Malmequer


Pandereiteir@s e festeir@s da beira atlántica da Galiza


Malmequer
malmequer.vigo@gmail.com
 GAVETAS
 OS SERÁNS (Sección de consulta)
 FOTOS PARA A HISTORIA
 LIGAZÓNS
 BUSCADOR
 BUSCAR BLOGS GALEGOS
 ARQUIVO
 ANTERIORES

Derradeiro "Venrespirar" da tempada en Ourense
Este Venres día 6, a partir das 22 h., despedimos os Venrespirar desta tempada, na praza das Mercedes de Ourense, coa colaboración do Pub "Olloledo".

Como fin de festa contaremos coa actuación do grupo "Os Terribles de Donas"

Os Terribles de Donas foron unha das murgas galegas de máis éxito e prestixio que funcionou ininterrompidamente ao longo de trinta anos, dende o remate dos trinta ata finais dos sesenta. Cun repertorio diferenciado entre o que foi a primeira época do grupo (na que primaban as muiñeiras, xotas e pasodobres) e as seguintes (coa incorporación das músicas traídas polos emigrantes e as que eran difundidas por medio da radio), o nome dos Terribles de Donas foise convertendo en sinónimo de festa rachada. Na actualidade, unha nova formación intenta recuperar o repertorio orixinal daqueles "Terribles" mantendo a filosofía do grupo. Podedes escoitar e ver un video deles no seguinte enderezo http://www.uvigo.tv/VODpublic/pontenasondas.html

E coma sempre, tamén tocará o Aula de Música Tradicional Gomes Mouro e todos aqueles que se/vos animedes.

Como vedes semella unha grande noite para tod@s @s que gostamos de bailar. ¡Esperámosvos!
Comentarios (0) - Categoría: Seráns e Foliadas - Publicado o 04-07-2007 09:51
# Ligazón permanente a este artigo
Ruada na Rapa das Bestas de Sabucedo

Contarase coas Pandeireteiras de Barro, Os Abrentes de Cerdedo, o Ghaiteiro do Piñeiro (Aldán)...; e por suposto tod@s @s que queirades facer Rúa.

Micros abertos!!
Comentarios (0) - Categoría: Seráns e Foliadas - Publicado o 04-07-2007 09:37
# Ligazón permanente a este artigo
Fotos da campaña

Voltamos subir fotos!!!!

Hai tempo que non subía nada e índa temos algunhas datas pendentes...
Hoxe aproveito para subir fotos festeiras da campaña electoral.

Unha noite no Furancho da Balsa

Peche de campaña cos Festicultores no Casco vello

P.D.: Tentarei por ao día a galería de fotografías
Comentarios (0) - Categoría: Seráns e Foliadas - Publicado o 29-06-2007 01:32
# Ligazón permanente a este artigo
Foliada nas Pontes

O vindeiro venres día 29 de Xuño a partir das 22:30 horas, na Cafetería LAR, organizamos a derradeira Foliada desta temporada. Para a ocasión contamos cun cartel de luxo dentro do ámbito tradicional.

Para empezar visítannos “AS DUAS”. Elas son: Sabela Caamaño e Tamara Santamariña, dúas xóvenes rapazas ferrolás que fan maravillas cos seus acordeóns. Demostrando en cada actuación que o delas é o virtuosismo, semellando facil é sinxelo todo o que fan, demostrando un control impecable e un dominio absoluto sobre o instrumento.
Teñen unha maqueta gravada no 2006, titulada “COMEZOS”, con doce pezas, todas tradicionales, mesmo teñen gañado algún concurso internacional.

Despois poderemos contar coa presenza de Manuel Viqueira, o gaiteiro de Vilaverde, un dos mellores gaiteiros de Galicia: Coñecido en toda a comarca de Ordes dende que, con 11 anos, comezara a percorre-las romarías levando a maxia e a alegría da súa música. Manuel tén agora 77 anos e segue cheo de forza e de proxectos: acaba de gravar un disco e tamén de aparecer no mes de Febreiro como protagonista do programa da TVG, ALALA.

Manuel é único porque tén un xeito de tocar, o que se coñece como “tocar pechado”, que antes era moi frecuente pero que agora pouca xente domina. Ademais conserva moi ben o repertorio propio da súa zona e que fai uns picados e uns trinos que distinguen a súa música da de calquera outro gaiteiro, poderemos comprobar a gran espectacularidade, coa sua forza de interpretación ante o público.
Comentarios (1) - Categoría: Seráns e Foliadas - Publicado o 27-06-2007 14:45
# Ligazón permanente a este artigo
Despois de Xacarandaina tócalle a O Fiadeiro
Comentarios (2) - Categoría: Seráns e Foliadas - Publicado o 18-06-2007 12:01
# Ligazón permanente a este artigo
Actualización da Romaría do Lecer
VII romaría do lecer

Desta vez terá lugar no Paseo das Pontes da Coruña (non no Parque de Santa Margarida coma sempre, debido ás obras) a vindeira fin de semana, 16 e 17 de Xuño.

O sábado á noite, faremos a foliada, abrirá o acto o Grupo de Música Tradicional Xacarandaina, e despois tocarán no palco grupos de toda Galicia coma Nemeth (Carballo), O Fiadeiro (Vigo), Donaire (A Coruña), Cantigas e Agarimos (Santiago)... Despois disto, poderá tocar todo aquel que queira, para seguir coa festa.
Haberá tamén un bochinche para ir mollando a gorxa.

O domingo 17, durante todo o día, levaremos a cabo a clausura de actividades dos alumnos da Asociación; haberá tamén actuación de paiasos e xogos para os máis pequenos, mostra de obradoiros artesáns, o I campionato de tute, e seguirá alí o bochinche pra recargar forzas.

Agardamos vervos por alí.
Comentarios (1) - Categoría: Seráns e Foliadas - Publicado o 12-06-2007 12:49
# Ligazón permanente a este artigo
Fotos da cea Amalghama-Malmequer
Comezamos a subir as fotos da cea no furancho Xungiño cos amigos de Amalghama.

Moi divertido, hai que repetilo...Pra cando outra volta ao desafío?

Bikos e apertas a tod@s

Cea Amalghama-Malmequer
Comentarios (5) - Categoría: Seráns e Foliadas - Publicado o 01-06-2007 01:11
# Ligazón permanente a este artigo
Fotos do Serán de Redondela
Graciñas a Xosé Covelo por pasarnos fotos do Serán de Redondela xa que, índa que estivemos por alí, os reporteiros máis dicharacheiros de Malmequer non puideron achegarse e quedamos sen fotos "oficiais".

Préstalle a ún comprobar que podes contar con outros festeiros coas mesmas inquedanzas para colaborar con este blog.

O dito Xosé, graciñas e un saúdo

P.D.: Para cando ese marabilloso Festival da Lúa Meiga no Viso?

Serán de Redondela

Comentarios (1) - Categoría: Seráns e Foliadas - Publicado o 25-05-2007 16:45
# Ligazón permanente a este artigo
Fotos do Serán de Pontevedra
Subidas as fotos do Serán de Pontevedra

un saúdo a tod@s

Serán de Pontevedra

Como rematou a noite de Serán?

Comentarios (2) - Categoría: Seráns e Foliadas - Publicado o 23-05-2007 16:58
# Ligazón permanente a este artigo
Serán do Carballal
Comentarios (3) - Categoría: Seráns e Foliadas - Publicado o 21-05-2007 09:56
# Ligazón permanente a este artigo
Cea Malmequer-Amalghama

O lugar acordado, o momento fixado, as armas elexidas e os corpos e mentes preparados…vaise facer Historia

Lugar: Furancho Xunguiño, estrada Redondela-Porriño, Km 151 (ver mapa no blog Malmequer) (é máis preto ir por Puxeiros agás os que veñan de Redondela)

Momento: Mércores 16 ás 22:00

Armas: Instrumentos varios e gorxas afinadas…

Até que o corpo aghuante...

Comentarios (10) - Categoría: Seráns e Foliadas - Publicado o 15-05-2007 11:05
# Ligazón permanente a este artigo
Novas fotos do Serán de Valadares
Subidas novas fotos do Serán de Valadares

un saúdo a tod@s

Serán de Valadares
Comentarios (0) - Categoría: Seráns e Foliadas - Publicado o 14-05-2007 12:04
# Ligazón permanente a este artigo
Cea Malmequer-Amalghama...como chegar ao Furancho
Comentarios (0) - Categoría: Seráns e Foliadas - Publicado o 14-05-2007 10:01
# Ligazón permanente a este artigo
Serán no Faisca o 19 de maio
Comentarios (0) - Categoría: Seráns e Foliadas - Publicado o 14-05-2007 09:47
# Ligazón permanente a este artigo
Serán de Redondela o 19 de maio
Comentarios (0) - Categoría: Seráns e Foliadas - Publicado o 14-05-2007 09:47
# Ligazón permanente a este artigo
Fotos do Serán de Valadares
Subidas as fotos do Serán de Valadares

Serán de Valadares
Comentarios (0) - Categoría: Seráns e Foliadas - Publicado o 12-05-2007 15:06
# Ligazón permanente a este artigo
Fin de semana de Seráns...cinco

Sábado 12 maio:

Serán en Pontevedra (Praza da verdura)
Serán do Mar de Rianxo
Serán na Capela de San Benito (O Porriño)
Serán en Morgadáns (Gondomar)
Serán do Muiño de Coiro (Cangas do Morrazo)
Comentarios (4) - Categoría: Seráns e Foliadas - Publicado o 11-05-2007 14:08
# Ligazón permanente a este artigo
Amalghama lanza unha luva a Malmequer

Ano do Noso Señor de dous mil sete. Os tempos son chegados. A luva cruzou o espazo entre a sen razón e o desacougo... e alguén ten que recollela.

As mulleres, os homes de Malmequer. Amalghama, as súas mulleres, os seus homes. Armados de pandeiretas, cunchas, culleres, piñas, gaitas, pandeiros, requintas. Tocadores sempre listos.

Detrás a honra e o valor que se supón. Paso ao fronte cara á mesa de batalla. Se hai que morrer que sexa dunha enchenta. Se hai que discutir que sexa regueifando.

O dezaseis de maio cambia a Lúa. Noite escura. O cuco xa se escoita dende hai días, anuncio de primavera, máis ha deixar paso ao galo da casa, ás patacas novas, ao viño de Leirado, ao licor café nacido da forza. E que a forza nos acompañe.

A mesa de batalla establécese no furancho Xunguiño. A hora da honra ás 22:00. O día dos valentes o 16 de maio. Os vitoriosos termarán dos vencidos. Serán Malmeghama.

Por aquilo de non desperdiciar animal con pluma convén confirmar asistencia de mártires e achegados. Tocadores e bailadores.


Alá arriba, non sei onde,
atopeime non sei con quen,
díxome non sei que cousa,
non lla digas a ninguén.

Amalghama

Comentarios (1) - Categoría: Seráns e Foliadas - Publicado o 04-05-2007 08:58
# Ligazón permanente a este artigo
Fotos do Serán de Lourido

Xa estamos ao dia, nonsí?
Subidas as fotos do Serán de Lourido

Serán de Lourido
Comentarios (0) - Categoría: Seráns e Foliadas - Publicado o 04-05-2007 02:15
# Ligazón permanente a este artigo
Fotos dunha noite cos Chichisos

Fotos da Foliada organizada polos amigos dos Chichisos na Casa do Coto de Tomeza.

Graciñas a este grupo de festeiros de furancho pola festa montada e por facernos pasar unha noite tan divertida.

Unha noite cos Chichisos
Comentarios (1) - Categoría: Seráns e Foliadas - Publicado o 04-05-2007 01:14
# Ligazón permanente a este artigo
Fotos do Serán de Moreira

Quedaba rezagado o Serán de Moreira.
Imos comezando a subilas.

Serán de Moreira
Comentarios (0) - Categoría: Seráns e Foliadas - Publicado o 30-04-2007 11:01
# Ligazón permanente a este artigo
Foliada en Cerqueda (A Coruña)
Este sábado 28 de abril, organizado polo grupo de Música e Danza Raigañas, haberá un serán ou mellor dito unha Foliada, nome co que son coñecidas este tipo de festas na Comarca de Bergantiños.

A Foliada será na parroquia de Cerqueda, preto de Malpica de Bergantiños, Costa da Morte, zona rica en pandereteiras e bailadoras.

Dende Cerqueda estades todos convidad@s.
Comentarios (3) - Categoría: Seráns e Foliadas - Publicado o 26-04-2007 11:30
# Ligazón permanente a este artigo
I Noite de Fiadeiro en Ramirás (Ourense)
I Noite de Fiadeiro en Ramirás (Ourense)
Sábado 28 de abril


A escola de baile tradicional e canto e pandeireta do Concello de Ramirás coa colaboración de: Escola Provincial de Danzas da Deputación de Ourense, Aula de música tradicional Gomes Mouro, Coanhadeira e a Banda de Gaitas do Concello de Ramirás organiza o sábado 28 de Abril de 2007 arredor das 21:00h, a I Noite de Fiadeiro.

Ultimamente estase a escoitar continuamente a organización de seráns pero a inmensa maioría nas Provincia de Pontevedra e A Coruña. Un serán é unha festa tradicional onde tanto novos coma vellos se unen nos bailes e cantos co fin de pasalo ben. Agora queremos incorporar esta costume tan estendida nestas dúas provincias a provincia de Ourense onde eran mais coñecidos os fiadeiros, que inda que variando no nome a intención era a mesma, a diversión.

Recordamos que o Concello facilita as instalacións do pabellón municipal (situado a 600 m aprox do Multiusos) para quen queira quedarse a durmir. Para esto é indispensable traer saco de durmir e avisar a alguén da organización.

Para calquera contacto ou información sobre o evento falar con :

• Alexandre Sotelino Losada (Organizador do fiadeiro e mestre da escola de baile tradicional do Concello de Ramirás )

• TELÉFONO: 639 90 80 05

• E-MAIL: Alexsote@hotmail.com
Alejandro.Sotelino@rai.usc.es


Comentarios (2) - Categoría: Seráns e Foliadas - Publicado o 25-04-2007 15:18
# Ligazón permanente a este artigo
De Furanchos por Matamá
Imos engadindo as fotos da fin de semana.
Estas son do venres, coa ronda de Furanchos en Matamá, primeiro coa festa dos Crótalos no Furancho de Balsa e despois coa Foliada no Malaherba (antigo Matamáfolc)

De Furanchos por Matamá

O video...non precisa palabras

Comentarios (9) - Categoría: Seráns e Foliadas - Publicado o 25-04-2007 01:07
# Ligazón permanente a este artigo
Serán na Fábrica de Chocolate hoxe mércores

Como cada mes, unha nova Foliada-Serán na Sala Fábrica de Chocolate de Vigo (rúa Rogelio Abalde).

Mércores 18 de abril.
A partires das 23:00

Estades avisados!!
Comentarios (1) - Categoría: Seráns e Foliadas - Publicado o 18-04-2007 15:00
# Ligazón permanente a este artigo
Subidas novas fotos do Serán de Donas
Subidas novas fotos do Serán de Donas.

Serán de Donas
Comentarios (0) - Categoría: Seráns e Foliadas - Publicado o 18-04-2007 09:01
# Ligazón permanente a este artigo
I Fiadeiro en Maceda
Comentarios (7) - Categoría: Seráns e Foliadas - Publicado o 16-04-2007 14:35
# Ligazón permanente a este artigo
Serán de Donas

Xa están subidas parte das fotos do Serán de Donas, nunha noite preciosa.
Se non chega a ser polo meu accidente de coche todo sería perfecto... mecachiná!!

Serán de Donas
Comentarios (4) - Categoría: Seráns e Foliadas - Publicado o 15-04-2007 16:45
# Ligazón permanente a este artigo
Fotos do Serán de Fozara

Xa están subidas as fotos do Serán de Fozara.

Un saúdo para toda a xentinha coa que estivemos por alí e que nolo fixo pasar tan ben.

Bikos e apertas a tod@s!!

Serán de Fozara
Comentarios (0) - Categoría: Seráns e Foliadas - Publicado o 12-04-2007 01:22
# Ligazón permanente a este artigo
Esta fin de semana toca elexir Serán

A elexir de tres, así que para atopar cada un sen problemas...

Vilasobroso xa aparece no mapa de seráns do blog
Mapa dos Seráns

Así que imos colocar a Donas e Angudes no seu lugar
Comentarios (1) - Categoría: Seráns e Foliadas - Publicado o 12-04-2007 01:10
# Ligazón permanente a este artigo
Serán no Faisca
Comentarios (0) - Categoría: Seráns e Foliadas - Publicado o 11-04-2007 01:03
# Ligazón permanente a este artigo
III Foliada de Melide
DOMINGO 29 de abril no Pazo de Congresos e Exposicións de Melide
ORGANIZA: Agrupación Folclórica "Castelo"

PROGRAMACIÓN
MOSTRA DE ARTESANÍA

EXPOSICIÓNS
Mostra sobre o traballo desenrolado pola Asociación de Gaiteiros Galegos
(Organiza: Esc. de gaita e percusión galegas Axoúxere
Colabora: Asociación de Gaiteiros Galegos)
15 Anos de música e baile
(Agrupación Folclórica Castelo)
Instrumentos Antigos
(Pepe Temprano)

CONFERENCIA
II Seminario de palletas e pallóns para gaita galega no Edif. Multiusos
(Organiza: Asociación de Gaiteiros Galegos
Participan: X.M Gil, Antón Corral, J.L. Carballo Enríquez, Juan Brea)

OBRADOIROS
A fía
Os xogos populares (AGXPT Asociación Galega do Xogo Popular e Tradicional)
Os maios. Obradoiro infantil (Agrupación Folclórica Castelo)

TÍTERES TRES GLOBOS "Pedro e o lobo"

XANTAR POPULAR

MOSTRA DE BAILE TRADICIONAL
A. C. Brisas do Quenllo de Numide (Tordoia)
Grupo de baile tradicional Xirandola(Bandeira)

ACTUACIÓNS
Miro Casabella
Benigno Penas (Harmónica)
Xosé Sánchez (Cantor tradicional)

MARCHA GAITEIRA
Agrupación Folclórica CASTELO (Melide)
Esc. de gaita e percusións galegas AXOÚXERE (Melide)
Gaiteiros FROITO NOVO (Melide)
OS MELIDAOS Gaiteiros (Melide)
Grupo de gaitas A MARISTELA (Sobrado)
Grupo de gaitas BICO DA BALOUTA (Agolada)
Grupo de gaitas CHARAMELA (Antas de Ulla)
Grupo de gaitas PAO DE BUXO de Saídres (Silleda)
Grupo de gaitas LUME NA LAREIRA (A Estrada)

SERÁN
A media noite QUEIMADA de balde para tódol@s asistentes
Comentarios (0) - Categoría: Seráns e Foliadas - Publicado o 09-04-2007 14:43
# Ligazón permanente a este artigo
Fotos da Reconquista

Comezamos a subir as fotos da Reconquista

Festa da Reconquista 2007
Comentarios (3) - Categoría: Seráns e Foliadas - Publicado o 03-04-2007 20:37
# Ligazón permanente a este artigo
Fotos da Foliada do Faísca e do Millo Corvo 2007
Subidas fotos pendentes da Foliada feita no Faísca e da festa do Millo Corvo en Meiro (Bueu).

Foliada no Faísca

Festa do Millo Corvo

P.D.: Un saudo para a xentiña que estivo onte no furancho de Matamá, pasámolo moi ben e comprometémonos que para a vindeira vez levaremos cámara fotográfica para que tamén quede proba no blog da foliada alí montada.
Comentarios (1) - Categoría: Seráns e Foliadas - Publicado o 29-03-2007 00:33
# Ligazón permanente a este artigo
Foliada-Serán en Vigo este mércores 21

Como cada mes, unha nova Foliada-Serán na Sala Fábrica de Chocolate de Vigo (rúa Rogelio Abalde).

Mércores 21 de marzo.
A partires das 22:30

Estades avisados!!
Comentarios (0) - Categoría: Seráns e Foliadas - Publicado o 20-03-2007 16:46
# Ligazón permanente a este artigo
© by Abertal
free web counter

contador de malmequeriáns dende o 1 de marzo 2007








Galiza

Malmequer