Catro meses tardou o suizo Christian Salamin para chegar a Santiago dende Noruega. Na súa peregrinación, de 5.400 kilómetros, atravesou sete países. Fixoo na bicicleta adaptada, pois «cando estou na bicicleta non sinto que sexa unha persoa con discapacidade», explicaba tras chegar, ás 13.56 de onte, antes do previsto, ao Obradoiro. Esta foi a súa maneira de sensibilizar sobre o dano cerebral, e o final da súa última etapa coincidiu co día do ictus, unha das causas principais desa gravísima dolencia.
Christian empregou catro meses neste percorrido. Así recaudou fondos para a asociación Fragile Valais, que apoia a persoas con este problema de saúde en Suiza. No Obradoiro animaba a «loitar» para superar os efectos dun ataque cerebral.
A súa xesta foi tan impresionante que, ao chegar a Compostela, respetouno a choiva. No Obradoiro esperabano o alcalde, Sánchez Bugallo, con máis representantes municipais; a directora de Turismo de Galicia, Nava Castro; o director xeral de Discapacidade da Xunta, Fernando González Abeijón; representantes da Federación Galega de Dano Cerebral, co seu presidente, Luciano Fernández, e ata un grupo de gaitas da Colexiata do Sar, persoas achegadas e patrocinadores.

Carla Mascareñas Miranda 1º Bach-A