ao fin da terra.

- ¿Que destaca deste álbum?
- Quizais o máis chamativo sexan as versións, entre as que hai unha de Status Quo. Hai que sacar os corsés dos estilos para facer música para o mundo, para o país.

- Como a de "Os animais" que está a rachar en YouTube.
- Esta versión é a punta de lanza para un traballo adicado aos nenos. A canción máis o vídeo levan unha semana en YouTube onde leva 18.000 visitas.

- Así que non é agoreiro coa Internet.
- Nas tecnoloxías dixitais, temos moita esperanza. Vai ser un disco moi divulgado na rede que restará ao CD físico pero iso é moi difícil de controlar. É moi complicado vivir da música. O avance na dixitalización foi bárbaro pero deu pé a unha crise no mercado polo que as compañías cada vez apostan menos polos grupos.

- Pero vostedes teñen un púlico fiel.
- Sí, pero en Galicia é cada vez máis complicado tocar. A xente retrotráese á hora de contratar folc. Desgraciadamente, non se está apostando nada polo folc nin desde as institucións, nin desde as produtoras. A xente vai aos concertos se non paga. Estamos nun país de subvención total. Hai que dar o paso e que os programadores perdan o medo a cobrar a entrada.

- Tras tantos anos, arrepíntese de ter deixado algo atrás?.
- A formación que está na actualidad ten unha grande empatía.Non me arrepinto de nada, os tropezóns que houbo seguiron para seguir para adiante, reflexionar e recoñer os erros.

- O faro da portada, é o de Cabo Vilán?
- Sí, este faro da Costa da Morte simboliza a fin da terra. A portada aparece en vermello por un solpor. Temos que aproveitar estes recursos da natureza.

www.farodevigo.es
Comentarios (2) - Categoría: Novas - Publicado o 22-10-2007 09:03
# Ligazón permanente a este artigo
II Ciclo de Cinema Etnográfico
Comentarios (0) - Categoría: Novas - Publicado o 22-10-2007 09:02
# Ligazón permanente a este artigo
Novas da Escola de Artes e Oficios de Vigo
A Universidade Popular inicia o curso sen profesores na metade das materias

A Universidade Popular iniciou esta semana o curso, a pesar de que a metade das materias carecen de profesor e non puideron empezar.
O motivo é o cambio por lei nas formas de contratación dunha parte dos docentes, que ata agora eran por obra e servizo, o que obriga a buscar novas fórmulas. As modificacións legais afectan a unha decena de profesores para os que se fai necesario buscar unha saída.

Esta circunstancia afecta ás materias de encuaderanción, palillos, pintura, serigrafía, música moderna e son, arpa, zamfoña, gaita, percusión, violín, requinto e canto popular. Nestes casos, as clases non deron comezo e a través dunha nota advírtese aos alumnos que poderían iniciarse en novembro, aínda que se avisará a través de distintos medios.
O resto das materias, ao redor dunha decena, iniciaron o curso con atraso o pasado mércores.

A concelleira de Educación, Laura López Atrio, ten intención de levar as súas propostas de contratación á próxima xunta reitora da Escola de Artes e Oficios, aínda sen fixar.
Na actualidade o centro permanece sen director, a pesar de que recentemente o alcalde asegurou que está previsto o nomeamento dunha persoa con carácter estable.

En tanto non se produce este nomeamento, a supervisión corre a cargo de Rafael Ojea, nomeado recentemente xefe do servizo de Educación do Concello.

www.lavozdegalicia.es


Hoxe ás 19:00 reunión informativa coa delegada de alumnos
Comentarios (0) - Categoría: Novas - Publicado o 22-10-2007 08:57
# Ligazón permanente a este artigo
O eucalipto reconquista a «zona cero»
Os esforzos de repoboación do monte queimado en Cotobade son inútiles, xa que os incendios facilitaron a proliferación desta especie foránea.

Lonxe de acabar co eucalipto, os incendios forestais do ano pasado facilitaron a proliferación desta especie invasora. E un claro exemplo diso é o inevitable rebrote desta árbore, oriúndo de Australia, na denominada zona cero das chamas do 2006: Cotobade, municipio da provincia de Pontevedra.

A mancomunidade de montes de Cotobade, por exemplo, perdeu preto de 6.000 das 7.000 hectáreas de monte que xestiona nas parroquias de Viascón, San Xurxo de Sacos, Tenorio, Carballedo e Rebordelo. «Case todas as zonas que arderon ou ano pasado xa están repletas de eucalipto», afirma ao pé dun dos montes de Viascón afectados polos lumes Emilio Iglesias , secretario da comunidade de montes da parroquia. «Ou lume facilitou a súa expansión», engade.

Manuel Amado, presidente da mancomunidade, coincide. «É unha invasión», sostén. «Non hai maneira de acabar con eles», subliña, para engadir que desde a estrada N-541 avístanse zonas onde os rebrotes de eucalipto «desespérannos».

De feito, é unha batalla perdida. Os traballos de limpeza e eliminación de rebrotes de eucalipto son insuficientes. Emilio Iglesias explica, acusando aos eucaliptos de exército invencible, que a cinza é practicamente como un abono. Cando se produciron os incendios, as sementes das árbores caeron ao chan e se esparcieron «por todos vos lados».

Neste sentido, o comuneiro insiste. «Todo ou que ardeu é agora eucalipto», sinala Emilio Iglesias . «Todo ou que florece é eucalipto, e iso que tratamos de eliminalo, pero ou certo é que crece moi depresa», apunta.
Pero a situación agrávase aínda máis. En Viascón a masificación do eucalipto está a provocar a redución de auga nos ríos, así como nos regachos. «Vos eucaliptos ata recollen a auga que baixa polo monte», indica o secretario da comunidade de montes de Viascón.

Un por un
A batalla que non verá a bandeira branca, símbolo de rendición, é a que se iniciou en Cotobade e outros municipios galegos para evitar a presenza dun só eucalipto a unha distancia inferior a cen metros das casas habitadas.
Os comuneiros eliminaron cada tocón (a parte da árbore que aflora en superficie e que garda a raíz despois de ser tallado) para evitar novos brotes. «Fumos tocón por tocón ata rematar cos eucaliptos que ameazan vos nosos fogares», sinala Emilio Iglesias . «Se non vas un por un, aos dous días xa tes cinco ou seis máis por tronco de eucalipto».

Veciños do municipio recordan que as especies autóctonas, como o piñeiro, o carballo ou o castiñeiro, serviron no seu momento de barreira para frear a propagación das feroces chamas. «Co eucalipto, un síntese impotente. Ves como ou traballo que fixeches vaise ao traste logo de pouco tempo».
Comentarios (0) - Categoría: Novas - Publicado o 18-10-2007 10:10
# Ligazón permanente a este artigo
Novidades do Conservatorio folc de Vigo
Hoxe mobilización:
17 de outubro
(día de escomezo das clases para o resto de aulas da Escola de Artes e Oficios),
ás 20:00 diante do Marco (rúa Principe),
desta vez con instrumentos



POR UNHA ESCOLA CON PROXECTO DE FUTURO!!!


Datas para as probas de acceso

Xa están expostas na secretaría da Escola as datas para as probas de acceso dos alumnos matriculados en primeiro das aulas do Conservatorio Folc da escola de Artes e Oficios de Vigo.

Durante a semana do 22 ao 25.


O Conservatorio de Música Tradicional de Vigo pasará a ser Escola

A Concellaría de Educación de Vigo informa que teñen a intención de converter o Conservatorio de Música Tradicional nunha Escola que se integre na Escola Municipal de Música. Novas dependencias e a estabilidade laboral dos ensinantes, “facendo fixos ou interinos a toda a xente posible” son as novas propostas para o centro, segundo asegura a titular do departamento, Laura López Atrio, que engadiu que o novo espazo terá "mellores condicións" e “unha orientación educativa avanzada".

www.culturagalega.org

Hoxe mobilización:
17 de outubro
(día de escomezo das clases para o resto de aulas da Escola de Artes e Oficios),
ás 20:00 diante do Marco (rúa Principe),
desta vez con instrumentos


POR UNHA ESCOLA CON PROXECTO DE FUTURO!!!
Comentarios (0) - Categoría: Novas - Publicado o 17-10-2007 14:59
# Ligazón permanente a este artigo
Todos somos Aduaneiros
Hai que saber tomar as cousas con humor...

O Xogo dos recortables...probade a cambiarlle de roupa...
máis a imaxe da traición de Bruto a Cesar (o simil da situación de Yolanda Castaño con Isaac Díaz Pardo)

Comentarios (1) - Categoría: Novas - Publicado o 17-10-2007 01:29
# Ligazón permanente a este artigo
Aduaneirossemfronteiras...Tu Quoque Iolanda?

O buque insignia do humor gráfico galego pecha a súa páxina web...

Sendo requiridos por Dom Pablo Carvajal de la Torre, representante legal de Dona Yolanda Castaño Pereira, a retirar do nosso site o desenho gráfico “Tu Quoque Iolanda?” e os comentários a ele adjuntos, sob ameaça de demanda judicial por delitos de injúrias com publicidade, e nom querendo ferir a delicada sensibilidade da nossa insigne poetisa, Aduaneiros sem Fronteiras, questionando-nos até que ponto tem sentido continuar a fazer humor gráfico neste país e a desenvolver umha autocrítica da razom galega, vimos de decidir fechar o nosso site por enquanto o nosso legítimo direito à liberdade de expressom nom se veja a salvo de coacçons judiciárias fora de lugar.

alfandega@aduaneirossemfronteiras.org
www.aduaneirossemfronteiras.org
Categoría: Novas - Publicado o 17-10-2007 01:20
# Ligazón permanente a este artigo
Agardando o novo disco de Budiño
Mentres chega o mes de novembro e con el o novo traballo de Xose Manuel Budiño podemos atopar pola arañeira este blues con Ezequiel Orol e Segundo Grandío nos tempos mortos da gravación do novo disco.

Comentarios (0) - Categoría: Novas - Publicado o 17-10-2007 01:04
# Ligazón permanente a este artigo
Cinema en galego
A Mocidade pola Normalización Lingüística anima a acudir aos pases en galego de Nocturna, o novo traballo de animación da factoría Filmax

A partir deste fin de semana de ponte, pódese ver nas salas de cinema de Galiza o filme Nocturna, nova produción de animación da factoría Filmax especialmente dirixida á xente máis nova. A fita poderá visionarse tamén en lingua galega nun total de catro salas do país (Filmax da Coruña, Filmax Fontiñas e Multicinemas Compostela na capital galega e Multicinemas Norte en Vigo).

Como sempre que se estrea un filme nas nosas salas con posibilidade de ser visionado no noso idioma, a Mocidade pola Normalización Lingüística, sección xuvenil da Mesa, anima a todos os públicos, maiores e pequenos, a acudiren a calquera dos cinemas onde Nocturna se exhibe en lingua galega. Para a Mocidade da Mesa trátase dun acto de compromiso e reivindicación do idioma propio, nun ámbito esencial para a normalización da lingua como o cinema e, en xeral, os espazos de lecer máis frecuentados pola poboación no seu conxuntol; mais trátase tamén dun xeito de desfrutar do cinema e de exercermos o dereito básico que nos asiste a o podermos facer no noso propio idioma.

Porén, malia considerar sempre “como unha boa noticia” calquera estrea de cinema en galego, a Mocidade pola Normalización Lingüística chama a atención sobre o escaso número de salas onde se exhibirá en galego o novo traballo de Filmax. Así, mentres que Nocturna só poderá verse no noso idioma en tres cidades galegas, poderá visionarse en castelán en calquera das sete cidades e en máis do duplo de salas. “O galego segue así tratado como idioma de excepción e como cousa anecdótica na súa propia terra ”, sinalan desde as Mocidades da Mesa, “ben lonxe dunha suposta ou teórica igualdade ou equilibrio co castelán”.

www.amesanl.org

http://movies.filmax.com/nocturna/
Comentarios (0) - Categoría: Novas - Publicado o 15-10-2007 23:55
# Ligazón permanente a este artigo
Quempallou en Vigo

Quempallou na Fábrica de Chocolate Club de Vigo (r/Rogelio Abalde) este mércores 17 de outubro ás 23:00 (3€)
Comentarios (0) - Categoría: Novas - Publicado o 14-10-2007 23:48
# Ligazón permanente a este artigo
Etiquetal.com

Normalizando o galego en todos os campos...

Principia a súa andaina eTiqueTAL.com, unha páxina para atopar parella na túa lingua
O portal Fillos.org busca poñer en contacto a mozos e mozas de Galiza e da diáspora.

O maior portal da diáspora galega, Fillos.org, presentou esta semana un novo servizo que permitirá que mozos e mozas de todo o mundo atopen amigos ou parella usando unicamente etiquetas en galego. A iniciativa eTIqueTAL.com, que conta co apoio da Secretaría Xeral de Política Lingüística, pretende contribuír á normalización da nosa lingua en internet.

Segundo explican os propios promotores, “o web baséase no concepto da semántica, de tal xeito que cada usuario defínese a si mesmo mediante unha icona, unha frase favorita e unha serie ilimitada de etiquetas que describe todo o que lle gusta”. Posteriormente o propio sistema é o que avisa de xeito automático a outros usuarios que comparten eses mesmos gustos e posibilita o contacto privado.

O responsábel técnico do proxecto, Manuel Casal Lodeiro, subliña que a iniciativa pretende “facer que os mozos galegos empreguen máis o galego para se relacionaren entre si na Rede, e que como en todos os nosos proxectos se reúnan nun lugar común os galegos de Galiza e da diáspora”.

www.etiquetal.com
Comentarios (0) - Categoría: Novas - Publicado o 14-10-2007 23:16
# Ligazón permanente a este artigo
O PP reabre en Cangas a Escola de Gaitas da Deputación
A Deputación de Pontevedra decidiu continuar coa actividade da Escola de Gaitas e Percusión que rexeitara o goberno cangués tras dous anos de funcionamento.

As clases impartiranse na academia Staccato, en cálea Paz, os sábados pola mañá. O prazo de inscrición está aberto ata o día 19. O 20 terá lugar o acto de presentación ás 12.00 horas.

Tanto a matrícula como as clases son gratuítas. A Escola proporciona aos alumnos os instrumentos mentres non o adquiren pola súa conta. Ao alumno non se lle esixe ningún coñecemento previo nin de música nin de instrumento.

O deputado provincial, ex alcalde e concelleiro cangués José Enrique Sotelo, e o director da escola, Hipólito Cabezas, anunciaron onte nun hotel do centro do pobo a decisión do organismo provincial e aproveitaron para criticar ao goberno local por descartar esta oferta recorrendo ao «peregrino argumento», segundo indicou Sotelo, de que os instrumentos e os ensinos musicais non responden á tradición galega. O ex alcalde considera que o tripartito buscou unha «confrontación interesada» con tal decisión. «Nós non entendemos a cultura como un coto privado para adoutrinar ás masas», afirmou.
Hipólito Cabezas mostrou a súa sorpresa pola argumentación que serviu ao goberno cangués para pechar a escola. Afirma que tanto os instrumentos utilizados (gaita, tamboril e pandereita) como os ensinos musicais responden plenamente á tradición folclórica galega. Os estudantes inícianse cunha frauta rectificada, adaptada á escala da gaita. Os estudantes de percusión inícianse con caixas xordas antes de pasar ao tamboril e a pandereita.

Cabezas di que ninguén pon reparos a que os grupos folk toquen calquera instrumento foráneo, pero ás bandas de gaitas obrígaselles a vestir o traxe tradicional, a facer música tradicional e a utilizar os instrumentos tradicionais. Ao seu xuízo, é «algo incomprensible e manipulado». Apunta a posibilidade de que sexa potenciado por músicos que se quedaron descolgados e sen posibilidades de actuar.

A Deputación, que mantén estas escolas en Arousa, Lalín, Pontevedra e Vigo, creou a de Cangas hai dous anos. As clases impartíanse no auditorio. O concelleiro de Cultura cangués, Xosé Manuel Pazos, di que había un grave problema de espazo, problema que recoñece o director da escola. A decisión final de pechala, con todo, tomouse en comisión de goberno. As críticas dalgúns músicos tradicionais desde o mesmo día en que foi aberta foron o argumento de tal decisión. Pazos di que o ensino da gaita e a percusión está ben cuberta polas bandas existentes en Cangas.

www.lavozdegalicia.es
Comentarios (0) - Categoría: Novas - Publicado o 14-10-2007 23:15
# Ligazón permanente a este artigo
Ruxe-Ruxe preparan novo disco

Ruxe-Ruxe anuncia que despois de presentar o seu último traballo discográfico “Comercial” (PAI-musica 2006) nunha intensa xira de 44 concertos ao longo de todo o país, fai unha breve parada para gravar de maneira inminente o que será o seu 6º traballo de estudio, que estará na rúa en marzo de 2008.

A despedida da xira “Comercial” levará ao grupo a tocar os días:
31 de Outubro, Sala Irish Rover, Madrid.
1 de Novembro, Sala MostMusic, Leganés.
2 de Novembro, Sala Baranda, Barco de Valdeorras.
3 de Novembro, Castañazo Rock, Chantada.

Os Ruxe-Ruxe queren agradecer o apoio e cariño recibido por todos os promotores, asociacións, programadores e festivais, así como, moi especialmente aos grupos cos que compartiron cartel e tamén a toda a xente que asistiu aos concertos e cargou de enerxía positiva á banda ao longo de todo este 2007.

"isto somentes é rock and roll pero préstanos dabondo"

www.ruxeruxe.com

Comentarios (0) - Categoría: Novas - Publicado o 14-10-2007 23:14
# Ligazón permanente a este artigo
Homenaxe ao Gaiteiro 2007
Os gaiteiros de toda Galicia celebran a súa festa en Vigo

A asociación A Buxaina e o Centro Recreativo Artístico e Cultural de Coruxo rende hoxe homenaxe ao gaiteiro. A festa da música tradicional realízase desde hai dezanove anos e ten como obxectivo destacar a figura dalgúns gaiteiros que seguen mantendo a cadea de tradición musical entre xeracións, por encima das modas e os adiantos tecnolóxicos.

A tradición remóntase ata onde un queira buscar, e xa no padrón de Vigo de 1639, constaba un veciño inscrito co oficio de gaiteiro, nun total de 519 veciños, entendidos estes como cabezas de familia, residentes nunha casa.
E é que Galicia non se pode entender sen o son dunha gaita. Romarías, «seráns» ou muiñadas foro amenizados desde sempre por estes personaxes e os seus instrumentos de fol. Durante tempo, os gaiteiros eran como os roqueros; seres relacionados coa troula e o vivir «a lume de biqueira».

A cita terá lugar a partir das sete e media da tarde, no teatro do Centro Cultural Caixanova. O aforamento volverá cubrirse porque o amor polas tradicións está moi vivo no municipio vigués.
Nesta decimonovena edición, os organizadores do evento renderán homenaxe a Manolo Viqueira e Marcelino e Pepe dá Gaita de Sarandón, figuras destacadas da música tradicional galega que seguen transmitindo os seus coñecementos de geración en xeración, desde a experiencia que lles proporciona a súa longa dedicación ao folclore galego.

As presentacións correrán a cargo de Pepe Suevos, que seguro que cargará de humor todos os seus comentarios, non en balde é unha das figuras locais máis destacadas no fino oficio de facer reir.

Pero nunha homenaxe á gaita non podía faltar a presenza da música. Nesta ocasión, o programa está cargado de oficio. Así, os espectadores poderán seguir a actuación de Anacos de Buxo, un cuarteto de música tradicional galega, formado por dúas gaitas (Xurxo Fernández e Pedro Álvarez), tamboril (Ramón Corral ) e bombo (Álex Covelo), que sacaron o seu primeiro disco en 2004; a Agrupación Folclórica Trompos Os Pes, nacida en Marín fai máis de vinte e cinco anos; e Quempallou, un grupo que traballa sobre os ritmos tradicionais galegos intentando conservar a frescura orixinal, e buscando un estilo moi bailable para goce tanto dos propios músicos como do público. Así que a festa da gaita está asegurada, tanto desde o punto de vista emotivo, como musical.

www.lavozdegalicia.es
Comentarios (0) - Categoría: Novas - Publicado o 13-10-2007 15:35
# Ligazón permanente a este artigo
Videos do Concurso de Gaitas de Ponteareas
Xa podemos difrutar dalgúns dos videos da Final do Reveriano Soutullo deste ano.

Con polémica, artificial ou non, noraboa aos gañadores.

Comentarios sobre o concurso.

Final do Reveriano Soutullo 2007

1º PREMIO - VILABEIRA (VILAGARCÍA DE AROUSA)
CHRISTIAN CASTRELO CONDE
ABRAHAN FDEZ LOPEZ
MIGUEL SOUTO
ALEXANDRE FERNANDEZ

2º PREMIO -RÉDEA SOLTA (POIO)
PABLO DE VIGO
OSCAR IBAÑEZ
ALBERTO COSTAS
SERAFÍN SANTOS

3º PREMIO –LAGHAREU (COTOBADE)
EDELMIRO FDEZ
PABLO DALAMA
LOLA FERNANDEZ
MIGUEL FRAGUAS

4º PREMIO - OS CHUPACABRAS (VIVEIRO)
DAVID BELLAS
XESÚS RIVERA
CRISTIAN SILVA
RAFAEL CRESPO

Vilabeira


Laghareu


Os Chupacabras


Abelente

Categoría: Novas - Publicado o 11-10-2007 01:07
# Ligazón permanente a este artigo
VI Premios Opinión de Música Folc

Este xoves día 11 de outubro ás 20:30 celebrarase, no Teatro Colon de A Coruña, a gala de entrega dos prestixiosos "Premios Opinión" adicados á música galega e organizados polo xornal "La Opinión".

Actuacións da gala:

Xosé Luís Miguélez, gaita + Pablo Diago, piano.
Nordestinas: Guadi Galego, voz + Ugia Pedreira, voz e Abe Rábade, piano,
Maite Dono, voz + Manuel Gutierrez, piano
Os Cempés (nunha das derradeiras actuacións antes de despedirse como grupo)

A entrada é libre ata completar aforo, previo levantamento da invitación na sede do xornal. Para conseguir a invitación recorta o cupón que vai co xornal e entregao na sede do mesmo situada na Rúa Franxa 40-42.>


Un ano máis a gala de entrega dos PREMIOS OPINIÓN volve pulsar o estado no que se atopa o folk galego. Os premios concedidos ao longo destas seis edicións conforman un panorama do que se está a facer neste estilo musical, o que se viu reflectido nas votacións elaboradas polo xurado composto por xornalistas de diferentes medios de comunicación.

Unha novidade estilística faise evidente ao consultar o palmarés das dúas últimas edicións do galardón, no que se comproba que xurdiron novas visións musicais capaces de engaiolar a un público quizais necesitado dunha lufada de aire fresco que fixese enriquecer as opcións existentes dentro da música de raíz do noso país. A apertura de novos vieiros plásmase nunha serie de proxectos nos que salienta o traballo dun fato de artistas inquedos necesitados de romper clixés e moverse con absoluta liberdade sen sentir que optar por un camiño diferente é algo que non se debe facer. O seu labor comeza a ser recoñecido e o público refrenda o traballo mercando os seus álbumes e aportando unha interesante cifra de vendas para un pequeno mercado coma o noso.

Nesta sexta entrega dos premios o camiño marcado pola edición anterior, premiando tres obras novidosas dentro do folk galego, continuou no momento en que os gañadores como mellor disco do ano 2006 foron o trío Nordestin@s. A unión do pianista Abe Rábade e as voces de Guadi Galego e Ugía Pedreira, xa cunha traxectoria ás súas costas, conforman unha obra peculiar na que conviven con naturalidade pezas populares, aportacións propias e as pingas jazzísticas aportadas por Rábade, un músico que goza de moito prestixio e foi quen de afrontar o reto lanzado polas súas compañeiras para unirse a elas nunha singradura que cabe considerar exitosa, e que non sabemos se terá continuidade no futuro.
Os Cempés desfanse e esta é unha excelente ocasión para brindarlles unha despedida brillante, como eles merecen, logo de facer bailar a miles de persoas ao longo de todos estes anos. O seu carácter lúdico colaborou para facer de festivais auténticas festas. Recibiron na segunda edición un PREMIO OPINIÓN como terceiro mellor disco do ano por Moe a moa e agora temos ocasión de velos tocar enriba do escenario.

A presentadora do acto é Maite Cabezas, presentadora de A Revista fin de semana, programa da TVG. A cerimonia de entrega comezará ás 20.30 horas no teatro Colón e durará algo máis de dúas horas.

Comezará saíndo ao escenario o gaiteiro Xosé Miguélez para interpretar un par de pezas, acompañado do pianista Pablo Diago. Despois tocaralle o turno a Maite Dono, acompañada ao piano por Manuel Gutiérrez, que cantará cinco temas. Seguidamente tocarán Os Cempés e logo chegará a entrega de premios. Pecharán o acto as Nordestin@s.

www.laopinioncoruna.es
Comentarios (0) - Categoría: Novas - Publicado o 11-10-2007 00:10
# Ligazón permanente a este artigo
© by Abertal
free web counter

contador de malmequeriáns dende o 1 de marzo 2007








Galiza

Malmequer