Mergullándome pola rede atopei este estudo sobre o blogmillo realizado por Manuel Gago, Silvia Canabal, Xosé López et alii para a Universidade de Santiago con motivo dos ENBLOGS 2006. Lamentablemente, o mundo dos blogs está en continuo desenvolvemento e o estudo xa precisa outra nova actualización dende 2006 a 2008. Trátase, pois, dun ameno estudo ao fenómeno blog no noso idioma. Moi aconsellable a súa lectura. Beizóns aos seus autores.
"1.Crear conciencia de que o uso do galego pode favorecer as relacións laborais, comerciais e bancarias.
2. Estender o uso da lingua galega nas relacións laborais, comerciais e empresariais.
3. Fomentar nos consumidores o hábito de usaren e reclamaren a atención comercial en galego."
Obxectivos do Plan Xeral de Normalización Lingüística
Dende este blog queremos unirnos ao entusiasmo recollido noutros blog polo acordo entre a Secretaría Xeral de Política Lingüística e o empresario Francisco González Viñas (presidente do Estaleiro H. J. Barreras) para potencia-lo galego na referida empresa. Iniciativa conseguida grazas ao labor do ForoEnriquePeinador, plataforma destinada a potencia-lo noso idioma no mundo empresarial. As nosas beizóns ás tres partes implicadas, en especial a Barreras. Agora é o momento de que outros sectores estratéxicos sigan o exemplo de Barreras.
